ကမ္ဘာပေါ်က အရက်စက်ဆုံး မုဒိန်းမှုကျူးလွန်ခဲ့သူ (သို့) တဏှာအကြီးဆုံးလူသား

အလွန်ရက်စက်တဲ့ မဒိန်းမှုတွေကို ကျုးလွန်ခဲ့တဲ့ တောင်ကိုရီးယားက Mr-lee ဆိုတဲ့ တဏှာလာကကို အရှုးမှုးကြိုက်နှစ်သက်တဲ့ မုဒိန်းသမားရဲ့ အကြောင်းတွေကို ဖော်ပြပေးလိုက်ပါတယ်။

တောင်ကိုရီးယားနိုင်ငံရှိ မိခင်တစ်ဦးသည် ငေးကြောင်သော မျက်လုံးကြီးများဖြင့် အသက်မဲ့သလိုဖြစ်နေသည်။

"ငိုချလိုက်...! ရေ.. ရေပေးကြပါ.."

နံဘေးရှိ သူမယောက်ျားက ခြေမကိုင်မိ လက်မကိုင်မိဖြစ်နေသည်။

မိခင်က ဝမ်းနည်းပက်လက် ငိုချလိုက်သည်။ စကားတစ်လုံးမှမပြောနိုင်..။

" သမီးလေး ဘယ်လောက်များ နာကျင်လိုက်မလဲ ..,,ဘယ်လောက်များ ကူကယ်ရာမဲ့ ကြောက်လန့်နေလိမ့်မလဲ...တွေးမိတိုင်း ကျွန်တော် ရူးရပါပြီဗျာ..."

ဖခင်ကြီးသည် သူတို့၏ ကြင်နာတတ်သော သမီးလေးအား ဘယ်သောအခါမှ ပြန်တွေ့ခွင့်ရမည်မဟုတ်တော့ပေ...။

မိဘနှစ်ဦး၏ ပူဆွေးသောကနှင့် နာကျင်မှုတို့သည် တောင်ကိုရီးယားပြည်သူတို့ထံကူး စက်လာသည်။

အဲဒီနေ့.....

"အဖေ သမီး ရီဟဲရာ ( Lee Haera )တို့အိမ် သွားလည်ခွင့်ပေးပါအဖေ...."

"မသွားပါနဲ့လား သမီးရယ်.."

"ဘာလို့လဲ အဖေရယ်....သူငယ်ချင်းသနားပါတယ်...အမေဆုံးသွားတာ မကြာသေးလို့ အားငယ်နေရှာမယ်..."

ကျွန်တော် စိတ်ထင့်နေခဲ့တယ်...။ နောက်ဆုံးတော့ ကူညီချင်စိတ်ရှိတဲ့ သမီးလေးရဲ့ စိတ်ဓာတ်ကို အသိအမှတ်ပြုနဲ့ အနေနဲ့ ကျွန်တော်ကိုယ်တိုင်ခွင့်ပြုခဲ့တာဗျ...။

ကျောင်းသူလေး Kim ၏ဖခင်က အရူးတစ်ယောက်လို ငိုယိုပြောကြားခဲ့သည်။

************************************

ထိုနေ့က သူငယ်ချင်း ရီဟဲရာ၏ အိမ်၌ ကျောင်းသူလေး Kim ၏ဘဝ သည်လို အဆုံးသတ်ခဲ့ရသည်..။

၂၀၁၇ ခုနှစ် ၉ လပိုင်း ၃၀ ရက်သည် တောင်ကိုရီးယားနိုင်ငံတွင် Chuseok ဟုခါ်သော ရိုးရာ သီးနှံရိတ်သိမ်းပွဲများ (harvest festival) ပြုလုပ်သည့် ပိတ်ရက်ရှည်၏ ပထမနေ့ဖြစ်သည်။

အသက် ၃၆ နှစ်အရွယ်ရှိ Mr. Lee က သူ၏သမီး ရီဟဲရာ( Lee Haera ) အား သူငယ်ချင်း Kim ဆီ ဖုန်းဆက်၍ သူတို့အိမ်လာလည်ရန် ဖိတ်ခေါ်ခိုင်းလိုက်လေသည်။

.........

နေ့လည် ၁၂ နာရီ ၂၀ မိနစ်

ကရုဏာရှင်မလေး Kimသည် ဒုက္ခိတမလေး ရီဟဲရာ ရုပ်ပျက်ဆင်းပျက်ဖြစ်နေ၍ သူငယ်ချင်းများမရှိခင် မူလတန်းကတည်းက အဖော်လုပ်ပေးသော သူငယ်ချင်းကောင်း တစ်ယောက်ဖြစ်သည်။ ရီဟဲရာအား အစစ အရာရာကူညီပေးခဲ့သူဖြစ်သည်။

ယခုအခါ ရီဟဲရာက အသက် ၁၅ နှစ် သူမက အသက် ၁၄ နှစ်အရွယ် အလယ်တန်းကျောင်းသူများဖြစ်လာကြပြီ....။ ရီဟဲရာက ကျောင်းအပ်နောက်ကျ၍ တစ်နှစ်ကြီးသည်။

ရီဟဲရာတွင်လည်း သူငယ်ချင်းအသစ်များစွာရှိနေပေပြီ...။

သို့သော် ငယ်သူငယ်ချင်းနှင့်မှတွေ့ချင်သည်ဆိုသည့် ရီဟဲရာထံ ကျောင်းသူလေး Kim အလည်လာခဲ့တော့သည်။

......

နေ့လည် ၁၂ နာရီ ၃၇ မိနစ်

ကျောင်းသူလေး Kim က မိခင်ထံဖုန်းဆက်သည်။ မိခင်က ဆံပင်ညှပ်ဆိုင်ဖွင့်ထားသည်။

" အမေ သမီးတို့ DVD Room သွားပြီး ရုပ်ရှင်ကြည့်မလို့ ...အမေ ဘယ်လိုသဘောရလဲ..?"

"မသွားရဘူးသမီး..။ DVD အခန်းတွေက အန္တရာယ်ရှိတယ်။"

"အမေကလည်း.. သူငယ်ချင်းတွေ သွားနေတာပဲ.."

"ဟင့်အင်း သမီး.. အမေစိတ်ပူတယ်.."

........

၃ နာရီ အကြာ...။

CCTV တွင် ရီဟဲရာ တစ်ယောက်တည်း အိမ်မှထွက်လာသည်ကိုတွေ့ရသည်။ ရီဟဲရာသည် အခြားသူငယ်ချင်းအသစ်များနှင့် ချိန်း၍ လျှောက်လည်ရန် အပြင်ထွက်သွားသည်။

အိမ်ထဲတွင် ရီဟဲရာအဖေ Mr. Lee နှင့် ကျောင်းသူလေး Kim နှစ်ဦးသာကျန်ခဲ့သည်။

.......

ညနေ ၅ နာရီ

ကျောင်းသူလေး Kim ၏ဖုန်း ပိတ်နေသည်။ မိခင်က အကြိမ်ကြိမ် ဖုန်းဆက်သည်။

.......

ည ၇ နာရီ

နောက်ဆုံး မိခင်ဖြစ်သူက ရီဟဲရာထံ ဖုန်းဆက်တော့သည်။

" အန်တီ့သမီးလေး Kimက သမီးအိမ်သွားလည်မယ်ပြောပြီ ပြန်မလာလို့ ဖုန်းဆက်ကြည့်တာပါ.."

ရီဟဲရာက သည်လိုလိမ်ပြောခဲ့သည်။

"ဟင်!?! ဟုတ်လား...? အန်တီ့သမီး Kim က နေ့လည် ၂ နာရီလောက်ထဲက အိမ် ပြန်သွားတာ.."

......

ည ၁၁ နာရီ ၂၀ မိနစ်

သမီးလေး Kim ပြန်မလာ...။ မိဘများ အလွန်တုန်လှုပ်နေကြသည်။

ရဲစခန်း၌ လူပျောက်မှု ဖွင့်တော့သည်။

"ပြန်လာမှာပါဗျာ... သူငယ်ချင်းတွေနဲ့နေမှာပေါ့.."

ရဲများက ချက်ချင်း မရှာခဲ့ပါ..။

.........

၂၀၁၇ ခုနှစ် ၁၀ လပိုင်း ၁ ရက်

နောက်တနေ့ မနက် ၁၀ နာရီ သို့ရောက်လာသည်။ သမီးလေး Kim ၏ အရိပ်အယောင်တောင်မတွေ့....။

.......

မနက် ၁၁ နာရီ ၅၃ မိနစ်

ရီဟဲရာကတော့ အခြား သူငယ်ချင်း အသစ်များထံ ဖုန်းမက်ဆေ့ချ် ပို့၍ ပျော်ပျော်ပါးပါးလျှောက်လည်ပြန်သည်...။

"ငါတို့ တွေ့ကြရအောင်ဟေ့.."

.........

မိဘများက ကျောင်းသူလေး Kim ပျောက်ဆုံးကြောင်း လူမှုကွန်ယက်များတွင် ဓာတ်ပုံထည့်၍ လူပျောက်ကြေငြာခဲ့သည်။

ရဲစခန်းကတော့ ဥပဒေအရ လူပျောက်ပြီး၂၄ နာရီကျော်ပြီးနောက် အိမ်ပြန်မလာမှ ရှာရမည်ဟူ၍ မကူညီခဲ့ပါ...။

...........

ထိုအချိန်တွင် ကျောင်းသူ သမီးလေး Kim မှာ လူယုတ်မာ Mr. Lee ၏အိမ်တွင်ရှိနေသည်။ သူမအား ရောက်ရောက်ခြင်း Mr.Lee က အိပ်ဆေးခတ် အအေးတိုက်ခဲ့သည်။

မအိပ်နိုင်သော ကျောင်းသူလေး Kim အား Mr.Lee သည် အအေးထဲ၌ အိပ်ဆေးထပ်ခတ်၍ သူ့သမီးမှတဆင့် ထပ်တိုက်သည်။

ကျောင်းသူလေး Kim အိပ်ပျော်သွားသည်။ထိုသို့ အိပ်ပျော်နေသော ကျောင်းသူလေး အား Mr.Lee ကထပ်၍ အိပ်ဆေးထိုးခဲ့သည်။

သူငယ်ချင်းဖြစ်သူ ရီဟဲရာ ကလည်း အိပ်ပျော်နေသော သူငယ်ချင်း Kim ၏ ပါးစပ်ထဲ အိပ်ဆေးနှစ်ပြားကို အဖေမခိုင်းပဲ ထပ်ထည့်ပြန်သည်။

ထို့နောက် ရီဟဲရာသည် အိမ်အပြင်သို့ ရှောင်ထွက်သွားပေးသည်။

ထို့နောက် Mr.Lee သည် သမီးလေး Kim အား နာရီပေါင်းများစွာ မဖွယ်မရာပြုကျင့်ခဲ့သည်။

..........

နေ့လည် ၁၂:၃၀ မိနစ်

အိပ်ယာမှ နိုးလာသော ကျောင်းသူလေး Kim သည် ကြောက်လန့်၍ အော်ဟစ်လေသည်။

ထိုသို့ အသိရှိနေစဉ်ပင် Mr. Lee ကထပ်၍ မဖွယ်မရာလုပ်သည်။ ငြင်းဆန်သောအခါအိပ်ဆေးတိုက်ရန်ကြိုးစားရင်း နံရိုးကျိုးသည်အထိ ရိုက်နှက်တော့သည်။

နောက်ဆုံးတွင် ကြောက်လန့်အော်ဟစ်နေသော ကျောင်းသူမလေး Kim အား ရေစို မျက်နှာသုတ်ပဝါဖြင့်အုပ်၍ နက်ကတိုင် ( Necktie )ကို အသုံးပြုကာ လည်ပင်းညှစ် သတ်ပစ်လိုက်သည်။

ကျောင်းသူလေး Kim သေဆုံးပြီး ၅ နာရီ အကြာဖြစ်သည်...။

Mr. Lee နှင့် သမီး ရီဟဲရာသည် ကျောင်းသူလေး ကင်မ် အလောင်းထည့်ထားသည့် ခရီးဆောင်အိတ်ကို ကား ( BMW) နောက်ဖုံးထဲသို့ ထည့်နေသည်ကို CCTV တွင် တွေ့ရသည်။

ထို့နောက် သမီးဖြစ်သူ ရီဟဲရာက သေဆုံးသွားသော မိခင်၏ ဓာတ်ပုံကို ကိုင်၍ ကားထဲသို့ဝင်သည်။

Mr.Lee က ကားမောင်းရင်း သူ့ကိုယ်သူ ဗီဒီယိုရိုက်ကူးသည်။

" မိုက်လိုက်တဲ့ကလေးမလေး Kim ...! ကျွန်တော် ကိုယ့်ကိုကိုယ် သတ်သေမလို့ အားဆေးနဲ့အဆိပ်ရောထားတာကို သောက်ပစ်လိုက်တယ်ဗျာ...!

အခုတော့ သေပြီပေါ့... အီးဟီးဟီးဟီး!!!"

(မိန်းမ ဓာတ်ပုံကို ဗီဒီယိုထဲတွင်ပြရင်း...)

" မိန်းမရေ ငါသေချင်နေတာ... မင်းရှိတဲ့နေရာ လိုက်ခဲ့မလို့...."

ထိုဗီဒီယိုသည် အလီဘိုင် (alibi ) အတွက်အသုံးပြုရန် ရည်ရွယ်ချက်ရှိရှိ ရိုက်ကူးခဲ့သည်။

............

CCTV ဖြင့် ရီ ၏ ကား ဘယ်ကိုသွားသည်ကို စစ်ဆေးခဲ့သည်။

၂၀၁၇ ခုနှစ် ၁၀ လပိုင်း ၅ ရက်

ကျောင်းသူလေး Kim ၏အလောင်းကိုရှာဖွေတွေ့ခဲ့သည်။

နေရာကား ဂန်ဝန်ဒို (Gangwon Province) တွင်ဖြစ်သည်။

ကျောင်းသူလေး Kim ၏ နားထဲတွင် Mr. Lee ၏ သုတ်ရည်ကို စစ်ဆေးတွေ့ရှိရသည်။

၎င်းကို သက်သေယူ၍ Mr. Lee နှင့် သမီး ရီဟဲရာအား ဖမ်းဆီးလိုက်သည်။

************************************

************************************

မည်သို့သော ကလေးများသည် နောင်တစ်ချိန်တွင် မုဒိမ်း လူသတ်သမား ကလိမ်ကကျစ် Mr. Lee များ ဖြစ်လာနိုင်သနည်း..?

Mr. Lee ငယ်စဉ်က မိဘများက ချမ်းသာသည်။ သားသမီး ၃ ယောက်အနက် ကင်ဆာရောဂါရနေသော သားငယ် Mr. Lee အား အလွန်အလိုလိုက်သည်။

သားဖြစ်သူ ကျူးလွန်သော မတရားမှုအားလုံးကို မိခင်က ငွေဖြင့် ဖြေရှင်းပေးသည်။ ထို့ကြောင့် သည်ဇာတ်လမ်းတွင် ပထမဆုံး အမှားပြုလုပ်သူမှာ မိခင်ဖြစ်သည်။

............

Mr. Lee သည်ကျောင်းသားဘဝကပင် နှာဘူးဟု နာမည်ကြီးသည်။

**အလယ်တန်းကျောင်းမှ သူငယ်ချင်း-1 ၏ ထွက်ဆိုချက်

"ငါ မူလတန်း ကျောင်းသူတယောက်ကို မုန့်ကျွေးပြီး မုဒိမ်းကျင့်ခဲ့တယ်ကွ.. ဒီမှာကြည့် အဲ့ကောင်မ သွေးတွေ..."

အင်္ကျီမှ သွေးများကို သူငယ်ချင်း-1 နှင့် အခြားသူငယ်ချင်းများအား ကြွား၍လိုက်ပြသည်။

သူငယ်ချင်း-1 က ဆရာမနှင့်သွားတိုင်သည်။ ကျောင်အုပ်ကြီးထံရောက်သည်။ သို့သော် မည်သို့မည်ပုံ မိခင်ကဖြေရှင်းလိုက်သည်မသိ.. ကျောင်းထုတ်သည်အထိ မရောက်ခဲ့ပေ..။

............

**အလယ်တန်းကျောင်းမှ သူငယ်ချင်း-2 ၏ ထွက်ဆိုချက်

ကျွန်တော့်ကို သူက ဒီလိုပြောတယ်ဗျ...။

"၅ နှစ်အရွယ်ကလေးမလေးတွေကို ငါ စိတ်ကြိုက်ကိုင်တွယ်ပြီး ပြန်လွှတ်ပေးလိုက်တာ မနည်းတော့ဘူးကွ... ဟားဟား"

ကျွန်တော် သိသလောက်တော့ သူ စော်ကားခဲ့တဲ့ ကလေးလေးတွေ မနည်းဘူးဗျ..။

............

**အလယ်တန်းကျာင်းမှ သူငယ်ချင်း -3 ၏ ထွက်ဆိုချက်

"မူလတန်းကျောင်းသူလေး တယောက်ပဲအိမ်မှာကျန်ခဲ့တာကွ ငါနဲ့ ---,--- အားလုံး ၃ ယောက် မုဒိမ်းကျင့်တာ..။ ဟို ၂ ကောင်က ကောင်မလေးသေမှာစိုးလို့ သနားလို့ ပြန်ထွက်ခဲ့တော့ ငါပါပြန်ခဲ့ရတာ.."

............

**Mr. Lee တက်ခဲ့သော အလယ်တန်းကျောင်းမှ အတန်းပိုင် ဆရာမ၏ ထွက်ဆိုချက်

"ငယ်ငယ်ရွယ်ရွယ်နဲ့ မိန်းကလေးမြင်တိုင်းဖျက်ဆီးချင်တဲ့အကျင့်ဆိုးကြောင့် ကျွန်မ သူ့ကိုကျောင်းအုပ်ကြီးထံပို့ခဲ့ပါတယ်။ ဘာလို့ကျောင်းမထုတ်တာလဲ ကျွန်မလည်း မပြောတတ်တော့ပါဘူး"

............

Mr. Lee သည် ထိုကဲ့သို့ကြီးပြင်းလာသည်။

မိခင်က မုန့်ဖိုး တစ်နေ့ တစ်သောင်း ပေးသည်။ (ထိုစဉ်က ချမ်းသာသောမိသားစုမှ အလယ်တန်းကလေးများ မုန့်ဖိုး တစ်လ တစ်သောင်း ရသောခေတ်ဖြစ်သည်။)

အလယ်တန်းကျောင်းသား Mr. Lee သည် ထိုငွေနှင့်မလောက် မိခင်၏ စိန်ရွှေများကိုချရောင်း၍ သုံးသည်။ စန္ဒရား ( piano )ကဲ့သို့ ကြီးမားသော ပစ္စည်းများကိုပင် ရောင်းစားသည်။

............

Mr. Lee အသက် ၁၈ နှစ်တွင် ၁၄ နှစ်အရွယ် အိမ်ပြေး ( လက်ရှိမိန်းမ ) Choi အား အိမ်ပေါ်ခေါ်တင်၍ လူမသိ သူမသိ ပေါင်းသင်းထားသည်။ Mr. Lee အားတားမည့်သူမရှိ..။

............

ထို့နောက် ဖခင်ဖြစ်သူက စီးပွားပျက်သည်။ မိခင်နှင့်ဖခင် အိမ်ထောင်ကွဲသည်။ Mr. Lee သည် အိမ်တွင်းရှိသော ပစ္စည်း TV မှအစ ရောင်း၍သုံးပစ်တော့သည်။

အထည်ကြီးပျက်တို့ ထုံးစံအတိုင်း ဆင်းရဲသောဒါဏ်ကို မခံနိုင်ကြ..။ မိခင်က ချမ်းသာသော ယောက်ျား A နှင့် နောက်အိမ်ထောင်ပြုသည်။

............

Mr. Lee သည် Choi နှင့် ယူပြီး စပေါ်တင်စရာပင်ငွေမရှိ၍ လပေးအိမ်ငှားခဲ့ရသည်..။အစ်မ အစ်ကိုတို့ဖြင့် အတူ နေရသည်။

Mr. Lee အသက် ၂၀ နှစ်အရွယ်တွင် မိန်းမ Choi အသက် ၁၆ နှစ်အရွယ်ဖြစ်ပြီး ...ကိုယ်ဝန်ရသည်။

သမီးကလေး ရီဟဲရာသည် ၂ နှစ်အရွယ်မှစ၍ ဖခင်ထံမှ ကင်ဆာရောဂါအမွေရခဲ့သည်။ ရီဟဲရာ ရုက်ပျက်ဆင်းပျက်ဖြစ်လာသည်။

ထို့နောက် သူတို့မိသားစုအား သနား၍ အစိုးရက TV တို့တွင် ဖေါ်ပြ၍ အလှူခံပေးခဲ့သည်။ ထိုနည်းဖြင့်ငွေရှာကာ ပြန်လည် ချမ်းသာလာသည်။ သမီးလေး ရီဟဲရာသည် Mr. Lee ၏ ငွေတွင်းဖြစ်လာသည်။

ငွေရလာသောအခါ သူ့အတွက်သုံးသည်။တစ်ကိုယ်လုံး တက်တူးများထိုး၍ သူ့မျက်နှာအား ပလပ်စတစ်ဆဂျူရီများပြုလုပ်ခဲ့သည်။

ထို့နောက် ဆယ်ကျော်သက် အရွယ်ကလေးမများကို ပစ်မှတ်ထား၍ ကာမဆက်ဆံရန် နည်းလမ်းအမျိုးမျိုးကို သုံးတော့သည်။

...........

Mr.Lee သည် တဏှာကြီးသူဖြစ်သည့်အလျှောက် သူ၏ လိင်အင်္ဂါကို ခွဲစိတ်မှု ကိုလည်း( Enlargement Surgery) ပြုလုပ်ခဲ့သည်။

သို့သော် လောကကြီးက သူ့အားအပြစ် စ, ပေးတော့သည်။

..........

Mr. Lee ၏ လိင်အင်္ဂါခွဲစိတ်မှုမှာမအောင်မြင်သည့်အပြင် မိန်းမနှင့် ကာမဆက်ဆံရန် လုံးဝ မဖြစ်နိုင်လောက်အောင် ခဲယဉ်းသွားသည့် ရောဂါတစ်မျိုး ရသွားတော့သည်။

Mr. Lee သောက်နေရသော ကင်ဆာရောဂါ ဆေးများကြောင့်လည်း အခြေအနေ ပိုဆိုးလာသည်။

ထိုအခါ သူသည်ပို၍ ဒေါသကြီးလာသည်။ ဖြစ်ချင်သော ဆန္ဒအတိုင်း မဖြစ်နိုင်သည့်အခါ ပို၍ ရမက်ကြီးလာသည်။

သူ၏ တဏှာရာဂစိတ်ကို ပြေအောင် မိန်းမဖြစ်သူ Choi အား နည်းမျိုးစုံဖြင့် စေခိုင်းတော့သည်။

မိန်းမဖြစ်သူ Choi သည် လူယုတ်မာလက်ထဲတွင် အရှင်လတ်လတ် ငရဲပြည်ရောက်နေခဲ့သည်။

( နောင်တွင် ကျောင်းသူလေး Kim အားလည်း မိန်းမအား ဆက်ဆံခဲ့သည့် နည်းအတိုင်း အဓမ္မကျင့်ခဲ့သည်။)

................

မျက်နှာ နှစ်ခုနှင့် Mr. Lee သည် တောင်ကိုရီးယား ပြည်သူ ပြည်သားတို့အား သနားစရာ မျက်နှာပေးဖြင့် အလှူငွေဆက်ခံသည်။

သူ၏နာမည်ဖြင့် အိမ် ကားတို့ကို ဝယ်လျှင် ထပ်၍ အလှူငွေမရနိုင်သောကြောင့် အိမ်၊ ကားတို့ကို အစ်ကို အစ်မတို့ နာမည်ဖြင့်ဝယ်သည်။

နောက်ပိုင်းတွင် Mr. Lee သည် အိမ်ရှိ မိခင်၊ အစ်မ၊ အစ်ကို၊ မိန်းမ၊ သမီး အားလုံးကို မိမိ ငွေပေးထားသောအစေခံများကဲ့သို့ဆက်ဆံလာသည်။

ငယ်စဉ်ကတည်းက Mr. Lee ၏ မတရားမှု၊ ရာဇဝတ်မှုများကို တခွန်းတပါဒမှ မပြောရဲခဲ့သော ထိုမိသားစုသည် ယခုအခါ ပို၍ ဆိုးတော့သည်။

ဒါကို လက်မခံသော သူ၏ ပထွေး A ကို Mr. Lee မုန်းသည်။

............

ငယ်စဉ်ကတည်းမှ အကျင့်မကောင်းသော Mr. Leeသည် တနေ့ထက်တနေ့ ပိုမို ကောက်ကျစ် ယုတ်မာလာသည်။

မိခင်သည် ငယ်စဉ်ကတည်းက မပြုပြင် မကူညီခဲ့သည့်အတွက် Mr. Lee တစ်ယောက် ရွံရှာစရာ နှာဘူး ရာဇဝတ်ကောင်ကြီးဖြစ်လာတော့သည်။

သားအတွက် ယခုအခါ ယူကျုံးမရဖြစ်တော့သည်။

မွေးရာပါဗီဇက ယုတ်မာသော်လည်း ကောင်းမွန်သည့်ပတ်ဝန်းကျင်တွင် Mr. Lee သည် ကြီးပြင်းခဲ့လျှင် ထိုယုတ်မာသည့်စိတ်ဓာတ်ကို အရှက်တရားဖြင့် အတန်အသင့် ထိန်းချုပ်နိုင်မည်ဖြစ်ပေသည်။

************************************

မည်သို့သော မိန်းကလေးများသည် Choi များဖြစ်လာနိုင်သနည်း...?

သူမ ၁၄ နှစ်အရွယ်တွင် အိမ်ပြေး တစ်ယောက်ဖြစ်ခဲ့သည်။ အပျိုဖော်ဝင်စ မိဘများကို မကျေနပ်...ချုပ်ခြယ်သည်ဟုထင်ခဲ့သည်။

လောကကြီးပြင်ပသို့ ငှက်လေးတစ်ကောင်လို လွတ်လပ်စွာ ပျံသန်းချင်ခဲ့သည်။

Mr. Lee နှင့်တွေ့ခဲ့သည်...။

ကြောင်ခံတွင်းပျက်နှင့် ဇရက်တောင်ပံကျိုး...။

ထို့နောက် သမီးလေး မွေးဖွားလာသည်။

ကင်ဆာရောဂါကြောင့် သွားများမရှိ၍ ထမင်းမစားနိုင်သော ဒုက္ခိတသမီးလေး ရီဟဲရာ အားသူမ၏နို့ရည်ကို ၅ နှစ်ကျော် တိုက်ခဲ့ရသည်။

သူမ၏ ရင်သားတွင် သမီးက သွားဖုံး သွားအစအနတို့ကိုက်သော ဒါဏ်ရာတို့ဖြင့် ပေပွနေခဲ့သည်။

သမီးလေး အစာပျော့စားနိုင်၍ နို့ပြတ်သည့်အခါ Mr.Lee က Choi အား ရင်သားခွဲစိတ်မှု ပြုစေခဲ့သည်။

Mr. Lee သည် ရင်သားအလှပြုပြင်၍ လှပလာသော မိန်းမဖြစ်သူ Choi ကိုကြည့်၍ အကြံတစ်ခုရလာသည်။

Choi အား ကြေးစား အမျိုးသမီး (sex worker ) များတွင် ထိုးလေ့ရှိသော တက်တူး (tattoo ) အမျိုးအစားများအား ရွေးချယ်၍ သူမတကိုယ်လုံးတွင် ထိုးစေသည်။

မိန်းမအား အနှိပ်ပညာသင်စေ၍ အနှိပ်ခန်းဖွင့်လိုက်သည်။

.........

Mr. Lee သည် သူ့မိန်းမအား မျက်နှာအလှ ခွဲစိတ်ကုသမှု ( plastic surgery) များစွာလုပ်ပေးခဲ့သည်။

ထို့နောက် Mr. Lee သည် မိန်းမဖြစ်သူ Choi အား ယောက်ျားတယောက်လျှင် ၃ သိန်းဆီဖြင့်သူမကိုယ်ခန္ဓာကိုယ်အား ရောင်းစားပစ်သည်။

၎င်းတို့အား ကင်မရာဖြင့်ခိုးရိုက်၍ ရရှိသောညစ်ညမ်းဗီဒီယိုတို့အား ရောင်းစားပြန်သည်။

ယခုအခါ ရဲထောက်လှမ်းရေးတို့က ဗီဒီယိုထဲ၌ပါသော အမျိုးသား ၁၂ ဦးအား ဖမ်းမိ၍ ဒါဏ်ငွေ ဆောင်စေခဲ့သည်။ တောင်ကိုရီးယားတွင် sex business သည် တရားမဝင်ပါ။

တဏှာရူး Mr. Lee သည် သူ့မိန်းမ၏ ထိုဗီဒီယိုများကြည့်ခြင်းကိုနှစ်သက်သည်။

...........

၂၀၁၇ခုနှစ် ၉ လပိုင်း ၂ ရက်နေ့

Mr. Lee သည် မိန်းမဖြစ်သူ Choi အား ပထွေးဖြစ်သူ A အားမြူဆွယ်ရန် ခိုင်းစေခဲ့ပြန်သည်။

Mr. Lee သည် ပထွေး အားထောင်ထဲသွင်း အရှက်ခွဲချင်သည်။ ဒီပထွေးမရှိမှဖြစ်မည်။ သူ့ငွေတွေကိုလည်း မောင်ပိုင်စီးမည်။

ထို့ကြောင့် Mr. Lee သည် ပထွေး နှင့် သူ့မိန်းမ Choi တို့ မသိအောင် ကင်မရာကိုဖွက်၍ ပထွေး အိပ်ခန်းတွင် တပ်ဆင်ထားခဲ့သည်။

Choi သည် ပထွေးအား မြူဆွယ်၍ ကာမဆက်ဆံသည်...၎င်းကို ဗီဒီယို ခိုးရိုက်ထားသည်။

ထို့နောက်ရဲစခန်းသို့သွားကာ ပထွေးကို မုဒိမ်းမှုဖြင့် တရားစွဲသည်။

" မုဒိမ်းကျင့်တာ သက်သေရှိပါသလားခင်ဗျား?"

ထိုအခါ Mr. Lee သည် မိန်းမ အတွင်းခံဘောင်းဘီနှင့် ဗီဒီယို အားပေးအပ်ခဲ့သည်။

တကယ့်ပြဿနာမှာ ထိုနေရာမှ စသည်။

ရဲထောက်လှမ်းရေးတို့က ပထွေးဖြစ်သူ နှင့် မိန်းမ Choi တို့ ဗီဒီယိုကိုကြည့်၍ နှစ်ဦးသဘောတူ ကာမဆက်ဆံသည်ဟု ဆုံးဖြတ်ခဲ့ကြသည်။

ထို့ကြောင့် ပထွေး အဖမ်းမခံရပါ။ လျော်ကြေးသာပေးရပြီး အမှုပြီးသွားသည်။

..........

Mr. Lee အရှက်ရသည်။

မိန်းမအား ဒေါသူပုန်ထလေသည်။

........

၂ ရက်ခန့်ကြာသောအခါ...

၂၀၁၇ ခုနှစ် ၈ လပိုင်း ၄ ရက်နေ့

အလွန်အမင်းနှိပ်စက်ခံရသော Choi သည် ပြူတင်းပေါက်မှ ခုန်ချ၍ မိမိကိုယ်မိမိသတ်သေသည်။

မိန်းမ Choi သေပြီး တစ်လခန့်အကြာ Mr. Lee သည် ကျောင်းသူလေး Kimအား အထက်ဖေါ်ပြပါအတိုင်း မုဒိမ်းကျင့်၍ သတ်ပစ်လိုက်ခြင်းဖြစ်သည်။

........

Choi သည် သူမနေထိုင်သည့် ၅ ထပ်တိုက် အိမ်သာပြတင်းပေါက် အသေးလေး မှ ခုန်ချသေဆုံးခဲ့သည်ဟု ရီ ကထွက်ဆိုသည်။

Choi သည်ခုန်ချလျှင် မှောက်ခုံ ကျရမည်ဖြစ်သော်လည်း ပက်လက်ကျနေသည်။

ထောက်လှမ်းရေးများက Mr. Lee ကတွန်းချသတ်ပစ်သည်ဟုခန့်မှန်းသော်လည်း သက်သေမပြည့်စုံ... မတတ်သာ၍ လူသေမှုစာရင်းထဲထည့်လိုက်ရသည်။

************************************

************************************

ရိုးသားကြိုးစားစွာနေခဲ့သော်လည်း မလုပ်သင့်သည်ကို လုပ်ခဲ့မိသည့် Mr. Lee ၏ ပထွေးဖြစ်သူ A...။

ထိုပရမ်းပတာမိသားစုတွင် အမှန်တရားဘက်သို့ အနည်းငယ်ရပ်တည်သူမှာ Mr. Lee ၏ပထွေးဖြစ်သည်။ သူသည် Mr. Lee ဦးဆောင်သည့် လိမ်လည်ငွေရှာခြင်းတို့ကို သဘောမကျ...။

............

၂၀၁၇ ခုနှစ် ၉ လပိုင်း ၂ ရက်နေ့

အရက်သောက်များ၍ ပထွေးဖြစ်သူသည် အိပ်ပျော်နေခဲ့သည်။

ထိုစဉ် ငိုသံသဲ့သဲ့ကြားရသည်။

ပထွေးဖြစ်သူ သည် အိပ်ချင်မူးတူးဖြစ်နေချိန်တွင် သူ့အား သူ၏မိန်းမ ကဖက်ထားသည်ထင်၍ အသေအချာကြည့်လိုက်ရာ ချွေးမ Choi ဖြစ်နေသည်။

အရက်မူးမပြေသေးသော ပထွေးဖြစ်သူသည် ချွေးမကို မလွန်ဆန်နိုင် ..ချွေးမနှင့် ကာမ မှားမိသည်။

Mr. Lee ကမုဒိမ်းမှုဖြင့်တရားစွဲသည်..။ သို့သော် အထက်တွင်ဖေါ်ပြထားသကဲ့သို့ မအောင်မြင်ခဲ့...။

Choi က တိုက်ပေါ်မှခုန်ချသေဆုံးသွား၍ ပထွေးဖြစ်သူသည် အလွန်တရာ စိတ်မကောင်းဖြစ်ခဲ့သည်။ သူလည်း အပြစ်ရှိသည်ဟု ခံစားကာ စိတ်ဝေဒနာဖြစ်နေခဲ့သည်။

...........

တစ်လအကြာတွင် Mr. Lee က ကျောင်းသူလေး Kim အားသတ်သော အမှုသည် တစ်တိုင်းပြည်လုံး ဟိုးလေးတကျော်ဖြစ်သွားသည်။

ထိုအခါ Mr. Lee က သည်လိုပြောသည်...

"ကျွန်တော့်ပထွေး နှင့် ကျွန်တော့် မိန်းမ Choi ကာမဆက်ဆံခဲ့တာကို ရဲတပ်ဖွဲ့ကအရေးမယူပေးဘူး... ကျွန်တော့်မိန်းမသေသွားတယ်ဗျာ...ဒါကြောင့် ဒေါသနဲ့ လုပ်မိလုပ်ရာလုပ်မိတာပါ..." ဟု တရားရုံးတွင် ပထွေးအား မပါ ပါအောင် ထည့်သွင်း ပြောဆိုသည်။

ထိုကြောင့် ပထွေး နှင့် ချွေးမ Choi ကာမဆက်ဆံသည်မှာလည်း တိုင်းသိ ပြည်သိဖြစ်သွားတော့သည်။

ထောက်လှမ်းရေးတို့က ပထွေးဖြစ်သူအား ထပ်မံ၍ ခေါ်စစ်သည်။

လူတောထဲ မျက်နှာမပြရဲသည့် ပထွေးဖြစ်သူ A သည် ပြည်သူလူထု အရှေ့ တရားရုံးတွင် အစစ်ခံရမည်ကို ရှက်လွန်း၍ ၂၀၁၇ ခုနှစ် ၁၀ လပိုင်း ၂၅ ရက် တွင် မိမိကိုယ်ကို ကြိုးဆွဲချသေသွားသည်။

..........

ယခုအခါ Mr. Lee ကြောင့် အသက် ဆုံးရှုံးရသူ ၃ ဦးရှိပြီဖြစ်သည်။

မိန်းမဖြစ်သူ Choi

ကျောင်းသူလေး Kim

ပထွေးဖြစ်သူ A

************************************

************************************

သင်သည်လည်း Mr. Lee ၏ မိခင် မဖြစ်သင့်ပါ..။

Mr. Lee ၏မိခင်အား ထောက်လှမ်းရေးတို့က ခေါ်ယူစစ်ဆေးခဲ့သည်။

အဲဒီနေ့က ကျွန်မ သားက ဖုန်းဆက်တယ်..။

" အမေ အိမ်အပြင်ထွက်ကြည့်..။အမေ့အိမ်နားမှာ ပလပ်စတစ် အမဲနဲ့ အထုပ်တစ်ထုပ် တွေ့လိမ့်မယ်..။ မီးရှို့လိုက်!"

သားနဲ့ ဖုန်းပြောပြီး ကျွန်မ ပလပ်စတစ်အိပ်ကို ဖွင့်မကြည့်ဘဲ မီးရှို့မိပါတယ်.."

ဟုထွက်ဆိုသည်။

"အဲ့ဒီ အထုပ်ဟာ သေဆုံးသူ ကျောင်းသူလေး ကင်မ်ရဲ့အဝတ်အစားနဲ့ လည်ပင်းညှစ်သတ်ခဲ့တဲ့ နက်ကတိုင် ဖြစ်ကြောင်း မသိခဲ့ပါဘူးရှင့်"

သို့သော် Mr. Lee ၏ပထွေး A က

ကျွန်တော့်မိန်းမက လိမ်နေတာပါ။ ဖုန်းပြောတုန်းက ကျွန်တော် ဘေးမှာရှိတယ်။

" သား လူသတ်ခဲ့လို့ အမေရေ (ရယ်လျှက်...) အမေ အိမ်အပြင်ထွက်ကြည့်..။အမေ့အိမ်နားမှာ ပလပ်စတစ် အမည်းနဲ့ အထုပ်တစ်ထုပ် တွေ့လိမ့်မယ်..။ မီးရှို့လိုက်!"

အဲဒီလိုလဲပြောရော ကျွန်တော့်မိန်းမက ပလပ်စတစ်အိတ်ကိုယူပြီး မီးရှို့ပစ်တာပါပဲဗျာ...။

ထို့ကြောင့် Mr. Lee ၏အမေသည် လူသတ်မှု သက်သေဖျောက်ဖျက်သော တရားခံဖြစ်သည်။

************************************

************************************

သင်သည် လူသတ်အားပေးသော Mr. Lee ၏ အကိုကဲ့သို့ ကပ်ပါးကောင်တစ်ယောက် မဖြစ်ပါစေနှင့်...။

Mr. Lee ကထိုကဲ့သို့ ထောင်ထဲ၌ အစစ်ဆေးခံနေရချိန် အင်တာနက် အလှူခံ ပေ့ချ်တွင် Mr. Lee ၏သေတမ်းစာ ဟူသော ပို့စ်က ထွက်ပေါ်လာသည်။

Mr. Lee က မိမိကိုယ်မိမိ သတ်သေလိုကြောင်း သက်သေပြလို၍ဖြစ်သည်။

"ဟင်?? ထောင်ထဲနေတဲ့သူက ဘယ်လိုလုပ် အင်တာနက်သုံးတာလဲ?"

ထောက်လှမ်းရေးများက စစ်ဆေးကြရာ Mr. Lee ၏အကိုအရင်း ဖြစ်သူက ပို့စ် (post) တင်ကြောင်းစစ်ဆေးတွေ့ရှိရသည်။

ထို့ကြောင့် Mr. Lee ၏အကိုသည် လူသတ် တရားခံအား ကူညီသူဖြစ်သည်။ ညီထံမှ ငွေရနေသဖြင့် ညီပြုလုပ်သမျှ ကူညီလုပ်ဆောင်ပေးသော ကပ်ပါးကောင်လို အကိုမျိုး...။

............

Mr. Lee ၏ မိန်းမ Choi တိုက်ပေါ်မှခုန်ချပြီးနောက်တနေ့ မနက်စောစောတွင် Mr. Lee ၏အကိုသည် Choi ခုန်ချသေဆုံးသည့် ပလက်ဖောင်းရှိသွေးများအား ရေဖြင့်ဆေး၍ သန့်ရှင်းရေးလုပ်နေသည်ကို CCTV တွင်တွေ့ရသည်။

ရဲများမေးသောအခါ "လူမြင်မကောင်းဘူးလေ ..!" ဟု Mr. Lee ၏အကိုကပြောသည်။

ထို့ကြောင့် Mr. Lee ၏အကိုသည် Mr. Lee ၏ ရာဇဝတ်မှုများအား ကူညီပံ့ပိုးသူတစ်ဦးဖြစ်သည်။

ထောင်ဒါဏ် ၄ နှစ်..။

************************************

************************************

သစ္စာမရှိသော ရီ ဟဲရာ (Lee Haera )ကဲသို့ သူငယ်ချင်းများ၏ စိတ်ဓာတ်...။

မိခင်တစ်ယောက်လုံး အဖြစ်ဆိုးစွာ နာကျင်၍ သေလုမြောပါးဖြစ်နေချိန်တွင် CCTV ၌ သမီးဖြစ်သူ၏ လှုပ်ရှားမှုများကို သည်လိုတွေ့ရသည်။

အမေဖြစ်သူ ရုတ်တရက်တိုက်ပေါ်မှ ခုန်ချသေဆုံးလျှင် အနည်းဆုံးတော့ အံ့သြရမည်မဟုတ်ပါလား?

အံ့သြခြင်းအလျှင်းမရှိသည်က သူမအမေသေဆုံးမည်ကို ကြိုသိနေ၍ဖြစ်မည်ဟု ခန့်မှန်းကြသည်။

မျက်ရည် တစ်စက်မှမကျ...။

သွားလိုက် လာလိုက်လုပ်နေသော်လည်း မိခင်ဆီသို့မဟုတ်...။ ဖခင်အား မည်သို့ကူညီရမည်ကိုသာ အခြေအနေစောင့်ကြည့်နေသည်

မသေသေးသော အသက်ငင်နေသည့် မိခင်အား စိုးရိမ်စိတ်ဖြင့် အပြေးသွားခြင်းမရှိ..။

ဖခင် ကိုသာ အရိပ်တကြည့်ကြည့် ဖြစ်နေသည်။

အဖေက ဖုန်းယူခိုင်းသည်ကို ပြေး၍ ဖုန်းယူပေးသည်။

.........

ရီဟဲရာ သူငယ်ချင်းများကို စစ်ဆေးရာတွင်

" ငါ အဖေ့ကိုမုန်းတယ်..။ ဒါပေမဲ့ ငါ့ကို ခွဲစိတ်ကုသပေးနိုင်တာ အဖေပဲရှိတာ...။ အဖေ့ကို ကြောက်လဲကြောက်တယ် ..။ မလွန်ဆန်ရဲဘူး"

ရီဟဲရာ သည် သာမန် မိန်းကလေးတယောက် လို ကြီးပြင်းခဲ့ရသူတစ်ယောက် မဟုတ်ပါ။

မိခင်တစ်ယောက်လုံး သေဆုံးသည်ကို မျက်ရည်တစက်မှ မကျရဲ..။

ဖခင်က ခိုင်းသမျှ တသွေမတိမ်းလုပ်ရသည့် အကျင့်အား ငယ်ငယ်လေးတည်းက ရိုက်သွင်းထားသည်။

ဒုက္ခိတ ဘဝတွင် ဖခင်သည်သာ သူမဘဝ၏ အရှင်သခင်...။ ကယ်တင်ရှင်....။

ထောက်လှမ်းရေးတို့က ဖခင်အကြောင်းမကောင်းတခုပြောလျှင် အလွန် မုန်းတီးစွာတုန့်ပြန်သည်။ ဖခင်မရှိလျှင် သူမ ဘယ်လိုအသက်ရှင်ရမည်မသိ စိုးရိမ်သောကြောင့်ဖြစ်သည်၊

ယခု အချိန်အထိ သူမ၏ ဖခင်ဘာလုပ်လုပ် ဖုံးကွယ်ပေးရမည်ဟု အရိုးစွဲနေသည်။

သို့သော် နောက်ဆုံးတွင်မူ အမှန်တရားကိုဝန်ခံခဲ့သည်။

ဖခင်ဖြစ်သူက သိန်း ၃၀၀ မုန့်ဖိုးပေးမည်ဆို၍ သူငယ်ချင်း Kim အား ဖုန်းဆက်ခေါ်ယူခဲ့ကြောင်း ဝန်ခံခဲ့သည်။

မိမိအား ကူညီခဲ့သော သူငယ်ချင်း အားငွေ သိန်း ၃၀၀ နှင့်လဲခဲ့သည့် သူငယ်ချင်းယုတ် ....။ သို့သော် အသက်၁၈ နှစ်အောက် ရီဟဲရာအား ( Juvenile justice) ကြီးလေးသောအပြစ်ပေး၍မရပေ..။

ထောင်ဒါဏ် ၆ နှစ်..။

************************************

************************************

လူယုတ်မာတို့၏ နိဂုံး

အထက်တွင်ဖေါ်ပြခဲ့သည့် ရောဂါကြောင့် Mr.Lee သည် ကလေးမလေးအား ကာမဆက်ဆံသည့်အဆင့်အထိ ကျူးလွန်ဘို့ငှာ မတတ်နိုင်ခဲ့..။

သို့သော်လည်း မိန်းကလေးတစ်ယောက် ခွင့်ပြုချက်မရပဲ ၎င်း၏ခန္ဓာကိုယ်အားကိုင်တွယ်ခြင်းသည်လည်း ဥပဒေအရ သက်ငယ်မုဒိန်းမှုမြောက်သည်။

ထို့ကြောင့် Mr. Lee အား

ပြည်သူ့ငွေ အလှူခံငွေ အလွဲသုံးစားမှု...။

မိန်းမဖြစ်သူကို ပြည့်တန်ဆာအဖြစ် အသုံးချမှု...။

မိန်းမအား မတရားနှိပ်စက်မှု...။

သက်ငယ် မုဒိမ်းမှု...။

လူသတ်မှု....။

လူသေစေမှု...တို့ဖြင့် ကျောင်းသူလေး Kim မိသားစုနှင့် ရဲထောက်လှမ်းရေးတို့က တရားစွဲဆိုလိုက်သည်။

************************************

ရာဇဝတ်မှုဆိုင်ရာ ကျွမ်းကျင်စိတ်ပညာရှင်တို့က Mr.Lee အား သနားကြင်နာမှု နှင့် နောင်တ တရားတို့ကို မခံစားတတ်သော perverted psychopath ဟုအတည်ပြုလိုက်သည်။ မြန်မာလို အလွယ်ပြောရလျှင် သွေးအေးရက်စက်သော နှာဘူးစိတ်ဝေဒနာရှင် (ဆိုင်ကိုပါ့သ်) ဖြစ်သည်။

************************************

သက်ငယ်မုဒိမ်းမှုများကို သေဒါဏ်ပေးသင့် မပေးသင့်...။

လူပေါင်းများစွာသတ်၍ ထောင်ထဲသို့ဝင်သွားသော လူသတ်ကောင် သို့မဟုတ် သက်ငယ်ကလေးများအား မုဒိမ်းကျင့် လူသတ်ခဲ့သော လူသတ်မုဒိမ်းကောင်တို့သည် ထောင်ထဲတွင်လည်း လူမိုက်ခေါင်းဆောင်ဖြစ်လာသည်။

ထောင်သားများက ထိုသူတို့အား ဘုရင်တဆူလိုကိုးကွယ်ကြသည်။ ကြောက်ရွံ့ကြသည်။ ထို့ကြောင့် သူတို့အား "သေသည့်အထိ ထောင်ထဲတွင် အလုပ်ကြမ်းနှင့်နေရမည်"ဟူသော အပြစ်ပေးမှုသည် သူတို့အတွက် ပျော်စရာပင်ဖြစ်သည်။

ထိုသူတို့အတွက် နောင်တသည် ဘယ်သောအခါမှရှိမည်မဟုတ်....။

သို့သော်ထိုသူများသည် မိမိသေရမှာတော့ ကြောက်ကြသည်။

ထို့ကြောင့် နောင်တဆိုသည် မခံစားတတ်သော ဆိုင်ကိုပါ့သ်လူသတ်သမားများအား "သေဒါဏ်" ပေးသင့်သည်ဟု တောင်ကိုရီးယားပြည်သူများက တောင်းဆိုကြသည်။

Mr. Lee အား "သေဒါဏ်" ပေးရန်တောင်းဆိုကြသည်။

သို့မှသာ သက်ငယ်မုဒိမ်းကျင့်လျှင် သေရမည်ဟု အတွေး...သူများအသက်ကိုသတ်လျှင် မိမိလည်း သေရမည်ဟု အကြောက်တရားဖြင့် နောင်အနာဂတ်တွင် လူသတ်မှုများ လျှော့နည်းလာမည်။

တောင်ကိုရီးယားနိုင်ငံတွင် "သေဒါဏ်" အားလူ့အခွင့်အရေးဥပဒေဖြင့် တခဏ ဖျက်သိမ်းထားခြင်းဖြစ်သည်။ သို့သော် တရားသူကြီးက "သေဒါဏ်" ပေး၍ ရသည်။

ထို သေဒါဏ် ကျခံရ သူများသည် အသစ်တက်လာသော အစိုးရက သေဒါဏ်အား ပြန်လည်ခွင့်ပြုလျှင် တစ်ယောက်ပြီးတယောက် ကြိုးစင်တက်ရမည်ဖြစ်သည်။

************************************

၂၀၁၈ ခုနှစ် ၂ လပိုင်း ၂၁ ရက်နေ့

ပြီးခဲ့သည့် ဗုဒ္ဓဟူးနေ့ကဖြစ်သည်။

နေ့လည် ၂ နာရီ ၃၀ မိနစ်...။

Mr. Leeအား တရားသူကြီးက စီရင်ချက် အပြစ်ဒါဏ်ချမှတ်သည်။

"သေဒါဏ်" ဖြစ်ပါသည်။

တောင်ကိုရီးယားနိုင်ငံတွင် ၁၉၉၇ ဒီဇင်ဘာလ ၃၀ ရက်မှစ၍ ယနေ့အထိ အနှစ်၂၀ကျော် သေဒါဏ်ကို ဖျက်သိမ်းခဲ့သည်။

ယခုအခါပထမဆုံးပြန်လည်ချမှတ်သော အကြီးလေးဆုံး အပြစ်ဒါဏ်ဖြစ်သည်။

Mr. Lee သည် ယခုဘဝတွင်သာမက နောင်သံသရာ မည်မျှသော ဘဝများ အထိ အဖန်ဖန် အထပ်ထပ် ပူလောင်ဆင်းရဲစွာသေဆုံးရမည်ကို ကျွန်မတို့ မသိနိုင်တော့လေပြီ.....။

************************************

ကျွန်မတို့ မြန်မာနိုင်ငံတွင် သက်ငယ်မုဒိမ်းများ မကြာခဏဖြစ်ပွားနေပါသည်။ ဗုဒ္ဓဘာသာနိုင်ငံသားများ ဖြစ်လျှက်နှင့် ငရဲမကြောက်...တခဏတာ စိတ်ခံစားမှုအတွက် အပြစ်မဲ့သော ကလေးငယ်များအား မုဒိမ်းကျင့်သည်..သတ်ပစ်သည်...။ ဘာသာတရားဖြင့် ဆုံးမ၍မရသော ထိုသူများအား တင်းကြပ်သော ဥပဒေဖြင့် ဆုံးမရပါမည်..။

အမေဆုံးသွားသော ချစ်သူငယ်ချင်းဆီသို့ စိတ်ထားဖြူစင်စွာဖြင့် အားပေးရန်လာသော ကျာင်းသူလေးကင်မ်သည် သူငယ်ချင်း၏ သစ္စာဖောက်မှုကို ယခုလို ရက်ရက်စက်စက် ခံလိုက်ရလေသည်။

တစ်ခါတစ်လေ ဘဝသည် ပျော်ဖို့ကောင်းသည်။ ထိုအခါ ကျွန်မတို့သည် လူယုတ်မာတို့၏ အန္တရယ်ကို သတိမမူမိပဲ နေကြသည်။

တစ်ခါတစ်လေ ဘဝသည် ဝမ်းနည်းဖို့ကောင်းသည်။ ထိုအခါ ကျွန်မတို့သည် လူယုတ်မာတို့၏ အန္တရယ်ကို သတိမပြုနိုင်အား...။

သို့သော်..

တစ်နေ့ထက်တစ်နေ့ အန္တရယ်များ ကြောက်မက်ဖွယ်ကောင်းလာသော ဤလောကကြီး၌ မိမိပတ်ဝန်းကျင်ရှိ အန္တရယ်... မိမိရင်သွေးတို့ ပတ်ဝန်းကျင်ရှိအန္တရယ်ကို အစဉ်အမြဲ သတိထားကာကွယ်ကြရမည်ဖြစ်သည်..။ 

source - mashwemoe korea