ရထားပေါ်တွင် အချိုရည်တိုက်ကာ ငွေများနှိုက်ယူမှု ဖြစ်ပွား

မေလ(၂)ရက်နေ့ ည(၁၂)နာရီခွဲ အချိန်၊ မော်လမြိုင်မှရန်ကုန် မောင်းနှင်လာတဲ့ အမှတ်(၃၆)အစုန်အမြန်ရထား အထက်တန်းတွဲပေါ်တွင် စီးနင်းလိုက်ပါလာတဲ့ ခရီးသည်တစ်ဦးအား လစ်ပိုအအေးတိုက်၍ ငွေများနှိုက်ယူမှုဖြစ် ပွားခဲ့တယ်လို့ သိရပါတယ်။ အဆိုပါ အမှတ်(၃၆)အစုန်အမြန်လူစီးရထားကတော့ စက်ခေါင်းမောင်းဦးဝင်းနိုင် ၊ရထားထိန်းဦးအောင် ခိုင်ညွန့် လိုက်ပါတာ ဝန်ထမ်းဆောင်လာသော မော်လမြိုင်မှရန်ကုန်သို့ အစုန်အမြန် ရထားပဲ ဖြစ်ပါတယ်။ 

ဖြစ်စဉ်မှာတော့ ကျိုက်ထိုမြို့နယ် တောင် စွန်းဘူတာနှင့်မရမ်းကုန်းဘူတာကြားအရောက်တွင် အထက်တန်းတွဲ (၅)ထိုင်ခုံအမှတ်(A/1)တွင်လိုက်ပါစီးနင်းလာသောအောင်စိုးဝင်း(၂၁)နှစ်နေသူထံမှကပ်လျက်စီးနင်းလိုက်ပါလာသောအထက်တန်းတွဲ(၅)ထိုင်ခုံအမှတ်(B/6)မှဦးဝင်းရွှေ(၆၁)နှစ်ဟာအောင်စိုးဝင်းကိုလစ်ပိုအအေး(၁)လုံးတိုက်၍အိပ်ပျော်နေစဉ်အဝတ်အစားအိတ်ထဲမှ ငွေစက္ကူရောရာပါ(၃၃၅၀၀၀)နှိုက်ယူခဲ့တာပဲ ဖြစ်ပါတယ်။၎င်းမှငွေသား များနှိုက်ယူနေစဉ် တခြားခရီးသည်များမှ ရထားလိုက်လုံခြုံရေးရဲတပ်ဖွဲ့ဝင်များကို အကြောင်းကြားခဲ့တာပဲ ဖြစ်ပါ တယ်။

ထို့ကြောင့်ရထားလိုက်လုံခြုံရေးရဲတပ်ဖွဲ့တပ်ကြပ်သန်းဦးနှင့်တပ်ဖွဲ့ဝင်များ၊လက်မှတ်စစ်ဦးအေးလွင်၊မှုခင်းကြီးကြပ်သူရဝင်းလွင်တို့နှင့်အတူစစ်ဆေးခဲ့ရာ၎င်းအိတ်ထဲမှSamsungဖုန်း(၁)လုံး၊LGဖုန်း(၁)လုံး၊Hawaiဖုန်း(၁)လုံး၊ပိုက်ဆံအိတ်(၂)အိတ်နှင့်ငွေစက္ကူရောရာပါသိန်း(၅၉၁၃၅၀)ကျပ်တွေ့ရှိရတာပဲ ဖြစ်ပါတယ်။ ၎င်းငွေများထဲမှ သိန်း (၃၃၅၀၀၀)ကျပ်မှာအောင်စိုးဝင်းအိပ်ပျော်နေစဉ်အဝတ်အစားအိတ်ထဲမှနှိုက်ယူခဲ့ကြောင်း ဝန်ခံထွက်ဆို သဖြင့် လုံခြုံရေးရဲတပ်ဖွဲ့ဝင်များက၎င်းအားဖမ်းဆီးပြီးပဲခူးဘူတာရထားရဲစခန်းသို့အပ်နှံခဲ့ကြောင်းသတင်းရရှိပါတယ်။ 

သတင်းအရင်းအမြစ် - မြန်မာ့အလင်း