လိမ္မော်သီးသည်အဖွားဆီကလိမ္မော်သီးတွေအားလုံးဝယ်ပြီးလှူဒါန်းပေးလိုက်တဲ့ကိုပူတူး

ကိုပူတူးတို့အဖွဲ့ဟာ လိုအပ်နေတဲ့ပြည်သူတွေကို အမြဲလိုက်လံလှူဒါန်းပေးနေတဲ့အဖွဲ့ ဖြစ်ပါတယ်။ဒီတစ်ခေါက်မှာလည်း ကိုပူတူးဟာ လမ်းဘေးမှာ လိမ္မော်သီးနှင့်သင်္ဘောသီးလေးတွေရောင်းနေတဲ့အဖွားဆီကနေ ရှိသမျှလိမ္မော်သီးတွေ သင်္ဘောသီးတွေအားလုံးကို ဝယ်ယူပြီး လှူဒါန်းပေးခဲ့တာဖြစ်ပါတယ်။ဈေးသည်တစ်ယောက်အတွက်ကိုယ့်ဆီက ပစ္စည်းလေးတွေအားလုံး ရောင်းထွက်သွားတဲ့အချိန်ဟာ အပျော်ဆုံးအချိန်ပဲဖြစ်ပါတယ်။ အခုအဖွားလည်း ဒီအတိုင်းပါပဲ။အဖွားဆီက ပစ္စည်းလေးတွေအားလုံး ရောင်းထွက်သွားခဲ့တာဆိုတော့ဘယ်လောက်တောင်ပျော်လိုက်မလဲနော်။

အဖွားရဲ့လိမ္မော်သီးတွေဟာ လက်ဆက်သလို ဈေးလည်းတော်တော်ချိုပါတယ်။၁၀လုံးတစ်ထုပ်ကိုမှ၁၅၀၀ကျပ်ပါ။သင်္ဘောသီးကလည်း တစ်လုံးကို၁၀၀၀ကျပ်တည်းပါ။ကိုပူတူးကအကုန်ယူပြီး ဈေးတွက်လိုက်တဲ့အချိန်မှာတော့ လိမ္မော်သီး၁၁ထုပ်နှင့်သင်္ဘောသီး၉လုံးစုစုပေါင်း၂၅၅၀၀ကျပ်သာကျပါတယ်။အဖွားက၂၀၀၀၀ကျပ်ပဲပေးပါလို့ ပြောပေမယ့်ကိုပူတူးက၅၀၀၀၀ကျပ်ပေးပြီး လှူဒါန်းပေးခဲ့တယ်လို့သိရပါတယ်။၁သောင်းတန်၅ရွက်ကိုထပ်ပြီး ၅၀၀၀၀ပေးတော့ အဖွားက၃ရွက်ပိုနေတယ်ဆိုပြီး ရိုးသားစွာပြန်ပေးခဲ့သေးတယ်လို့သိရပါတယ်။ 

အဖွားရဲ့အသက်က ၇၉နှစ်ရှိပြီဖြစ်ပြီး ခင်ပွန်းဖြစ်သူဆုံးသွားခဲ့တာကြောင့်သားဖြစ်သူနဲ့ကပ်နေနေတာလို့ သိရပါတယ်။ချွေးမနှင့်မြေးလေးတွေက အမြင်မကြည်တာကြောင့်အဖွားက အခုလိုဈေးထွက်ရောင်းနေရတာဖြစ်တယ်လို့သိရပါတယ်။

ရိုးသားတဲ့အဖွားအသက်ကြီးပေမယ့်သမ္မာအာဇီဝကျကျရှာပြီးကြိုးစားနေတဲ့အဖွား ဒီထက်ပိုပြီး အဆင်ပြေနိုင်စေဖို့ဆုတောင်းပေးပါတယ်။ အဖွားကို လှူဒါန်းပေးခဲ့တဲ့ ကိုပူတူးတို့အဖွဲ့လည်း ဒီထက်ပိုပြီး အများကြီးလှူဒါန်းနိုင်ပါစေ။