ထိုင်းထီပေါက်ဂဏန်း အမှန်မပေးသဖြင့် ကိုးကွယ်ပူဇော်ထားသည့် နတ်ကွန်းကို မီးရှို့ခဲ့တဲ့အမျိုးသား

ထိုင်းအမျိုးသားတစ်ယောက်ဟာ ထိုင်းထီမပေါက်သဖြင့် သူကိုးကွယ် ဆုတောင်းခဲ့ရာနတ်ကွန်းကို မီးရှို့ပြီး ဗီဒီယိုကို TikTok ပေါ်တင်ခဲ့ပါတယ်။

အဆိုပါအမျိုးသားဟာ နတ်ကွန်းကို ယုံယုံကြည်ကြည်ဆုတောင်းကာ ကိုးကွယ်ခဲ့ပေမယ့်လည်း ထီတစ်ကြိမ်မှမပေါက်သောကြောင့် နတ်ကွန်းကိုမီးရှို့ ခဲ့တာလို့သိရပါတယ်။

နတ်ကွန်းကို မီးရှို့ခဲ့သူ အမျိုးသားဟာ ထိုင်းနိုင်ငံအရှေ့မြောက်ပိုင်း ၊ ဘူရီရမ်မြို့ ၊ အီဆန်ရက်ကွက်မှာနေထိုင်တဲ့ အသက် ၄၀ နှစ်အရွယ် Nikorn ဖြစ်ပါတယ်။ Nikorn ကို ခေါင်းမပါတဲ့သရဲတစ်ကောင်က နေစရာမရှိတာကြောင့် နေစရာပေးလေးရန် အကူအညီတောင်း အိမ်မက်ပေးခဲ့တာကြောင့် Nikorn က နတ်ကွန်းဆောက်ပြီး နေစရာပေးခဲ့တာဖြစ်တယ်လို့ သိရပါတယ်။ Nikorn ဟာ နတ်ကွန်းကို ၃ နှစ်တိုင်တိုင် စားစရာမုန့်များဖြင့် ပူဇော်ပသခဲ့ပြီး ထီဂဏန်းတောင်းခဲ့သော်လည်း တစ်ခါမှ ထီမပေါက်ဘဲ အမြဲတမ်းလွဲသောကြောင့် စိတ်ဆိုးဒေါသထွက်ကာ အခုလိုမျိုး မီးရှို့ခဲ့ရတာဖြစ်တယ်လို့ သိရပါတယ်။

မီရှို့သူအမျိုးသားရဲ့အဆိုအရ မီးရှို့တဲ့အချိန်မှာ သစ်ပင်နဲ့အိမ်မပါသွားဘဲ နတ်ကွန်းတစ်ခုသာပါသွားတယ်လို့ သိရပါတယ်။ မီးရှို့ခဲ့ပြီးနောက်မှာတော့ Nikorn က ပိုကောင်းပြီး ပိုကျယ်တဲ့ နတ်ကွန်း ဆောက်ပေးမယ်လို့ ကတိပေးခဲ့တယ်လို့လည်း ဆိုပါတယ်။

လူတော်တော်များမျာကတော့ Nikorn ရဲ့ အခုလို လုပ်ရပ်ကို ရှုံ့ချကြပြီး သွားပြီး မစသင့်ကြောင်းဆိုပါတယ်။ ယုံကြည်မှုအရ ကိုးကွယ်တဲ့ ထိုင်းနိုင်ငံက နတ်တွေမှာ နတ်ကောင်းလည်းရှိသလို နတ်ဆိုးတွေလည်း ရှိနိုင်တာကြောင့် Nikorn ရဲ့ လုပ်ရပ်က အရမ်းကို ရဲတင်းပြီး အကြောက်အလန့်မရှိဘူးလို့လည်း ဆိုကြပါတယ်။

သတင်းအရင်းမြစ်: Asian Now