မန္တလေးရှိနာမည်ကြီး မြင့်မြင့်ခင်ထိုးမုန့်ဆိုင်ပိုင်ရှင်အဖမ်းခံရ

မန္တလေးတိုင်းဒေသကြီး၊ အောင်မြေသာစံမြို့နယ်၅၈လမ်း၊၂၄လမ်းနှင့်၂၅လမ်းကြားတွင် နေထိုင်ကြသော မြင့်မြင့်ခင်ထိုးမုန့်ဆိုင်ပိုင်ရှင် မိသားစုနေအိမ်ကို ယမန်နေ့ နိုဝင်ဘာ၅ရက်နေ့၊ည၉နာရီကျော်အချိန်ခန့်က စစ်ကောင်စီတပ်များဝင်ရောက်စီးနင်းခဲ့တယ်လို့သိရှိရပါတယ်။ 

ဖမ်းဆီးခဲ့သည့်အကြောင်းအရာမှာ မြင့်မြင့်ခင်ထိုးမုန့်ဆိုင်ပိုင်ရှင်မှ PDF များအားထောက်ပံ့နေသည်ဟုဆိုကာဖမ်းဆီးခဲ့တာဖြစ်ကြောင်း မြင့်မြင့်ခင်ထိုးမုန့်ဆိုင်ပိုင်ရှင်မိသားစုနှင့်နီးစပ်သည့် အသိုင်းအဝိုင်းရဲ့အဆိုအရသိရပါတယ်။

ဖမ်းဆီးသွားချိန်မှာတော့ မြင့်မြင့်ခင်ထိုးမုန့်ဆိုင်ပိုင်ရှင်အမျိုးသားဖြစ်သူ တစ်ယောက်တည်းကိုသာခေါ်ဆောင်သွားပြီးကျန်မိသားစုဝင်များ မပါဝင်ကြောင်း သိရှိရပါတယ်။စစ်ကြောရေးကို ပို့ဆောင်နိုင်တယ်လို့နီးစပ်သူများက သုံးသပ်ထားကြပါတယ်။

မြင့်မြင်ခင်ထိုးမုန့်ဆိုင် ပိုင်ရှင် မိသားစုဟာ အရမ်းစိတ်သဘောထားကောင်းပြီး အလှူအတန်းရက်ရောကြသော သူများဖြစ်ကြပါတယ်။ကိုဗစ်ကာလများတွင်လည်း လှူဒါန်းကူညီမှုများအများအပြား လုပ်ဆောင်ခဲ့ကြတဲ့ မိသားစုလေးဖြစ်ပါတယ်။