အသက်ကြီးနေတာကြောင့် ကလေးရဖို့ မလွယ်ကူတော့ပေမယ့် ဖန်ပြွန်သန္ဓေမသုံးဘဲ ကြိုးစားသွားမယ်လို့ ဆိုလာတဲ့ တောင်ကိုရီးယား အဆိုတော် သရုပ်ဆောင် Lee Hyo-ri

တောင်ကိုရီးယား အဆိုတော် သရုပ်ဆောင် Lee Hyo-ri ဟာဆိုရင် လက်ထပ်ထားတာ ၁၀ နှစ်ကျော် ရှိသွားပေမယ့်အခု အချိန်ထိ ကလေး မရသေးတဲ့ သူဖြစ်ပါတယ်။ ဒီအကြောင်းအရာကို Lee Hyo-ri က MBC every 1 ရဲ့ “The Oppa of Tteokbokki House” အစီအစဉ်မှာ ထုတ်ဖော်ပြောကြားခဲ့တာဖြစ်ပါတယ်။ 

Lee Hyo-ri ဟာဆိုရင် အသက် ၄၄ နှစ်အရွယ်ရှိနေပြီဖြစ်တာကြောင့် သူမအနေနဲ့ ကလေးရဖို့ဆိုတာ မလွယ်ကူတော့ဘူးလို့ သိရပါတယ်။ ဖန်ပြွန်သန္ဓေသားနည်းလမ်းကို အသုံးပြုရင် ကလေးရဖို့ ဖြစ်နိုင်ချေရှိတယ်ဆိုပေမယ့်Lee Hyo-ri က သူမကလေးကို သဘာဝနည်းလမ်း အတိုင်းသာ မွေးချင်ကြောင်း ဆိုထားပါတယ်။ 

Lee Hyo-ri ဟာဆိုရင် သူမရဲ့သားလေးကို လက်ဆောင်လေး အဖြစ်ရောက်ရှိလာဖို့ မျှော်လင့်နေတယ်လို့လည်း ဆိုထားပါသေးတယ်။ သူမရဲ့ အသိမိတ်ဆွေတွေထဲမှာ အသက် ၅၈ နှစ်အရွယ်မှ ကလေးရတဲ့ သူရှိတာကြောင့်ကလေးနဲ့ပတ်သတ်ပြီး စောင့်ဖို့အတွက် သတ္တိရှိတယ်လို့ Lee Hyo-ri က ဆိုပါတယ်။ 

Lee Hyo-ri ဟာဆိုရင်  အနုပညာနယ်ပယ်ကိုရောက်ရှိနေခဲ့တာ ၂၅ နှစ် ရှိသွားပြီပဲ ဖြစ်ပါတယ်။ သူမဟာနာမည်ကြီးတစ်ယောက်အဖြစ် ကိုယ့်ကိုယ်ကို ဂရုစိုက်ပြီး အချိန်ကြာမြင့်စွာ နေထိုင်ခဲ့ရတာကြောင့် ကိုယ့်ရဲ့ရင်သွေးလေးကိုလည်း ဂရုစိုက်ပြီး နေချင်သေးကြောင်း ဆိုပါတယ်။ သူများတွေပြောနေကြတဲ့ ကလေး ရှိမှအိမ်ထောင်ရေး မြဲမယ်ဆိုတဲ့ စကားကိုလည်း Lee Hyo-ri တစ်ယောက် လက်မခံဘူးလို့ ဆိုပါတယ်။ 

အိမ်ထောင်ရေးခိုင်မြဲဖို့အတွကိ ရင်သွေးလေးလိုချင်တာ မဟုတ်တာကြောင့် ရင်သွေးလေး မရလည်း လည်းအိမ်ထောင်ရေးအတွက် စိတ်မပူကြောင်း Lee Hyo-ri ကဆိုပါတယ်။ 

တောင်ကိုရီးယား သရုပ်ဆောင် အဆိုတော်Lee Hyo-ri တစ်ယောက် သူမလိုချင်တဲ့ ကလေးလေးကို သဘာဝနည်းလမ်းလေးအတိုင်း ရရှိပိုင်ဆိုင်နိုင်စေဖို့အတွက် ဆုတောင်းပေးလိုက်ပါတယ်နော်။