ထမင်းနှင့်ဟင်းအပြင် အရသာရှိလှတဲ့ ရွေးချယ်စရာလေးတွေထပ်တိုးပေးလိုက်တဲ့ ပထမဦးဆုံး ၅၀၀ ကျပ်တန်အဝစားထမင်းဆိုင်လေး

မြောက်ဒဂုံစုပေါင်းရုံးလမ်းမှာ ပထမဦးဆုံး စတင်ဖွင့်လှစ်ပေးခဲ့တဲ့ ၅၀၀ ကျပ်တန်ထမင်းဆိုင်လေးမှာ ဆိုရင် ရောင်းနေကျ ရိုးရိုးထမင်းအပြင်  ထမင်းနယ်ကိုပါ စီစဉ်ပေးထားတယ်လို့သိရပါတယ်။ ထမင်းနယ်ဆိုပေမယ့် လက်ဖြင့် နယ်ထားတာမျိုး မဟုတ်ဘဲ ထောပတ်ထမင်း ၊ ကြက်ဆီထမင်းတို့ ပုံစံမျိုး မချက်ခင်ကတည်းက နယ်ဖက်ပြီး ပေါင်းထားတာဖြစ်တယ်လို့ သိရပါတယ်။ အနံ့အရသာနှင့်ပြည့်စုံလွန်းလှတဲ့ ထမင်းနယ်လေးတွေကတော့ လုံးဝကို စားချင်စရာလေးတွေပါ။

ထပ်မံတိုးလာတဲ့ ရွေးချယ်စရာ ထမင်းနယ် လေးတွေက ပုန်းရည်ကြီးထမင်းနယ် ၊ ကြက်သွန်နီဆီသတ်ထမင်းနယ် ၊ ပဲထမင်းနယ်နှင့် ချဉ်ပေါင်ထမင်းနယ်တို့ ဖြစ်တယ်လို့ သိရပါတယ်။ မြင်ရုံနဲ့တင်သွားရည်ကျချင်စရာ ထမင်းနယ်လေးတွေကိုလည်း ဈေးနှုန်း ၅၀၀ ကျပ်ဖြင့်သာရောင်းချပေးသွားမှာဖြစ်တယ်လို့ သိရပါတယ်။

နေသူရိန် ၅၀၀ ကျပ်တန် အဝစားထမင်းဆိုင်လေးဟာ အမှတ် ၂၅၃ ၊ စုပေါင်းရုံလမ်း ၊ ၃၇ ရပ်ကွက် ၊ မြောက်ဒဂုံမြို့နယ် ၊ ရန်ကုန်မှာတည်ရှိပါတယ်။ အခုဆိုရင် စုပေါင်းရုံဝန်းကြီးအတွင်းမှာ ထမင်း နှင့်ဟင်း အပြင် အခြား မုန့်ပဲသွားရေစားလေးတွေကိုပါ ၅၀၀ ကျပ်ထက် မပိုတဲ့နှုန်းထားဖြင့် ရောင်းချပေးနေပြီလို့ သိရပါတယ်။