သေဆုံးသူ ၁၅၀ ကျော်လာပြီဖြစ်တဲ့ အီထယ်ဝန်ကထိတ်လန့်စရာ သရဲများနေ့ပွဲတော်ကြီး

တောင်ကိုရီးယားနိုင်ငံ ၊ အီထယ်ဝန်မှာကျင်းပတဲ့ ဟော်လိုးဝင်းပါတီ (သရဲများနေ့) ပွဲတော်အခမ်းအနားမှာ လူအများအပြား တိုးဝှေ့မှုကြောင့် လူပိသေဆုံးသူ အယောက် ၁၅၀ ကျော်သွားပြီလို့ သိရပါတယ်။ 

ကိုရီးယားပြည်သူများအနေနဲ့ ကိုဗစ်ပွဲတော်ကာလတွေမှာ ပွဲအခမ်းအနားတွေ ရှောင်ခဲ့ရတာကြောင့် ကိုဗစ်ကင်းစင်တဲ့ ကာလမှာ အခုလိုမျိုး ပြန်လည်ပျော်ရွှင်ခွင့်ရခဲ့တာဖြစ်ပါတယ်။ လူအများသေဆုံရတဲ့ အကြောင်းအရင်းကကျဉ်းမြောင်းတဲ့လမ်းထဲ လူအများအပြားတိုးဝှေ့မှုကြောင့် အချင်းချင်းပိမိပြီး အသက်ရှူကြပ်ကာ အသက်သေဆုံးကုန်တာဖြစ်တယ်လို့ သတင်းဌာနတွေက ထုတ်ပြန်ထားပေမယ့် အခြားအကြောင်းအရင်းလည်း ရှိနိုင်သေးတယ်လို့သုံးသပ်ထားသူတွေရှိပါတယ်။ 

သေဆုံးသူတွေအများစုက ဆယ်ကျော်သက်တွေနဲ့ အသက် ၂၀ ကျော် လူငယ်တွေဖြစ်ကြပြီး သေဆုံးသူဦးရေကဆက်လက်မြင့်တက်နေဆဲဖြစ်တယ်လို့ သိရပါတယ်။ 

ကနဦးအရ အတည်ပြုထားတဲ့သေဆုံးသူအရေအတွက်က၁၅၂ ယောက်ရှိနေပြီပဲဖြစ်ပါတယ်။ 

ယခုသေဆုံးမှုက ၂၀၁၄ ခုနှစ်တုန်းက လူအယောက် ၃၀၀ ကျော်သေဆုံးခဲ့တဲ့ ကူးတို့သင်္ဘောနစ်မြုပ်မှုနောက်ပိုင်းမှာ အဆိုးရွားဆုံး မတော်တဆမှုကြီးဖြစ်ပါတယ်။