ရေကန်အတွင်း ကားစင်းလုံးလိုက် ပြုတ်ကျသွားသော မိသားစုဝင်များရဲ့ ရုပ်အလောင်းများအား ရှာဖွေမှု ရပ်ဆိုင်း

ဇွန်လ ၉ ရက်နေ့က ကချင်ပြည်နယ် ၊ ဖားကန့်မြို့ ၊ အေးမြသာယာ ရပ်ကွက်ရှိ ရေကန်အတွင်းသို့ လသားကလေးငယ်လေး အပါအဝင် မိသားစု ၃ ဦး ပြုတ်ကျခဲ့ပါတယ်။ ပြုတ်ကျသွားတဲ့ ပါဂျဲရိုး ကားကို ရှာဖွေတွေ့ရှိခဲ့ပေမယ့်လည်း ကားပေါ်ပါ မိသားစုဝင် ၃ ဦးရဲ့ ရုပ်အလောင်းများ ရှာဖွေတွေ့ရှိခဲ့ခြင်း မရှိဘူးလို့ သိရပါတယ်။ 

ရေကန်ရဲ့ အနက်က ပေ ၄၀၀ ခန့် ဖြစ်တာကြောင့် မိသားစုဝင် ၃ ဦးရဲ့ ရုပ်အလောင်းကို ရှာဖွေဖို့ရာ ခက်ခဲလွန်းတာကြောင့် ရှာဖွေရေးလုပ်ငန်းများကို ယမန်နေ့ ဇွန်လ ၁၃ ရက်နေ့ကစပြီး ရပ်နားလိုက်ပြီလို့ သိရပါတယ်။ 

အဆိုပါ မိသားစုမှာ လသားအရွယ် သားငယ်လေး ကာကွယ်ဆေး ထိုးဖို့အတွက် ဖားကန့်ဆေးရုံသွားသည့် လမ်းမှာကားဘရိတ်ပေါက်ပြီး ရေကန်ထဲ ထိုးကျသွားခဲ့တာ ဖြစ်ပါတယ်။ 

ရက်ပေါင်းများစွာ ကြာသည်အထိ အလောင်းများ ရှာမတွေ့ ခဲ့တာကြောင့် ရှာဖွေမှုတွေကို ရပ်ဆဲပြီး လှေနဲ့သာ ပတ်ကြည့်မှုတွေ လုပ်ဆောင်သွားမယ်လို့ ကယ်ဆယ်ရေးအဖွဲ့တွေရဲ့ အဆို အရသိရပါတယ်။ အလောင်းပြန်မရခဲ့သည့်မိသားစုလေး ၃ ဦးရဲ့ အဖြစ်ကို စိတ်မကောင်းဖြစ်ရင်း အခုအကြောင်းအရာလေးကို ဖော်ပြ ပေးလိုက်ပါတယ်။