အဖမ်းဆီးခံရပြီးအိမ်မပြန်လာနိုင်တော့သည့်ဓာတ်ပုံဆရာကိုစိုးနိုင်နှင့် အတူတူ ရပ်တည်ကြောင်းဖော်ပြပေးလိုက်တဲ့ဂျပန် သတင်းထောက် Yuki Kitazumi

ဂျပန်သတင်းထောက် Yuki Kitazumi ဟာမြန်မာပြည်မှာအာဏာသိမ်းမှုစတင်ဖြစ်ပွားလာကတည်းကပြည်သူတွေနှင့်အတူရပ်တည်ပေးခဲ့တဲ့သူဖြစ်ပါတယ်။မြန်မာပြည်ရဲ့ပုံရိပ်များကိုကမ္ဘာကသိစေရန်ကြေညာပေးခဲ့တဲ့ Yuki Kitazumi ဟာ ဂျပန်နိုင်ငံကိုပြန်ရောက်သွားခဲ့တဲ့အခါမှာလည်းမြန်မာပြည်သူတွေနဲ့တစ်သားတည်းရပ်တည်ပေးလျက်ရှိတဲ့သူဖြစ်ပါတယ်။အခုတစ်ခေါက်မှာလည်းမြန်မာပြည်မှာဒီဇင်ဘာလ၁၀ရက်နေ့တုန်းကပြုလုပ်ခဲ့တဲ့ “Silent Strike”မှာဖမ်းဆီးခံခဲ့ရပြီးအိမ်မပြန်လာနိုင်တော့တဲ့ဓာတ်ပုံဆရာကိုစိုးနိုင်နှင့်ပတ်သတ်ပြီးဂျပန်သတင်းထောက် Yuki Kitazumi က သူ့ရဲ့လူမှုကွန်ရက်စာမျက်နှာကနေတစ်ဆင့်ထုတ်ဖော်ပြောကြားခဲ့ပါတယ်။

“ကျွန်တော် တိုကျိုမြို့မှာရှိတဲ့ ဇိုဂျိုဂျီ ဘုရားကျောင်းမှာကျင်းပပြုလုပ်ခဲ့တဲ့ မြန်မာနိုင်ငံရဲ့ကျက်သရေရှိမှုတွေကိုပြသတဲ့ ဓာတ်ပုံပြပွဲကို သွားခဲ့တယ်။ ဒီဓာတ်ပုံလေးတွေက မြန်မာနိုင်ငံအေးချမ်းတဲ့ အချိန်တုန်းက ဂျပန်ဓာတ်ပုံဆရာ ၄ ယောက် ရိုက်ကူးခဲ့တဲ့ ပုံလေးတွေပါ။

လက်ရှိမြန်မာနိုင်ငံမှာ များပြားလှတဲ့ ဓာတ်ပုံဆရာတွေအဖမ်းခံနေရပါတယ်။ မစ္စတာ Sona Inn ဟာဆိုရင်လည်း အသံတိတ်သပိတ် ကျင်းပနေတဲ့ကာလမှာအဖမ်းဆီးခံခဲ့ရတာပါ။ သူအိမ်မပြန်နိုင်တော့ပါဘူး။ မြန်မာသတင်းထောက်တွေနှင့်အတူ ကျွန်တော်တို့အတူတကွရပ်တည်နေကြောင်း ပြသပါတယ်။”

ဒီအကြောင်းအလေးကို ဂျပန်သတင်းထောက် Yuki Kitazumi က သူ့ရဲ့ လူမူကွန်ရက်စာမျက်နှာမှာ ဓာတ်ပုံဆရာ စိုးနိုင်ရဲ့ ပုံလေးနှင့်အတူ တင်ပေးထားတာပဲဖြစ်ပါတယ်။ Yuki Kitazumi ဟာ မြန်မာပြည်သူပြည်သားတွေနှင့်အတူ ရပ်တည်နေတဲ့သူဖြစ်ပြီး မြန်မာပြည်ရဲ့ သတင်းတွေကို အမြဲနားဆွင့်နေတဲ့သူဖြစ်ပါတယ်။