ထောင်ဒဏ် ၁၁နှစ်ချမှတ်ခံလိုက်ရသည့်အမေရိကန်သတင်းသမားDanny Fenster ပြန်လည်လွတ်မြောက်

ထောင်ဒဏ်၁၁နှစ်ချမှတ်ခံရသော အမေရိကန်သတင်းသမားDanny Fenster ဟာ ဒီကနေ့နိုဝင်ဘာလ၁၅ရက်နေ့မှာ ပြန်လည်လွတ်မြောက်သွားပါတယ်။Danny Fenster ကို နိုဝင်ဘာလ၁၁ရက်နေ့တုန်းက တရားရုံးကရာဇသတ်ကြီးဥပဒေပုဒ်မ၅၀၅(က)၊မတရားအသင်းဆက်သွယ်မှုဥပဒေပုဒ်မ၁၇(၁)၊လူဝင်မှုဥပဒေပုဒ်မ၁၃(၁) အမှု၃ခုအတွက်ထောင်ဒဏ်၁၁နှစ်ချမှတ်လိုက်တာပဲဖြစ်ပါတယ်။ဒီကနေ့နိုဝင်ဘာလ၁၅ရက်နေ့မှာတော့Danny Fenster ကို လွတ်ငြိမ်းဖြင့်ပြန်လွှတ်ပေးလိုက်ပြီး တစ်ခါတည်းပြည်နှင်ဒဏ်ပါ ပေးလိုက်တယ်လို့သိရပါတယ်။

အမေရိကန်သတင်းသမားDanny Fenster ကို ထောင်ဒဏ်၁၁နှစ်ချမှတ်ခဲ့ပေမယ့်အခုလို ရုတ်တရက်ကြီးပြန်လွှတ်ပေးလိုက်တဲ့အပေါ်ပြည်သူများရဲ့စိတ်ဝင်စားမှုဟာလည်းမြင့်တတ်လျှက်ရှိပါတယ်။ 

အမေရိကန်သတင်းသမားDanny Fenster ဟာFrontier Myanmar သတင်းဌာနတွင်လုပ်ကိုင်ခဲ့သူဖြစ်ပြီးမေလ၁၄ရက်နေ့တွင်ရန်ကုန်မှ မိသားစုရှိရာအမေရိကသို့အပြန်လေဆိပ်မှာ ဖမ်းဆီးခံခဲ့ရခြင်းဖြစ်ပါတယ်။

Danny Fenster ဟာ အကျဉ်းထောင်ထဲမှာ၅လကျော်ကြာနေထိုင်ခဲ့ပြီး ပြန်လည်လွတ်မြောက်လာခဲ့တာပဲဖြစ်ပါတယ်။အမေရိကန်သတင်းသမားDanny Fenster ကို ပြန်လွှတ်ပေးဖို့အမေရိကန်နိုင်ငံက မိသားစုဝင်များက ဆန္ဒပြတောင်းဆိုမှုများပြုလုပ်ခဲ့သလို အဖွဲ့အစည်းများစွာကလည်း ကြေညာချက်ထုတ်တောင်းဆိုမှုများရှိခဲ့ပါတယ်။