သားဦးလေး မွေးပြီးနောက်မှာ ပထမဦးဆုံးအကြိမ် မိသားစုနဲ့ ပတ်သတ်တဲ့ ပုံလေး တင်ပေးလာတဲ့ Park Shin Hye

တောင်ကိုရီးယား မင်းသမီး Park Shin Hye ဟာဆိုရင် သားဦးလေး မွေးပြီးနောက်မှာ ပထမဦးဆုံး မိသားစုနဲ့ ပတ်သတ်တဲ့ ဓာတ်ပုံလေး ဝေမျှပေးလာပါတယ်။ 

ဇွန်လ ၄ ရက်နေ့မှာ Park Shin Hye က သူမရဲ့ အင်စတာဂရမ် စတိုရီလေးပေါ်မှာ “မိသားစု” (Family♥) ဆိုတဲ့စာသားလေးနဲ့ သူမရယ် ၊ ခင်ပွန်းဖြစ်သူရယ်၊ သားလေးရယ်တို့ရဲ့ ဖိနပ်ပုံလေးကို တင်ပေးထားတာဖြစ်ပါတယ်။ ဒါ့အပြင် သူမမိသားစုလေးဆီ ဖိနပ် လက်ဆောင်ပို့ပေးတဲ့သူကိုလည်း ကျေးဇူးတင်ကြောင်း ဆိုထားပါသေးတယ်။ 

ဓာတ်ပုံထဲမှာ အရွယ်အစား ချင်း မတူတဲ့ Sneaker လေး ၃ ရံကို တွေ့ရမှာ ဖြစ်ပါတယ်။ ဖိနပ်လေးတွေထဲမှာ သူမခင်ပွန်းဖြစ်သူ မင်းသား Choi Tae Joon အတွက်က Size အကြီးဆုံးလေး ၊ သူမအတွက်က size အလတ်လေးဖြစ်ပြီး သားသားလေးအတွက်ကတော့ အသေးဆုံး ဖိနပ်လေး ဖြစ်ပါတယ်။ 

Park Shin Hye နဲ့ Choi Tae Joon တို့က အခုနှစ် ဇန်နဝါရီလတုန်းက ခန်းနားတဲ့ မင်္ဂလာပွဲ ဆင်နွှဲခဲ့ကြပြီး ပြီးခဲ့တဲ့မေလ ၃၁ ရင်နေ့မှာ ချစ်စရာသားဦးလေးကို မွေးဖွားခဲ့တာ ဖြစ်ပါတယ်။