တောင်ကိုရီးယားနိုင်ငံမှာ ကိုရိုနာ မျိုးကွဲ ဗိုင်းရပ်စ်ပိုးအသစ်ဖြစ်တဲ့ အိုမီခရွန်ဗိုင်းရပ်စ်ပိုးဟာ ဒီကနေ့မှာ အင်ချွန်းမှာနေထိုင်တဲ့ အသက် ၄၀ နှစ်အရွယ် လင်မယားနှစ်ယောက်ဆီကို ကူးစက်ပျံ့နှံ့သွားခဲ့ပြီလို့ သိရပါတယ်။ အရင်နေ့တွေမှာလည်း တောင်ကိုရီးယားနိုင်ငံမှာ ကာကွယ်ဆေး နှစ်ကြိမ်ထိုးပြီးသားတွေ ကိုဗစ်ရောဂါပိုး ထပ်မံကူးစက်ခံနေရတာပါ။ ဒီကနေ့တောင်ကိုရီးယားနိုင်ငံမှာ ရောဂါပိုးကူးစက်ထားတဲ့သူ အရေအတွက်ကလည်း ၅၁၂၃ ယောက်ထိရှိနေပါပြီ။

Google

အိုမီခရွန် ပိုးသစ်ကိုတော့ ဒီနေ့မှ ပထမဦးဆုံးအကြိမ်တွေ့ရှိတာလို့ သိရပါတယ်။ တောင်ကိုရီးယားကျန်းမာရေးဌာနကတော့ အိုမီခရွန်မျိုးကွဲဗီဇ ပိုးအသစ်ထပ်မံကူးစက်ခံရတဲ့ လင်မယားနှစ်ယောက်ဟာ အာဖရိကကိုခရီးထွက်ပြီး တောင်ကိုရီးယားကို ပြန်ဝင်လာကြတဲ့သူတွေဖြစ်တယ်လို့ အတည်ပြုပေးထားပါတယ်။

Google

ဒီသတင်းနဲ့ပတ်သတ်ပြီး တောင်ကိုရီးယားနိုင်ငံသားတွေအနေနဲ့လည်း အရမ်းကို စိုးရိမ်ထိတ်လန့်နေကြပါတယ်။ တောင်ကိုရီးယား အစိုးရကတော့ အရေးပေါ်အစီအစဉ်ကို ကြိုတင်ပြိုဆင်ကြဖို့ အလျင်အမြန် လုပ်ဆောင်နေပါပြီ။

Google

အိုမီခရွန် ကိုရိုနာဗီဇပြောင်း ပိုးအသစ်ဟာ ဗီဇပြောင်းလဲသွားမှု အခုပေါင်း ၅၀ အထိ ပြောင်းလဲလာတဲ့ပိုးဖြစ်ပြီး မူလပိုးနှင့် လုံးဝကွဲထွက်သွားတာကြောင့် မူလပိုးအတွက် ထုတ်ထားတဲ့ ကာကွယ်ဆေးတွေ တိုးနိုင်ပါ့မလားဆိုတဲ့ မေးခွန်းအတွက် ပညာရှင်တွေ စိုးရိမ်တကြီးဖြစ်နေကြပါတယ်။

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။