ဖိလစ်ပိုင်နိုင်ငံ မြောက်ပိုင်းမှာ ဒီကနေ့ ဇူလိုင်လ ၂၇ ရက်နေ့ ၊ ဗုဒ္ဓဟူးနေ့ နံနက်ပိုင်းက အင်အား ရစ်စတာစကေး ၇.၃ အဆင့်ရှိတဲ့ မြေငလျင်တစ်ခု လှုပ်ခတ်ခဲ့ပါတယ် ။ ငလျင်ဒဏ်ကြောင့် Luzon မှာရှိတဲ့နေရာတော်တော်များများ ပျက်စီးသွားခဲ့ပါတယ်။ ရှေးဟောင်း အမွေအနှစ် Bantay Bell တာဝါကြီးဟာလည်း ပြိုကျ ပျက်စီးသွားခဲ့တာကို ဗီဒီယိုထဲမှာ မြင်တွေ့နိုင်ပါတယ်။
![](https://s9.kh1.co/c7/c78a10b3d1a6d0623e13d105d56609d7e550a1bd.jpg)
Bantay Bell တာဝါကြီးဟာ ၁၅၉၀ ခုနှစ်မှာ တည်ဆောက်ခဲ့တဲ့ ရှေးဟောင်းတာဝါကြီး ဖြစ်ပါတယ်။ ရှေးဟောင်း အမွှေနှစ်တာဝါကြီးဖြစ်တာကြောင့် ဖိလစ်ပိုင်နိုင်ငံက ပြည်သူတွေလည်း များစွာ စိတ်မကောင်းဖြစ်နေကြပါတယ်။ ငလျင်လှုပ်ခတ်မှုကြောင့် ထိခိုက်ဒဏ်ရာ ရရှိခဲ့သူ တစ်ယောက်ပဲ ရှိခဲ့ပေမယ့် အခု ငလျင်က နှစ်ပေါင်းများစွာအတွင်းမှာ လှုပ်ခတ်ခဲ့တဲ့ အပြင်းဆုံး ငလျင်ကြီးဖြစ်ပါတယ်။
![](https://s9.kh1.co/2a/2a67a566c4fcad57cbce84f931036e3bfee3fadd.jpg)
![](https://s9.kh1.co/86/866e479ed1825d89528cc6743d6e85d6c26753a9.jpg)
၂၀၁၃ ခုနှစ်တုန်းကလည်း ဖိလစ်ပိုင်မှာ အင်အား ၇.၁ အဆင့်ရှိတဲ့ ငလျင် လှုပ်ခတ်ခဲ့ဖူးပြီး လူပေါင်း ၂၀၀ ကျော် သေဆုံးခဲ့ပါတယ်။ ဖိလစ်ပိုင်နိုင်ငံမှာ အခု လှုပ်ခတ်သွားတဲ့ ငလျင်အပြင် နောက်ဆက်တွဲ ငလျင်တွေလည်း လှုပ်ခတ်သွားနိုင်ချေရှိတယ်လို့ သိရပါတယ်။
![](https://s9.kh1.co/6b/6b5e47fdb6efc596ac2ff8481499a0528b8b7ec3.jpg)
![](https://s9.kh1.co/bf/bfb396e54e9d6c58ddfbf80242c746d502649368.jpg)
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။