ရန်ကုန်တိုင်းဒေသကြီး၊ လှိုင်သာယာမြို့နယ်၊ မဟာမင်းခေါင်လမ်းရှိ စိန်ဂေဟာ မီးလောင်မှာဖြစ်စဉ်မှာ မီးသတ်တပ်ဖွဲ့ဝင် ၁၀ ဦး ထက်မနည်း မီးခိုးမွှန်ခြင်းနှင့် ထိခိုက်ဒဏ်ရာများ ရရှိခဲ့တယ်လို့ လူမှုရေးအသင်းထံမှ သိရပါတယ်။ ယမန်နေ့ ဇန်နဝါရီ ၂၇ ရက်၊ ည ၇ နာရီကျော်က စိန်ဂေဟာ စျေးဝယ်စင်တာ အပေါ်ဆုံးထပ်ရှိ ဆိုင်ခန်းများမှ မီးစလောင်ကျွမ်းမှု ဖြစ်ပွားခဲ့တာပါ။
![](https://s9.kh1.co/d5/d5c2e8add137ceea1c89f530188894fecdd96bfb.jpg)
![](https://s9.kh1.co/42/42d6067c5c0d626e36e31356795e6f667b50a94f.jpg)
မီးလောင်မှုဖြစ်ပွားကြောင်း လှိုင်သာယာမြို့နယ်မီးသတ်စခန်းမှ မီးသတ်တပ်ဖွဲ့ဝင်များနှင့် ပရဟိတအသင်းအဖွဲ့များမှ သွားရောက်ငြှိမ်းသတ်ခဲ့တယ်လို့ သိရပါတယ်။ အဆိုပါ မီးလောင်မှုကို Level 3 အဆင့်ဖြင့် အချိန် ၃ နာရီကြာ ငြှိမ်းသတ်ခဲ့ရပြီး ည ၁၀ နာရီ ၂၃ မိနစ် ခန့်တွင် မီးငြိမ်းသတ်နိုင်ခဲ့ကြောင်း သိရပါတယ်။
![](https://s9.kh1.co/b1/b17fdc2fdd533e966df11001a415e58c98c5a69e.jpg)
စိန်ဂေဟာမီးလောင်မှုမှာ ဘာကြောင့် မီးလောင်ကျွမ်းရတာလဲဆိုတာ မသိရပေမယ့် ပျက်စီးဆုံးရှုံးတန်ဖိုးများတာကြောင့် ဆိုင်ကို ယာယီပိတ်ထားမယ်လို့ သိရပါတယ်။ ပြီးခဲ့တဲ့ ဇန်နဝါရီ ၁၃ ရက် မှော်ဘီမြို့နယ် Grand Royal အရက်ချက်စက်ရုံ မီးလောင်ကျွမ်းမှုဖြစ်စဉ်မှာလည်း ပေါက်ကွဲမှုများကြောင့် မီးသတ်တပ်ဖွဲ့ဝင် ၁၉ ဦး ထိခိုက်ဒဏ်ရာရရှိမှု ဖြစ်စဥ် ဖြစ်ပွားခဲ့သေးတယ်။
![](https://s9.kh1.co/71/714dbeb85276722d98b9a916528a8c043004cee2.jpg)
သတင်းအရင်းမြစ်: Source - ယနေ့ခေတ်
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။