မြန်မာနိုင်ငံမှာ ကိုဗစ်လူနာစစ်ဆေးတွေ့ရှိမှုတွေအရ အတည်ပြုလူနာ ၅၂၁ ဦးထပ်မံတွေ့ရှိခဲ့ပြီး ၉ ဦးသေဆုံးသွားပြီလို့ ယမန်နေ့ ဒီဇင်ဘာလ ၂ ရက်နေ့က ကြေညာချက်အရ သိရှိရပါတယ်။ ဒီအချက်အလတ်တွေဟာ စစ်ကောင်စီလက်အောက်ခံ တပ်မတော်ဆေးရုံတွေမှာ အများစုမှာ စစ်ဆေးတွေ့ရှိခဲ့တာဖြစ်တာကြောင့် မြေပြင်မှာ အတည်ပြုလူနာတွေအရေအတွက်တွေ ပိုပြီးများလာနိုင်ပါတယ်။
ကမ္ဘာပေါ်မှာ ကိုဗစ် - ၁၉ ပိုးရဲ့ မျိုးကွဲဗိုင်းရပ်စ် တစ်မျိုး ဖြစ်တဲ့ အိုမီခရွန် ဟာလည်း စတင်ပြန့်နှံ့လျှက်ရှိနေပြီပဲဖြစ်ပါတယ်။ မြန်မာနိုင်ငံကိုတော့ အိုမီခရွန်ဗိုင်းရပ်စ် မဝင်ရောက်လာနိုင်သေးပေမယ့် အိမ်နီးချင်းနိုင်ငံတွေဆီကို ရောက်ရှိလာပြီဆိုရင်တော့ မြန်မာ နိုင်ငံကိုရောက်ရှိလာဖို့ ဖြစ်နိုင်ခြေတော်တော်လေးများပါတယ်။
အိုမီခရွန်ဟာဆိုရင် ကိုဗစ်-၁၉ ကနေ အဆင့် ၅ ဆင့်အထိ ကွဲလာတဲ့ မျိုးကွဲဗိုင်းရပ်စ်ဖြစ်တာကြောင့် ကာကွယ်ဆေးမတိုးဘူးလို့ သိရပါတယ်။ အာရှနိုင်ငံတွေဖြစ်တဲ့ တောင်ကိုရီးယားနိုင်ငံမှာလဲ ကာကွယ်ဆေး နှစ်ကြိမ်ထိုးပြီးသားနဲ့ ရောဂါပိုးကူးစက်နေတဲ့သူတွေ အများကြီးပါပဲ။
ဒါကြောင့် ကာကွယ်ဆေးထိုးပြီးသွားရင်လည်း ကိုဗစ် - ၁၉ ကို မပေါ့ဆဘဲ မဖြစ်ခင်ထဲက ကိုယ့်ဘာသာကိုယ် ကြိုတင်ကာကွယ်ထားသင့်ပါတယ်နော်။ ဘယ်သွားသွား Mask တပ်ပြီးသွားကြပါ။ ပြည်သူတွေမှာ ပြည်သူတွေပဲရှိလို့ ကြိုတင်ပြီးကာကွယ်ထားရပါမယ်နော်။
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
