ထိုင်းနိုင်ငံတွင် အိုမီခရွန်ကူးစက်မှု ၆၀ကျော်ရှိလာသောကြောင့် ပြည်ပမှဝင်ရောက်လာသူများကို တင်းကျပ်မှုများပြန်လုပ်

ကိုဗစ် - ၁၉ ရဲ့ မျိုးကွဲဗီဇ ဗိုင်းရပ်တစ်မျိုးဖြစ်တဲ့ အိုမီခရွန်ဗိုင်းရပ်စ်ပိုးဟာ ထိုင်းနိုင်ငံမှာ တော်တော်လေး ပျံ့နှံ့လာပြီလို့ သိရပါတယ်။ ဒါကြောင့် ထိုင်းနိုင်ငံ အစိုးရအနေနဲ့ အရင်က နိုင်ငံခြားခရီးသည်တွေကို ကွာရန်တင်းကင်းလွတ်ခွင့်အစီအစဉ်ဖြင့် ရောဂါပိုးစစ်ဆေးပြီး ပြည်ဝင်ခွင့်ပေးတဲ့အစီအစဉ် Test and Go ကို ဒီကနေ့ ဒီဇင်ဘာလ ၂၂ ရက် ၊ ဗုဒ္ဓဟူးနေ့မှ စတင်  ပယ်ဖျက်လိုက်တယ်လို့ သိရပါတယ်။ ဒါကြောင့် နိုင်ငံခြားမှ ဝင်ရောက်လာသူများအနေနဲ့ ဟိုတယ်ကွာရန်တင်း(သီးသန့်ခွဲခြားနေထိုင်ခြင်း) ၇ ရက်မှ ၁၄ ရက် ဝင်ရမယ်လို့ သိရပါတယ်။

လက်ရှိမှာတော့ထိုင်းနိုင်ငံမှာ အိုမီခရွန်ရောဂါပိုး ကူးစက်ခံရသူ ၆၃ ဦးထိ ရှိသွားပြီပဲဖြစ်ပါတယ်။ တိုးတတ်လာတဲ့ အိုမီခရွန်ရောဂါပိုး ကူးစက်ခံရသူအရေအတွက်ကြောင့်ထိုင်းနိုင်ငံအစိုးရအနေနဲ့ အခုလို ကွာရန်တင်းအစီအစဉ်ကို ပြန်လုပ်လိုက်ရတာလို့ သိရပါတယ်။

အိုမီခရွန်ရောဂါပိုးစတင်ပြန့်နှံ့နေပြီဖြစ်ပေမယ့် နှစ်တိုင်းကျင်းပနေကြ New Year ပွဲတော် နှစ်သစ်ကူးပွဲတော်ကိုတော့ လူအယောက် ၁၀၀၀ ကျော်အထိ လက်ခံပြီး ကျင်းပပြုလုပ်ခွင့်ပေးမယ်လို့ သိရပါတယ်။ ချွင်းချက်အနေနဲ့ နှစ်သစ်ကူးပွဲတော်ကို လာရောက်မည့်သူများအနေနဲ့ ပွဲအခန်းအနားထဲကို မဝင်ခင် ကိုဗစ် - ၁၉ ရောဂါပိုး Rapid Test စစ်ဆေးချက် Negative ဖြစ်ဖို့ လိုအပ်တယ်လို့ သိရပါတယ်။ ဒါ့အပြင် နှစ်သစ်ကူး Happy New Year ညမှာ လေအလုံပွင့်ဈေးဆိုင်တွေကိုလည်း ည၁ နာရီအထိ ဖွင့်ခွင့်ပေးသွားမယ်လို့ ထိုင်းအစိုးရကကြေညာထားပါတယ်။