မြိတ်မြို့ရှိ ရွှေသာလျောင်းဘုရားသို့ ဘုရားဖူးသွားသည့်လှေတိမ်းမှောက်ပြီး လူသေဆုံးမှုဖြစ်ပေါ်

တနင်္သာရီတိုင်းဒေသကြီး၊ မြိတ်မြို့တွင်ယမန်နေ့နိုဝင်ဘာလ၁၉ရက်နေ့ည၌ မြိတ်တဘက်ကမ်းရွှေသာလျောင်းဘုရားသို့ စက်လှေဖြင့်ဘုရားဖူးသွားဖူးသည့်လှေတစ်စီးတိမ်းမှောက်ခဲ့တယ်လို့သိရပါတယ်။ 

လှေတိမ်းမှောက်မှုကြောင့်လှေပေါ်ပါကလေးတစ်ဦး သေဆုံးခဲ့ပြီး တစ်ဦး ပျောက်ဆုံးခဲ့တယ်လို့သိရပါတယ်။လှေမှာ ခရီးသွားလှေမျိုးမဟုတ်ဘဲ ငါးဖမ်းလှေလေးဖြစ်ပြီး လှေပေါ်မှာပါတဲ့သူများကလည်း ဒေသခံမိသားစုများနှင့်အိမ်နီးချင်းများဖြစ်တယ်လို့ မြိတ်​​မြို့နယ်မီးသတ်ဦးစီးဌာနမှ တာဝန်ရှိသူတစ်ဦးကဆိုပါတယ်။ 

တိမ်းမှောက်ခဲ့သည့်လှေပေါ်တွင်ကလေးလူကြီးအယောက်၂၀နီးပါး စီးနင်းလိုက်ပါခဲ့တယ်လို့ သိရပြီး ရွှေသာလျောင်းဘုရားဖူးအပြန်ရေ​နံ​​​မြရပ်ကွက်၊တောလှေဆိပ်တံတားအနီးတွင်ရေစီးကြောင့်လှေတိမ်းမှောက်ခဲ့တာ ဖြစ်တယ်လို့သိရပါတယ်။ 

လှေမှောက်မှုဖြစ်စဉ်ကြောင့်အသက်လေးနှစ်အရွယ်ကလေးငယ်တစ်ဦး ရေနစ်သေဆုံးခဲ့ကာ အသက်သုံးနှစ်အရွယ်ကလေးငယ်တစ်ဦး ပျောက်ဆုံးနေကြောင်း မီးသတ်တပ်ဖွဲ့ရဲ့ပြောဆိုချက်အရသိရပါတယ်။