မန်ချက်စတာ ယူနိုက်တက်နဲ့ လမ်းခွဲခဲ့ပြီးနောက် ခရစ္စတီယာနိုရော်နယ်ဒိုက သိပ်မကြာခင်ကာလ က ဆော်ဒီနိုင်ငံ က နာမည်ကျော် ဆော်ဒီကလပ် အသင်းတစ်ခုဖြစ်တဲ့ အယ်နက်ဆာနဲ့ ကမ္ဘာ့တန်ကြေးအမြင့်ဆုံး စာချုပ်ကို လက်မှတ်ရေးထိုးခဲ့ပြီး အခုဆိုရင်တော့ သူ့ရဲ့ ဆော်ဒီမြေက ပထမဦးဆုံးပွဲဖြစ်တဲ့ PSG အသင်းနဲ့အတူ ပွဲဦးထွက်လာခဲ့ပြီလို့ သိရပါတယ်။
![](https://s9.kh1.co/01/01dcc93d0091aa245455813939272e236292271a.jpg)
အယ်နက်ဆာအသင်းဟာ ဆော်ဒီအစိုးရရဲ့ ထောက်ခံ အားပေးမှုနဲ့အတူ ရော်နယ်ဒိုကို တစ်နှစ်လျှင် လုပ်ခလစာ ပေါင် (၁၇၀) သန်းအထိ ပေးချေကာ (၇) နှစ် သက်တမ်းအထိ စာချုပ်ချုပ်ဆိုသွားဖို့ ကြိုးစားခဲ့တာဖြစ်ပြီး ရော်နယ်ဒို တစ်ယောက် ဘောလုံးသမား ဘဝ က အနားယူသွားခဲ့ရင်တောင် ဆော်ဒီရဲ့ ဘောလုံးရေးရာ တာဝန်ရှိသူ တစ်ဦး အဖြစ် (၅)နှစ်ကြာ လုပ်ကိုင်ပေးဖို့ ကမ်းလှမ်းထားတာဖြစ်ပါတယ်။
![](https://s9.kh1.co/c1/c1d38b9ba7c1b769b84f4a2a6205e77042d92c44.jpg)
စာချုပ်ချုပ်ဆိုပြီးခဲ့တာနဲ့ ရော်နယ်ဒို ဟာ ဆော်ဒီအာရေဗျနိုင်ငံ သို့ ထွက်ခွာခဲ့ပြီး အယ်နက်ဆာ အသင်းနဲ့အတူပျော်ရွှင်နေခဲ့ပုံပါပဲ။ အခု ပွဲဦးထွက်အနေနဲ့ PSG အသင်း နဲ့ ကစားခဲ့ရာမှာလည်း သူ့အနေနဲ့ စိတ်ဖိစီးမှုလုံးဝမရှိဘဲ ပျော်ရွှင်နေခဲ့တယ် လို့ သိရပြီး သူ့ ရဲ့ လူမှုကွန်ယက်စာမျက်နှာမှာ " ပွဲစဉ်တွေ အခုလို ပြန်ကစားရတာပျော်သလို အမှတ်ပေးစာရင်းဇယားပေါ် ပြန်လည်ရောက်ရှိလာတာကိုလည်း ဝမ်းသာရပါတယ်။ သူငယ်ချင်းဟောင်းတွေနဲ့ ပြန်တွေ့ရတာလည်းသိပ်ဝမ်းသာတယ်။ " လို့ရေးသား ဖော်ပြလာခဲ့ပါတယ်။
![](https://s9.kh1.co/0a/0a35b15a3a22e168890cae330a6932c7a22356d8.jpg)
![](https://s9.kh1.co/c7/c7fe1ae17497a18cb13ae42e0dccad431a1f08d1.jpg)
![](https://s9.kh1.co/84/84e531dbd2b452288491e662b75cd28c006e4ead.jpg)
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။