ပူတာအိုတွင် မှိုချက်စားရာမှ မိသားစုလိုက် အစာအဆိပ်သင့်မှု ဖြစ်ပွါး

ပူတာအိုမြို့နယ်၊ ဆာရ်ခွမ်ဒမ်း ကျေးရွာမှာ ရိုးရိုးသာမန်မှို၊ စားလို့ရတဲ့ ပုံစံရှိတဲ့ မှိုကို စားရင်း ကလေးငယ်နှစ်ဦးအစာအဆိပ်သင့် သေဆုံးကာ မိခင်ဖြစ်သူ အသက်အန္တရာယ် စိုးရိမ်ရသည့် အခြေအနေ ဖြစ်နေတယ်လို့ သိရပါတယ်။ 

အဆိုပါ သားအမိ သုံးယောက်တို့မှာ ဆာရ်ခွမ်ဓမ်း ကျေးရွာမှာရှိတဲ့ အလယ်တန်းကျောင်းဝင်းမှ ခူးလာတဲ့ တောမှိုကို ဧပြီလ ၆ရက်နေ့က ချက်ပြုတ်စားခဲ့ရာမှ သားအမိ သုံးဦးစလုံး အစာအဆိပ်သင့်ခဲ့တာဖြစ်တယ်လို့သိရပါတယ်။

ကျောင်းဝင်းက သားနဲ့သမီး ခူးလာတဲ့မှိုကို အမေဖြစ်သူက ချက်ပြုတ်ပြီး စားလိုက်တာ အအမိသုံးယောက်စလုံးအန်ကြပြီး အန်ဖက်စားမိတဲ့ ခွေးပါ သေဆုံးသွားတယ်လို့ သိရပါတယ်။ မစားမိလိုက်တဲ့ ဖခင်ဖြစ်သူကတော့ ဘာမှမဖြစ်ဘူးလို့ သိရပါတယ်။ 

အဆိပ်သင့်မှိုပုံစံလေးက ရိုးရိုးစားနေကြ  ကောက်ရိုးမှိုလိုလို ၊ ငွေနှင်းမှိုလိုလို ပုံစံလေး ဖြစ်ပါတယ်။ မှိုပုံစံကသာမန်ပေမယ့် ပါဝင်တဲ့ ဓာတ်တွေက ပုံမှန်မဟုတ်တာကြောင့် အခုလို့ အစာအဆိပ်သင့်သွားတာ ဖြစ်ပါတယ်။ မှိုပုံစံကို ကြည့်ပြီး နောက်ခါ မစားမိရလေအောင် သတိပြုတတ်စေဖို့ အခုအကြောင်း အရာလေးကို ဝေမျှပေးလိုက်ရပါတယ်။ 

ကိုးကား