မိုးသည်းထန်စွာရွာသွန်မှုကြောင့် နယူးဇီလန်မှာ ရေလွှမ်းမိုးမှုများ ဖြစ်ပေါ်

နယူးဇီလန်ရဲ့ အကြီးဆုံးမြို့ဖြစ်တဲ့ အော့ကလန် မှာ ရေကြီးရေလျှုံမှုများဖြစ်ပြီး အနည်းဆုံး လူ ၂ ဦးသေဆုံးခဲ့ပါတယ်။ သောကြာနေ့ညနေပိုင်းက ရုတ်တရက် မိုးသည်းထန်စွာရွာ သွန်းမှုကြောင့် မြို့ရဲ့ အနိပ်ပိုင်းနေရာတွေမှာ ရေကြီးရေလျှုံမှုများဖြစ်ပေါ်ခဲတာပါ။

နိုင်ငံရဲ့ မိုးလေးဝသဌာနကတော့ မိုးရွာသွန်းပြီး နာရီပိုင်းအတွင်း အရေးပေါ်အခြေအနေကြေညာခဲ့ပါတယ်။ အော့ကလန်မှာ ၂၄ နာရီအတွင်း စံချိန်တင် မိုးရွာသွန်းမှု ၂၄၉ မီလီမီတာ ရွာသွန်းခဲ့ပြီး ယခင်စံချိန် ၁၆၁ မီလီမီတာကို ချိုးဖျက်ခဲ့တာ ဖြစ်ပါတယ်။ ရေလွှမ်းမှုကြောင့် သေဆုံးသူ နှစ်ဦးကို အတည်ပြုနိုင်ခဲ့တယ်လို့ ရဲတပ်ဖွဲ့က ယနေ့နံနက်ပိုင်းမှာ ပြောကြားခဲ့ပါတယ်။

အဆိုပါ ရေကြီးရေလျှုံမှုတွေကြောင့် မြို့တော်ရဲ့ နိုင်ငံတကာလေဆိပ်ကို ပိတ်ထားခဲ့ရသလို သောင်တင်နေသည့် ခရီးသည် ၂၀၀၀ ခန့်ကို ဘေးလွတ်ရာသို့ ရွှေ့ပြောင်းပေးခဲ့ရတယ်လို့ သိရပါတယ်။ လက်ရှိမှာတော့ တစ်နာရီလျှင် ၄၀ မှ ၈၀ မီလီမီတာအထိ ရေကျဆင်းနေပြီလို့ သိရပါတယ်။

သတင်းအရင်းမြစ်: Source -news.com.au