ထိုင်းဝန်ကြီးချုပ်နဲ့တွေ့ဆုံခဲ့တဲ့ အမှတ်တရပုံရိပ်လေးတွေကို ချပြလာတဲ့ ကျားသစ်မလေး

Thai Fight မွေ့ထိုင်းလက်ဝှေ့ပြိုင်ပွဲတွေမှာ မြန်မာနိုင်ငံအတွက် အောင်ပွဲတွေ ရယူပေးနေတဲ့ သူကတော့ ကယန်းကျားသစ်မယ် ဘရော်နီကာ ဖြစ်ပါတယ်။ ဘရော်နီကာဟာ ယှဉ်ပြိုင်ထိုးသတ်လာတဲ့ ပြိုင်ပွဲတစ်လျှောက်မှာ ပြိုင်ဘက်ကို အကောင်းဆုံးထိုးသတ်ခဲ့ပြီ အနိုင်ယူပြခဲ့တာ ဖြစ်ပါတယ်။

သူမရဲ့ ကြိုးစားအားထုတ်မှုကြောင့် မြန်မာပရိသတ်တွေရဲ့ အားပေးမှုတွေအပြင် ထိုင်းပရိသတ်တွေပါ မျက်စိကျလာတာ တွေ့ရပါတယ်။ ဒါ့အပြင် ဘရော်နီကာ ဟာ မွေ့ထိုင်းလောကထဲနေ ထွက်ပြီး မကြာခင်မှာ ကမ္ဘာကျော် MMA လောကထဲကို ခြေဆန့်သွားမှာကိုလည်း မြင်တွေ့ရမှာပါ။

ယမန်နေ့ကတော့ ဘရော်နီကာက သူ့ဘဝမှာ ပထမဆုံး အမှတ်တရ ဖြစ်စေမယ့်ပုံရိပ်တချို့ကို ဖော်ပြခဲ့ပါတယ်။ ဒါကတော့ တွဲဖော်တွဲဖက် လေ့ကျင့်သင်ကြားနေတဲ့ ထိုင်းက ဖိုက်တာ ညီအစ်ကိုမောင်နှမတွေနဲ့အတူ ထိုင်းဝန်ကြီးချုပ်နဲ့တွေ့ဆုံခဲ့တဲ့ အမှတ်တရပုံတွေ ဖြစ်ပါတယ်။ ဒီပုံလေးတွေက ဘရော်နီကာရဲ့ အမှတ်တရဖြစ်စေခဲ့သလို ပရိသတ်တွေအတွက် ကြည်နူးစရာ ဖြစ်စေတာတော့ အမှန်ပါ။

သတင်းအရင်းမြစ်: Source - Vero Nika