ကမ္ဘာအေးခုံးကျော်တံတားပေါ်ကနေ လူတစ်ဦး ခုန်ချသေကြောင်းကြံစည်မှု ဖြစ်ပွား

ရန်ကုန်တိုင်းဒေသကြီး ကမ္ဘာအေးဘုရားလမ်းမပေါ် (ဂမုန်းပွင့်ကုန်တိုက်အနီး ) မှာရှိတဲ့ လူကူးခုံးကျော်တံတားပေါ်ကနေ အမျိုးသားတစ်ဦး ခု န်ချကာ သက်သေရန် ကြိုးပမ်းခဲ့တယ်လို့ သိရပါတယ်။ အဆိုပါဖြစ်စဉ်က ဒီကနေ့  သြဂုတ်လ ၂၅ ရက်နေ့ နံနက်ပိုင်းက ဖြစ်ပွားခဲ့တာဖြစ်ပြီး ခုန်ချသွားသူအမျိုးသား ဒဏ်ရာ အပြင်းအထန်ရရှိခဲ့တယ်လို့ သိရပါတယ်။ 

သေကြောင်းကြံစည်ခဲ့သူ အမျိုးသားရဲ့ နာမည်နဲ့ နေရပ်လိပ်စာ အချက်အလတ်များကို အခုအချိန်အထိ မသိရသေးဘူးလို့ သိရပါတယ်။ ခုန်ချသွားခဲ့သည့် အချိန်အတိအကျက နံနက် ၁၁ နာရီ အချိန်ဝန်းကျင်မှာ ဖြစ်တယ်လို့သိရပြီး ခုံး တံတားပေါ်မှာ လူရှင်းနေသည့် အချိန် ဖြစ်ပါတယ်။ 

အရေးပေါ်ကယ်ဆယ်ရေး ကားများက မိနစ် ၂၀ ခန့်အကြာမှ ရောက်ရှိလာကြပြီး လူနာများကို သယ်ဆောင်သွားခဲ့တယ်လို့ မျက်မြင်သက်သေတွေရဲ့အဆိုအရ သိရပါတယ်။ သေကြောင်းကြံစည်ခဲ့သူ အမျိုးသားဟာ ခက်ခဲတဲ့နေ့စဉ်ဘဝ အခြေအနေကြီးကနေ ရုန်းမထွက်နိုင်တော့တာကြောင့် ဘဝကြီးကို အခုလိုမျိုး အရှုံးပေးခဲ့တာဖြစ်တယ်လို့ ယူဆထားကြပါတယ်။