အမြုပ်ထနေတဲ့ သောက်သုံးရေကြောင့် ဟူးကွက်ရွာရှိရွာခံများ စိုးရိမ်မှုမြင့်တတ်

ရှမ်းပြည်နယ်မြောက်ပိုင်း ၊ ကျောက်မဲမြို့နယ် ၊ ဟူးကွက်ရွာမှာရှိတဲ့ သောက်သုံးရေရရှိတဲ့နေရာမှာ ရေတွေအမြုပ်ထနေတာကြောင့် ရွာခံတွေစိုးရိမ်နေပြီး အမြုပ်ထနေတဲ့ သောက်သုံးရေကိုလည်း မသောက်ရဲကြဘူးလို့သိရပါတယ်။

 ရွာသားတွေအနေနဲ့လည်း အခုလို ရေတွေအမြုပ်ထတာကို အရင်ကတစ်ခါမှမမြင်ဖူးကြောင်း ရေတွေအမြုပ်ထတဲ့ဖြစ်စဉ်က ပုံမှန်မဟုတ်တဲ့ဖြစ်စဉ်ဖြစ်တာကြောင့် ရွာလူကြီးကိုသွားပြောကြောင်း ရွာလူကြီးကလည်း မသောက်ခိုင်းကြောင်း ရေတွေက အရှေ့ဘက်ခြမ်းကရေတွေဖြစ်ပြီး လက်ရှိမှာ အနောက်ဘက်ခြမ်းကရေတွေကိုသာ သုံးစွဲနေရတယ်လို့သိရပါတယ်။

ရေတွေက ဆပ်ပြာရေပုံစံမျိုးရှိပြီး ရွာခံတွေအနေနဲ့ ရေတွေ အထဲမှာ ဘာတွေပါဝင်နေလဲဆိုတာ သေချာမသိတာကြောင့် အဆိပ်ဖြစ်မှာကို စိုးရိမ်နေကြတာဖြစ်ပါတယ်။

ရှမ်းပြည်နယ်ကျောက်မဲဒေသမှာ ပြီးခဲ့တဲ့ သြဂုတ်လကတည်းက တပ်ပေါင်းစု TNLA, SSPP နဲ့ RCSS တို့အကြား တိုက်ပွဲတွေပြင်းထန်နေပြီး ရွာခံထောင်နှင့်ချီဘေးလွတ်ရာကို ထွက်ပြေးတိမ်းရှောင်နေရတာဖြစ်ပါတယ်။

Source – Shwe Phee Myay