တောင်ကိုရီးယားဘောလီဘောကစားသမား Kim In-hyuk ဟာဆိုရင် အင်တာနက်ပေါ်က ဆိုးရွားလွန်းလှတဲ့ ဝေဖန်ချက်တွေကြောင့် ကိုယ့်ကိုယ်ကို အဆုံးစီရင်ခဲ့တဲ့သူဖြစ်ပါတယ်။ တောင်ကိုရီးယား ဘောလီဘောကစားသမား Kim In-hyuk ဟာဆိုရင် သူ့ရဲ့နေအိမ်မှာပဲ ဖေဖော်ဝါရီလ ၄ ရက်နေ့မှာ အဆုံးစီရင်ပြီး သေဆုံးခဲ့တာဖြစ်တယ်လို့ မီဒီယာတွေရဲ့ ဖော်ပြချက်တွေအရ သိရှိရပါတယ်။

Kbizoom

Kim In-hyuk ဟာ အသက် ၂၇ နှစ်အရွယ်သာရှိသေးပြီး ဒဏ်ရာရရှိထားတာကြောင့် ဒီတစ်ခေါက်ရာသီပွဲစဉ်တွေမှာ ကစားပွဲ နှစ်ခုသာကစားနိုင်ခဲ့တဲ့သူဖြစ်ပါတယ်။ ဒါပေမယ့်လည်း အခုလိုမျိုး ကမ္ဘာကြီးကို နှုတ်ဆက်ထွက်ခွာခဲ့ဖို့လောက်အထိ ဆုံးဖြတ်ခဲ့ရတယ်ဆိုတာကိုတော့ ဘယ်သူမှမယုံကြည်နိုင်ဖြစ်နေပါတယ်။ Kim In-hyuk ရဲ့ သူငယ်ချင်းဖြစ်သူရဲ့အဆိုအရတော့ Kim In-hyuk ဟာ လူမှုကွန်ရက်စာမျက်နှာပေါ်က အလွန်အမင်းဆိုးရွားလွန်းတဲ့ မှတ်ချက်တွေကြောင့် စိတ်ကျရောဂါ ခံစားခဲ့ရတယ်လို့ သိရပါတယ်။

Kbizoom

၂၀၂၁ ခုနှစ် သြဂုတ်လတုန်းကလည်း အဆုံးစီရင်သွားခဲ့တဲ့ Kim In-hyuk က ဒီအကြောင်းအရာလေးကို သူ့ရဲ့ အင်စတာဂရမ်စာမျက်နှာပေါ်မှာ အခုလိုလေး ရေးသားခဲ့ပါတယ်။

Kbizoom

“လွန်ခဲ့တဲ့ ၁၀ နှစ်တာလုံးလုံး လူတွေ ငါ့ကိုနားလည်မှုလွဲခဲ့တယ် .. ငါကတော့ ငါ့ကို မုန်းတဲ့သူတွေအားလုံးကို ဥပေက္ခာပြုထားလိုက်ရင်အကောင်းဆုံးလို့ ထင်ခဲ့မိတာ။ ဒါပေမယ့် အခုတော့ ငါ တော်တော်ပင်ပန်းနေပါပြီ။ မင်းတို့ မင်းတို့ အားလုံး ငါ့အကြောင်းကိုဘယ်တော့မှ သိအောင်မကြိုးစားကြဘူး ။ ငါ့အကြောင်းကို မင်းတို့ ဘာမှမသိကြဘူး။ မကောင်းတဲ့ မှတ်ချက်တွေပဲ အဆက်မပျက်ပေးနေပြီး အနိုင်ကျင့်နေကြတယ်။ တော်ကြပါတော့ .. ငါတော်တော်ပင်ပန်းနေပါပြီကွာ ..နားထောင် ငါပြောတယ် .. ငါမိတ်ကပ်မလိမ်းဘူး။ ဘယ်တော့မှလည်း လိမ်းမှာမဟုတ်ဘူး။ ယောကျာ်းချင်းကြိုက်နေတယ်ဆိုတာလည်း မဟုတ်ပါဘူးကွာ။ ငါ့မှာကောင်မလေးရှိတယ်။ ငါကငါ့ဘဝကိုဘယ်တော့မှ ကလေးကလား ရုပ်ရှင်တွေလိုလုပ်မှာမဟုတ်ဘူး။ ငါ့မျက်လုံးတွေကလည်း မျက်တောင်ကော့ဆေး သုံးထားတာမဟုတ်ဘူး။ တိုနာနဲ့ လိုးရှင်းလေးပဲ လိမ်းတာပါကွာ… ”

Kbizoom

Kim In-hyuk ဘယ်လိုပဲရှင်းပြရှင်းပြ လူတွေရဲ့ မုန်းတီးရေး မှတ်ချက်တွေကတော့ ပျောက်ကွယ်မသွားခဲ့ပါဘူး။ တောင်ကိုရီးယား ဘောလီဘော ကစားသမား Kim In-hyuk ဟာ လူမှုကွန်ရက်စာမျက်နှာပေါ်မှာ ၁၀ နှစ်တာ ကာလလုံး အဆက်မပျက်ရေးနေကြတဲ့ ရုပ်ပိုင်းဆိုင်ရာ အနိုင်ကျင့်တဲ့ မှတ်ချက်တွေကြောင့်စိတ်ဒဏ်ရာ ရခဲ့ရတဲ့သူဖြစ်ပါတယ်။

Kbizoom

အဆုံးမသတ်နိုင်တဲ့ စိတ်ဒဏ်ရာတွေကြားမှာ Kim In-hyuk တစ်ယောက် တဖြည်းဖြည်း အခြေအနေ ဆိုးရွားလာပြီး အခုလိုမျိုး သေကြောင်းကြံစည်ခဲ့ရတဲ့အထိ ဖြစ်ခဲ့ရတာပါ ။ Kim In-hyuk တစ်ယောက် နောက်ဘဝတွေမှာ ဝေဖန်ခြင်းကင်းတဲ့ ဘဝမျိုးမှာ ပြန်လည်ဝင်စားပြီး ပျော်ရွှင်ရတဲ့ ကောင်လေးတစ်ယောက် ဖြစ်လာဖို့အတွက် ဆုတောင်းပေးလိုက်ပါတယ်။

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။