ဒီကနေ့ မှာ ကွယ်လွန်သွားရှာပြီဖြစ်တဲ့ တေးသံရှင် နော်မာသထူးဝါးလေးရဲ့ မိခင်

“အိမ်လေး တစ်လုံး လိုချင်တယ်” သီချင်းကို သီဆိုခဲ့တဲ့ အဆိုတော် နော်မာသထူးဝါး လေး မိခင် မမိုင်ဟာဆိုရင် ဒီကနေ့ မေလ ၂၉ ရက်၊  နံနက် ၆ နာရီ ၄၉ မိနစ်အချိန်မှာ ခရစ်တော်၌ အိပ်ပျော်သွားခဲ့ပြီလို့ သိရပါတယ်။ 

နော်မာသထူးဝါးလေးတို့ မိသားစုဟာ ထိုင်းနိုင်ငံ ဒုက္ခသည်စခန်းကနေ တောင်ကိုရီးယားနိုင်ငံကို ရောက်ရှိခဲ့ကြတာဖြစ်ပါတယ်။ တောင်ကိုရီးယားမှာ မိခင်ကြီး မမိုင်က အသည်းကင်ဆာ ရောဂါ ခံစားခဲ့ရပါတယ်။ 

သားသမီးလေးတွေ စိတ်ကြောင့် တောင့်ခံထားပေမယ့် ဒီကနေ့မှာတော့ မမိုင်တစ်ယောက် လူ့လောကကနေ ထွက်ခွါသွားခဲ့ပြီလို့ သိရပါတယ်။ 

မိခင်ကြီး မမိုင် ကွယ်လွန်သွားချိန်မှာ သမီးလေး မာသထူးဝါး ၁၅ နှစ် နဲ့ အသက် ၁၃ နှစ် ၁၁ နှစ် အရွယ် မောင်လေး၂ ယောက် ၊ စုစုပေါင်း ကလေး ၃ ယောက်ကျန်ခဲ့ပါတယ်။ 

တောင်ကိုရီးယားနိုင်ငံမှာ အသက်မပြည့်သေးတဲ့ ကလေး ငယ်လေး ၃ ယောက်ပဲ ကျန်ခဲ့တာကြောင့် မာသထူးဝါးလေးတို့ မောင်နှမလေးတွေကို ဒီထက်ပိုပြီး ဂရုစိုက်ပေးပြီး ကူညီပေးဖို့ တိုက်တွန်းရန်း အခုအကြောင်းအရာလေးကို စိတ်မကောင်းစွာ ဖော်ပြပေးလိုက်ရပါတယ်။