စစ်ကိုင်းတိပိဋကဆရာတော်၏ ရုပ်ကလပ်တော်အား လာရောက်ကြည့်ရှုသည့် မယ်တော်ကြီး

မြန်မာနိုင်ငံရဲ့ ပရိယတ္တိပညာရေး လောကမှာ တစ်နိုင်ငံလုံးဘွဲ့တံဆိပ်တော် အများဆုံးရရှိထားတဲ့ ဆရာတော်တစ်ပါးဖြစ်တဲ့ စစ်ကိုင်းတိပိဋကဆရာတော်ကြီးဟာ ဇန်နဝါရီလ ၇ ရက်နေ့ ညနေ ၅ နာရီ ၅၀ မိနစ်အချိန်မှာ ဘဝနတ်ထံပျံလွန်တော်မူခဲ့ပါတယ်။

ဆရာတော်ကြီး ကွယ်လွန်သွားချိန်မှာ သက်တော် ၅၄ နှစ် သိက္ခာတော် ၃၅ ဝါရှိနေပြီပဲဖြစ်ပါတယ်။ ဆရာတော်ကြီးကိုယမန်နေ့ ဇန်နဝါရီလ ၉ ရက်နေ့မှာထိုင်းနိုင်ငံမှ မြန်မာနိုင်ငံသို့ ပြန်လည်ပင့်ဆောင်လာခဲ့ပြီး ထူးခြားချက်အနေနဲ့ မိုးရွာသွန်းခဲ့တယ်လို့ သိရပါတယ်။

ဆရာတော်ကြီးရဲ့ ရုပ်ကလာပ်တော်ကို ဆရာတော်ကြီး၏ မယ်တော်ဖြစ်သူလည်း လာရောက်ကြည့်ရှုခဲ့ပါတယ်။ မယ်တော်ကြီးမှ အရင်ဦးစွာထွက်သွားခဲ့ရသည့်သားတော် ရဟန်းရဲ့ ရုပ်ကလာပ်တော်ကို လာရောက်ကြည်ရှုနေသည့်ပုံရိပ်များသည်လည်း လူမှုကွန်ရက်စာမျက်နှာပေါ်မှာ ပျံ့နှံ့နေပါတယ်။

ဆရာတော်ကြီးရဲ့ ဥတုဇရုပ်ကလာပ်တော်ကို မုံရွာမြို့ ၊ နန္ဒဝန်ရပ်၊ သဒ္ဓမ္မဇောတကသုဗောဓာရုံ ကျောင်း တိုက်တွင် ၁၃၈၃ခု၊တပို့တွဲလဆန်း၁၃ရက်၊ (13.2.22ရက်) ၊ နေ့(၁၂) နာရီအချိန်မှာ ကျင်းပသွားမှာဖြစ်ကြောင်းကို အသိပေး ကြေညာထားပါတယ်။

စစ်ကိုင်းတိပိဋကဆရာတော်ဟာ မြန်မာပြည်အနယ်နယ် အရပ်ရပ်ရှိ စာမေးပွဲ ၊ စာပြန်ပွဲပေါင်း(၅၀) ကျော်(၆၀)ခန့်ကို ဖြေဆို ၊ ပြန်ဆိုအောင်မြင်ထားသလို ဓမ္မာစရိယ(၁၀)ဘွဲ့၊ ပါဠိပါရဂူ(၃)ဘွဲ့၊ ဝိဒူ(၅)ဘွဲ့၊ မဟာဝိဒူ(၅)ဘွဲ့၊တိပိဋကဓရ၊တိပိဋကကောဝိဒဘွဲ့နှင့်အခြားအစိုးရ တိပိဋကဆိုင်ရာ ဘွဲ့များအပါအဝင် ဘွဲ့တံဆိပ်တော်(၄၇)ဘွဲ့တိတိကိုဆွတ်ခူးရရှိထားခဲ့တဲ့ရဟန်းဖြစ်ပါတယ်။