ဖက်ရွက်လေးတွေပေါ်တင်ကာ တောထဲတောင်ထဲမှာဖြစ်သလိုလေးတွေစားရင်း တော်လှန်ရေးအတွက်ပြင်ဆင်နေကြတဲ့ PDFရဲဘော်များ

မြန်မာနိုင်ငံရဲ့လက်ရှိအခြေအနေတွေအရ လူငယ်တွေရဲ့ ပြင်းပြတဲ့စိတ်ဓာတ်နဲ့အတူ တိုင်းရင်းသားလက်နက်ကိုင်တပ်တွေကလည်း ပါ၀င်နေကြပြီး အာဏာရှင်ကိုအမြစ်ဖြုတ်ရန်နဲ့ စစ်မှန်တဲ့ဖယ်ဒရယ်ဒီမိုကရေစီရရှိဖို့အတွက် အင်တိုက်အားတိုက်ကြိုးစားနေကြတာကိုတွေ့ရပါတယ်။ အာဏာရှင်တွေရဲ့ ဖိနှိပ်မှုတွေနဲ့ အကြမ်းဖက်လုပ်ရပ်တွေကြောင့် လူငယ်အတော်များများလည်း လွတ်မြောက်နယ်မြေကိုရောက်ရှိကာ PDFရဲဘော်တွေအနေနဲ့ ခံယူပြီး စစ်ရေးလေ့ကျင့်နေကြတာဖြစ်ပါတယ်။

ဒီဒေး ကြေငြာလိုက်ပြီလည်းဖြစ်တာကြောင့် တိုက်ပွဲတွေလည်း ဆက်တိုက်ဖြစ်ပေါ်လာပြီး နေရာအနှံ့မှာလည်း ပေါက်ကွဲမှုတွေဆက်တိုက်ဖြစ်ပေါ်နေတာကို တွေ့ရပါတယ်။ ပြည်သူတွေအနေနဲ့လည်း တောထဲတောင်ထဲမှာ ပင်ပန်းဆင်းရဲစွာနဲ့ စစ်ပညာသင်နေကြတဲ့ PDF ရဲဘော်တွေအတွက် ရိက္ခာနဲ့ အစားအသောက်တွေ တတ်နိုင်သရွေ့ လှူဒါန်းနေကြတာလည်း ဖြစ်ပါတယ်။

PDFရဲ‌ဘော်လေးတွေဟာလည်း

အခုလိုလှူဒါန်းပေး‌ကြတဲ့ ရိက္ခာလေးတွေနဲ့ တောထဲတောင်ထဲမှာ ဖြစ်သလိုလေးတွေချွေတာစားသောက်ကြပြီး တော်လှန်ရေးကြီးအတွက် ကြိုးစားပြင်ဆင်နေကြတာဖြစ်ပါတယ်။ PDF ရဲဘော်လေးတစ်ဦးဟာလည်း တောတောင်ထဲမှာသူတို့နေထိုင်ရတဲ့ပုံလေးတွေမျှဝေရင်း လိုအပ်တာလေးတွေပါ အလှူခံထားတာတွေ့ရပါတယ်။ ပရိသတ်တွေအတွက် ပြန်လည်ဖော်ပြပေးလိုက်ပါတယ်။

သတင်းအရင်းမြစ်: Myanmarload