ပထမဆုံးနိုင်ငံပိုင်ဂြိုလ်တုကို အောင်မြင်စွာလွှတ်တင်နိုင်သွားပြီဖြစ်တဲ့ တောင်ကိုရီးယား

ပြီးခဲ့တဲ့အင်္ဂါနေ့ ဇွန်လ ၂၁ ရက်နေ့တုန်းက တောင်ကိုရီးယားနိုင်ငံဟာ ပထမဆုံးနိုင်ငံပိုင်အာကာသယာဥ်တစ်စင်းကို အာကာသထဲအောင်မြင်စွာ လွှတ်တင်နိုင်ခဲ့ပါတယ်။ပြီးခဲ့တဲ့နှစ်ကလည်း တစ်စင်းလွှတ်တင်ခဲ့ပေမဲ့ မအောင်မြင်ခဲ့ပါဘူး။ဒုတိယမြောက်ကြိုးစားမှုကတော့ အောင်မြင်ခဲ့တဲ့အတွက် နိုင်ငံရဲ့အာကာသဆိုင်ရာပရောဂျက်တွေအတွက် ပိုပြီးအားတက်စရာတစ်ခုဖြစ်လာစေမှာပါ။

အရှည် ၄၇ မီတာ(၁၅၄ ပေ)၊ဝိတ်ပေါက်တန်ချိန် ၂၀၀ ရှိကာ အဆစ်သုံးဆစ်ပါတဲ့ နျူရီအာကာသယာဥ်ပျံကို တောင်ကိုရီးယားစံတော်ချိန် ညနေ ၄ နာရီက နိုင်ငံတောင်ပိုင်းမှာရှိတဲ့ နာရိုအာကာသစခန်းကနေ လွှတ်တင်ခဲ့တာဖြစ်ပါတယ်။ယာဥ်ပျံမှာ ဂြိုလ်တုပေါင်း ၅ ခုထိပါဝင်ပြီး အားလုံးဟာ ကမ္ဘာ့ပတ်လမ်းထဲမှာလည်ပတ်ကာ လေထုကိုစစ်ဆေးလေ့လာခြင်း၊အစရှိတဲ့ရာသီဥတုနဲ့သက်ဆိုင်တဲ့ Mission တွေကို စတင်လည်ပတ်ချိန်ကနေ နှစ်နှစ်လောက်ထိ တောက်လျှောက်လုပ်ဆောင်မှာပါ။

“တောင်ကိုရီးယားကနေ အာကာသထဲကို လမ်းပွင့်သွားပါပြီ လွန်ခဲ့တဲ့နှစ်သုံးဆယ်လောက်က တွေ့ကြုံခဲ့ရတဲ့စိန်ခေါ်မှုတွေရဲ့ အသီးအပွင့်တွေကို ကျွန်တော်တို့ပြန်ခံစားရတာပါ ခုဆိုရင် ကိုရီးယားလူထုတစ်ရပ်လုံးနဲ့ လူငယ်တွေရဲ့စိတ်ကူးအိပ်မက်တွေဟာ အာကာသထဲကို ရောက်ရှိနိုင်တော့မှာပါ”လို့တောင်ကိုရီးယားသမ္မတ Yoon Suk Yeol ကလွှတ်တင်အပြီးမှာ မိန့်ခွန်းပြောကြားခဲ့ပါတယ်ွှေတတ

ပြီးခဲ့တဲ့ ၂၀၂၁ ခုနှစ်ကလည်း တောင်ကိုရီးယားက အာကာသယာဥ်လွှတ်တင်မှုပြုလုပ်ခဲ့ပေမဲ့ မအောင်မြင်ခဲ့ပါဘူး။

သတင်းအရင်းမြစ်: South Korea launches homegrown Nuri rocket carrying satellites into orbit