အိုမီခရွန်ရောဂါပိုးကူးစက်ပျံ့နှံ့မှုများကြောင့် ဆိုင်ခေတ္တပိတ်ထားမည်ဖြစ်ကြောင်း ကြေညာလိုက်တဲ့ ပထမဦးဆုံး ၅၀၀ ကျပ်တန် ဇလုံထမင်းဆိုင်လေး

ဘာဟင်းနဲ့စားစား ၅၀၀ ကျပ်သာပေးရမယ့် မြန်မာနိုင်ငံရဲ့ ပထမဦးဆုံး ဇလုံထမင်းဆိုင်လေး ဖြစ်တဲ့ NTR ၅၀၀ ကျပ်တန် ဇလုံထမင်းဆိုင်လေးကို ကိုဗစ် - ၁၉ ရောဂါပိုး ပျံ့နှံ့ကူးစက်မှု များပြားလာမှုကြောင့် ခေတ္တခဏ ပိတ်ထားမယ်ဖြစ်ကြောင်း ကြေညာထားပါတယ်။

NTY ၅၀၀ ကျပ်တန်ဇလုံထမင်းဆိုင်လေးလေးကို ၂၀၂၂ ခုနှစ် ဖေဖော်ဝါရီ ၁၀ ရက်နေ့ ကြာသပတေးနေ့ ၊ ကနေ စတင် ပိတ်ထားမှာဖြစ်ပြီး ဆိုင်ပြန်ဖွင့်မည့်ရက်ကိုလည်း ပြန်လည် အကြောင်းကြားပေးသွားမည်ဖြစ်ကြောင်း ကြေညာထားပါတယ်။

ဆိုင်ပိတ်ရက်အတွင်းမှာ အော်ဒါမှာလိုသူများအနေနဲ့ ပွဲ ၅၀ ကနေစတင်ကာ အော်ဒါမှာယူလို့ရနိုင်တယ်လို့ သိရပြီး ၂ ရက်ကြိုအော်ဒါ မှာဖို့တော့ လိုအပ်တယ်လို့ သိရပါတယ်။ NTY 500 ကျပ်တန်ဇလုံထမင်းဆိုင်လေးဟာ အခြေခံလူတန်းစားတွေအတွက် အားကိုးအားထား ပြုရတဲ့ဆိုင်လေးဖြစ်ပြီး အမြဲအပျက် ထမင်းသုံးဆောင်သူများဖြင့် စည်ကားနေတဲ့ဆိုင်လေးဖြစ်ပါတယ်။

NTY 500 ကျပ်တန် ဇလုံထမင်းဆိုင်ရဲ့ တည်နေရာက မြောက်ဒဂုံစုပေါင်းရုံလမ်းထဲမှာဖြစ်ပြီး ဇလုံထမင်းအပြင် အခြား ၅၀၀ ထက် မပိုတဲ့ စားစရာလေးများကိုလည်း ဝယ်ယူသုံးဆောင်နိုင်တဲ့ နေရာလေးဖြစ်ပါတယ်။