ရက်ကွန်းလည်းမဟုတ် ခွေးလည်းမဟုတ်တဲ့ ထူးထူးဆန်းဆန်း ရက်ကွန်းခွေး

ရက်ကွန်းခွေး (Nyctereutes procyonoides) ဟာ ရက်ကွန်းနှင့်မသက်ဆိုင်ပေမယ့်လည်း canidae (ခွေးမျိုးစိတ်) ရဲ့မျိုးနွယ်ဖြစ်ပါတယ်။ အချို့လူတွေကတော့ သူတို့ကို ရက်ကွန်းမိသားစု Procyonidae မှာ ထည့်ထားပါတယ်။ နက်မှောင်တဲ့ မျက်နှာအမှတ်အသားများရှိ ရက်ကွန်းနှင့်ဆင်တူပေမယ့်လည်း သူ့မှာ အမြီးမပါပါဘူး။ သူ့မှာ တိုတောင်းတဲ့ အညိုရောင် သို့မဟုတ် အမည်းရောင် ခြေလက်များ၊ လေးလံတဲ့ ခန္ဓာကိုယ် နှင့် လုံးဝန်းတဲ့ နားရွက် ရှိပါတယ်။ ဦးခေါင်းနှင့်ကိုယ်ထည်အရှည်ဟာ 50-65 စင်တီမီတာ (20-26 လက်မ)၊ အမြီးအရှည် 13-18 စင်တီမီတာ၊ အလေးချိန် 7.5 ကီလိုဂရမ် (16.5 ပေါင်) ခန့်ရှိပါတယ်။ ကိုယ်ဝန်ကို 60-79 ရက်အကြာမှာ မွေးဖွားပြီးနောက် ကလေး 5-12 ယောက်ကြား မွေးဖွားပါတယ်။

ရက်ကွန်းခွေးရဲ့ ရှည်လျားတဲ့ အမွှေးကို "Ussuri ရက်ကွန်း" သို့မဟုတ် "tanuki" အဖြစ် စီးပွားဖြစ်ရောင်းချပါတယ်။ အာရှကအစပြုပြီး သားမွေးထုတ်လုပ်ဖို့အတွက် ရုရှားနိုင်ငံရှိ အချို့နေရာများမှာ ရက်ကွန်းခွေးများကို မိတ်ဆက်ပေးခဲ့ပြီး နောက်ပိုင်းမှာတော့ အခြားဥရောပနိုင်ငံအချို့မှာပါ ရက်ကွန်းခွေးတွေ တည်ရှိလာပါတယ်။ ဒီမြေခွေးအရွယ် အသားစားသတ္တဝါများကို ရှည်လျားတဲ့ မီးခိုးရောင်အမွှေးများနှင့် ထူးခြားတဲ့ အဖြူအမည်း မျက်နှာအမှတ်အသားများဖြင့် မှတ်မိနိုင်ပါတယ်။

သူတို့ဟာ ယေဘူယျအားဖြင့် သစ်ပင်အမြစ်များအောက်ရှိ အရင်မြေခွေးရဲ့တွင်း သို့မဟုတ် ခွေးတွေရဲ့တွင်းထဲမှာ နေထိုင်ကြပါတယ်တဲ့။ ညဘက်မှာ တက်ကြွတဲ့ ဒီရက်ကွန်းခွေးတွေဟာ ကြွက်များ၊ ဖားများ၊ အခွံမာသီးများနှင့် အမြစ်များကို စားသောက်ကြပါတယ်။ ဂျာမနီအပါအဝင် ဥရောပနိုင်ငံအများအပြားနှင့် နယ်သာလန်နှင့် ဘယ်လ်ဂျီယံရဲ့ အစိတ်အပိုင်းများမှာ ရက်ကွန်းခွေးရိုင်းများ ရောက်ရှိလာမှုဟာ ခွေးရူးပြန်ရောဂါနှင့် Echinococcosis လို တိရစ္ဆာန်မျိုးစိတ်ရောဂါများ သယ်ဆောင်လာခြင်းကြောင့် စိတ်ဝင်စားစရာဖြစ်လျက်ရှိပါတယ်။

သတင်းအရင်းမြစ်: Britannica