သားဖြစ်သူနဲ့ ရွယ်တူလို ဖြစ်နေပေမယ့် မအိုသေးဘဲ နုဖက်နေတဲ့မျက်နှာကြောင့် စိတ်ဝင်စားမှု မြင့်တတ်နေတဲ့ တောင်ကိုရီးယား မင်းသမီး Park Joo Mi

တောင်ကိုရီးယား မင်းသမီး Park Joo Mi ဟာဆိုရင် Marriage and Divorce 3 ဇာတ်လမ်းနဲ့ ပရိသတ်တွေ အများကြီး သိရှိလာခဲ့တဲ့ သူဖြစ်ပါတယ်။ Park Joo-mi က ၁၉၇၂ ခုနှစ်မှာ မွေးဖွားခဲ့တာဖြစ်ပြီး ၁၉၉၃ ခုနှစ်မှ စတင်ကာ အနုပညာလမ်းကြောင်းထက်ဆီကို ရောက်ရှိခဲ့တာဖြစ်ပါတယ်။ 

အသက် ၅၁ နှစ်အရွယ်ရှိနေပေမယ့် Park Joo-mi က မထင်ထားလောက်အောင်ကို ငယ်ရွယ်ပြီး ချစ်ဖို့ကောင်းလွန်းလှပါတယ်။ သူမမှာ သား နှစ်ယောက်ရှိပြီး သားကြီး ကအသက် ၂၀ နှစ် ရှိနေပြီပဲဖြစ်ပါတယ်။ သူမရဲ့ သားငယ်ကတော့ အသက် ၁၅ နှစ်ရှိနေပြီပဲဖြစ်ပါတယ်။ သားဖြစ်သူနှစ်ယောက်က အသက် အရွယ်ကြီးနေပြီဖြစ်ပေမယ့် မင်းသမီး Park Joo-mi ကတော့ ငယ်ရွယ်နုပျိုနေတုန်းပဲ ဖြစ်ပါတယ်။

လက်ရှိမှာ ဆိုရင် သူမရဲ့ သားကြီးဖြစ်သူက တောင်ကိုရီးယားနိုင်ငံ ဥပဒေ အရ စစ်မှုထမ်းဆောင်ရတော့မယ်လို့ သိရပါတယ်။ ကလေးတွေ အရွယ်ရောက်နေပေမယ့်လည်း အသက် ၃၀ အရွယ် အမျိုးသမီးလေးလိုမျိုး နုပျိုနေတဲ့ Park Joo-mi က သူမရဲ့ အလှအပ လျို့ဝှက်ချက်တွေကို အခုလိုလေး ပြောလာခဲ့ပါတယ်။

Park Joo-mi က ည အိပ်ရာဝင်ခါနီးမှာ သူမရဲ့ မျက်လုံးနားဝန်းကျင်ကို eye cream လိမ်းတယ်လို့ သိရပါတယ်။ ဒါ့အပြင် သူမက နေ့စဉ်နေ့တိုင်း လေ့ကျင့်ခန်းတွေ လုပ်တယ်လို့ လည်း သိရပါတယ်။ အသားအရည်လေး စိုစိုပြေပြေ တင်းတင်းရင်းရင်းလေး ဖြစ်စေဖို့ အတွက်ကိုတော့ သူမက တစ်နေ့ကို ရေ ၂ လီတာ သောက်တယ်လို့ သိရပါတယ်။

Park Joo-mi ဟာဆိုရင် “Love (ft. Marriage and Divorce) 3” ဇာတ်လမ်းနဲ့ ပရိသတ်တွေရဲ့ အားပေးမှုကို တခဲနက် ရရှိခဲ့တဲ့ သူဖြစ်ပြီး နုဖတ်နေတဲ့ သူမရဲ့ မျက်နှာကြောင့်လည်း ပရိသတ်တွေရဲ့ ချစ်ခင်မှုကို ရရှိထားတဲ့ သူဖြစ်ပါတယ်။