တစ်ကြိမ်ထက်ပိုပြီးမဲပေးခဲ့တဲ့သူများကို အမှုဖွင့်ဖို့ စကစခန့် ရွေး/ကော်မှ ညွှန်ကြား

ယခင်ရွေးကောက်ပွဲတွင် တစ်ကြိမ်ထက်ပိုပြီး မဲပေးခဲ့တဲ့ သူတွေကို တရားစွဲရန်အတွက် စကစ ခန့် ရွှေးကောက်ပွဲကော်မရှင်မှ ပြီးခဲ့တဲ့ အောက်တိုဘာလ ၂၂ ရက်နေ့တုန်းက ညွှန်ကြားခဲ့တယ်လို့ သိရပါတယ်။ ရွေးကောက်ပွဲတွင် နိုင်ငံသား စိစစ်ရေးကတ်ပြားတစ်ခုတည်းနှင့်  ဆန္ဒမဲကို တစ်ကြိမ်အထက်ပေးခဲ့တဲ့သူတွေကို ကိုပြန်လည် စိစစ်နေတယ်လို့ သိရပါတယ်။

တစ်ကြိမ်အထက် မဲပေးခဲ့တဲ့သူဆိုသည်မှာ နိုင်ငံသားစိစစ်ရေးကတ်ပြား နံပါတ်တူ ၊ အမည်တူတာနှင့် ကျန်တဲ့အချက်အလတ် အားလုံးတူတဲ့မဲဆန္ဒရှင်တစ်ယောက်တည်းမှ မဲရုံမှာရော ကြိုတင်မဲပေးခဲ့တာရော (သို့မဟုတ်) အကြောင်းကြောင်းကြောင့် မဲနှစ်ကြိမ်ပေးမိခဲ့တဲ့ သူမျိုးကို ဆိုလိုတာလို့ သိရပါတယ်။ မဲနှစ်ကြိမ်နှင့်အထက်ပိုပြီးပေးခဲ့မိသူများကို သက်ဆိုင်ရာလွှတ်တော် ရွေးကောက်ပွဲ ဥပဒေတွေနဲ့ ရဲစခန်းမှာ အမှုဖွင့် အရေးယူဖို့ အကြောင်းကြားထားပြီလို့လည်း သိရပါတယ်။

တစ်ကြိမ်ထက်ပိုပြီး မဲပေးခဲ့တဲ့သူတွေကို ရာဇသတ်ကြီး ပုဒ်မ ၁၇၁-စ အရ တစ်နှစ်အထိ ထောင်ဒဏ်ဖြစ်စေ ၊ ငွေဒဏ်ဖြစ်စေ ဒဏ်နှစ်ရပ်လုံးဖြစ်စေ ချမှတ်ရမယ်လို့ စကစခန့် ရွေး/ကော်ကဆိုပါတယ်။

တစ်ကြိမ်ထက်ပိုပြီးမဲပေးခြင်းက ရွေးကောက်ပွဲပျက်ပြားစေဖို့ ဆောင်ရွက်တာဖြစ်တာကြောင့် နောက်တစ်ကြိမ်အမှားအယွင်းမလုပ်နိုင်အောင် အခုလို အရေးယူမှုမျိုး လုပ်ရတာဖြစ်ကြောင်း ဆိုထားပါတယ်။ ဒါကြောင့် သက်ဆိုင်ရာမြို့နယ်ရှိ ရွေးကောက်ပွဲကော်မရှင်အဖွဲ့ခွဲတွေကို တစ်ကြိမ်ထက်ပိုပြီး မဲပေးခဲ့သူများအား စိစစ်ပြီး ပုဒ်မ ၁၇၁ - (ဃ) ဖြင့် တရားစွဲဆိုရန် အကြောင်းကြားထားတယ်လို့ သိရပါတယ်။