ဆိုက်ကပ်ထားသော ဇက်ယာဉ်ပေါ်တွင် ဆိုင်ကယ်တက်မောင်းရာမှ မြစ်ထဲသို့ ပြုတ်ကျ မှုဖြစ်ပွါး

မွန်ပြည်နယ်၊ မော်လမြိုင်မြို့၊ ဖက်တန်းရပ်ကွက်၊ မြိတ်တံတား(ခ)မြိတ်ဂျက်တီမှာ ဒီကနေ့ အောက်တိုဘာလ ၅ရက်နေ့ ၊ နေ့လည် ၁ နာရီခွဲအချိန်တုန်းက အမျိုးသား တစ်ဦး မြစ်ထဲပြုတ်ကျသွားတယ်လို့သိရပါတယ်။

 အဆိုပါအမျိုးသားက ဆိုက်ကပ်ထားတဲ့ ဇတ်ယာဉ်ပေါ်မှာ ဆိုင်ကယ်တက်မောင်းရာမှ အရှိန်လွန်ပြီး ဆိုင်ကယ်နဲ့အတူသံလွင် မြစ်ထဲကို ပြုတ်ကျခဲ့တာ ဖြစ်တယ်လို့ သိရပါတယ်။ 

ပြုတ်ကျသွားတဲ့ ဆိုင်ကယ်ကို မြစ်ထဲကနေ ပြန်လည်ရှာတွေ့ပေမယ့် ရုပ်အလောင်းကိုတော့ အခုထိ မတွေ့ရသေးဘူးလို့ သိရပါတယ်။ 

ပြုတ်ကျသွားတဲ့ အမျိုးသားရဲ့ ရုပ်အလောင်းကို ကယ်ဆယ်ရေး အဖွဲ့တွေက အခုချိန်အထိ ရှာဖွေမှုတွေဆက်လက်လုပ်ဆောင်လျက်ရှိတယ်လို့ သိရပါတယ်။