မြန်မာနိုင်ငံမှာ လက်ရှိဖြစ်ပေါ်နေတဲ့ အခြေအနေအကျပ်အတည်းများကြောင့် ပြည်သူတစ်ချို့ဟာ နေ့စဥ်နဲ့အမျှ ထိုင်းနိုင်ငံသို့ အလုပ်သွားရောက်ဖို့ရန်အတွက် တရားမဝင်နယ်စပ်ဖြတ်ကျော်ဝင်ရောက်ရာမှ ထိုင်းအာဏာပိုင်များရဲ့ ဖမ်းဆီးခြင်းကို မကြာခဏခံနေရပါတယ်။
ဖမ်းဆီးရမိသူတွေဟာ မြန်မာနိုင်ငံ ထားဝယ်ခရိုင်၊ပဲခူးတိုင်းဒေသကြီး၊မော်လမြိုင်မြို့နယ်၊ရန်ကုန်တိုင်းဒေသကြီး၊မကွေးတိုင်းဒေသကြီး၊ရခိုင်ပြည်နယ်တို့မှ ဖြစ်ကြပြီး တစ်ဦးလျှင် ပွဲစားခ ၁၅၀၀၀ မှ ၂၈၀၀၀ အထိပေးရတယ်လို့လည်း ဆိုပါတယ်။
ထိုင်းအာဏာပိုင်များဟာ ဖမ်းဆီးရမိတဲ့ တရားမဝင်နယ်စပ်ဖြတ်ကျော်ဝင်ရောက်တဲ့ မြန်မာအလုပ်သမားများကို ကိုဗစ်စစ်ဆေးခြင်းများကိုလည်း ပြုလုပ်ပေးတယ်လို့လည်း သိရှိရပါတယ်။ထိုင်းအာဏာပိုင်များဟာ လူသားချင်းစာနာစိတ်အပြည့်နဲ့ ထိုင်းမြန်မာနယ်စပ်တရားမဝင်လမ်းကြောင်းကနေ ဝင်လာလို့ ဖမ်းဆီးခံရပြီး ဆာလောင်နေတဲ့ မြန်မာအလုပ်သမားများကို ထိုင်းစစ်သားတွေက ထမင်းဟင်းနဲ့ ရေသန့်ဘူးများ ချက်ချင်းပေးပြီး ဗိုက်ပြည့်အောင် ကျွေးမွေးခဲ့ပါတယ်။
ဖမ်းဆီးခံရတဲ့မြန်မာအလုပ်သမားများကို ဗိုက်ပြည့်အောင် ကျွေးမွေးပြီးမှသာ သူတို့ရဲ့ ထိုင်းဥပဒေအတိုင်း ဆက်လက်ဆောင်ရွက်သွားမယ်လို့ သိရှိရပါတယ်။ထိုင်းစစ်သားများ ပြောတာကတော့ သူတို့အနေနဲ့ တရားမဝင်နယ်စပ်ဖြတ်ကျော်ဝင်ရောက်လာလို့သာ မဖြစ်မနေ ဖမ်းဆီးရတာ ဖြစ်တဲ့အကြောင်း ရေးသားထားပါတယ်။
သတင်းအရင်းမြစ်: Ye Min
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
