မူဆယ်မြို့တွင် ဓားပြတိုက်ပြီး ထွက်ပြေးလာသည့်ကား ယာဉ်တိုက်မှု ဖြစ်ပွါးခဲ့သည့် ရုပ်သံဖိုင်များ

မူဆယ်မြို့အတွင်းရှိနေအိမ်တစ်အိမ်ကို ဓားပြတိုက်လာသည့် ဓားပြများ စီးလာသည့်ကား ယာဉ်တိုက်မှု ဖြစ်ပွါးခဲ့တယ်လို့ သိရပါတယ်။ အဆိုပါဓားပြများက မူဆယ်မြို့ ပင်လုံရပ်ကွက်သစ်မှာ ရှိတဲ့ တရုတ်မိသားစုနေထိုင်တဲ့နေအိမ်တစ်အိမ်ကို ၂၀၂၂ ခုနှစ် မေလ (၁၅) ရက်နေ့ ည (၇) နာရီ ဝန်းကျင်ခန့်က ဓားပြတိုက်ခဲ့တယ်လို့ သိရပါတယ်။ ဓားပြတိုက်ယူခဲ့ပုံ ဖြစ်စဉ်ကို စီစီတီဗီများမှ တစ်ဆင့် မှတ်တမ်းတင်နိုင်ခဲ့ပါတယ်။ 

ဓားပြက စုစုပေါင်း နှစ်ယောက်ဖြစ်ပြီး သေနတ်များ ကိုင်ဆောင်ထားတယ်လို့ သိရပါတယ်။ အဆိုပါ ဓားပြများမှနေအိမ်အတွင်းရှိ ရွှေငွေ များနှင့် အဖိုးတန်ရတနာများကို တိုက်ယူသွားပြီးနောက် လမ်းပေါ်မှာ ယာဉ်တိုက်မှု ဖြစ်ပွါးခဲ့တယ်လို့ သိရပါတယ်။ ယာဉ်တိုက်မှု ဖြစ်ပွါးခဲ့သည့် ဗီဒီယိုကိုလည်း စီစီတီဗီမှ တစ်ဆင့် မှတ်တမ်းတင်နိုင်ခဲ့ပါတယ်။ 

ယာဉ်တိုက်မှု ဖြစ်ပွါးပြီးနောက်မှာ ဓားပြတိုက်ရာမှ ပါလာတဲ့ ရွှေ ငွေ ပစ္စည်းတွေကို မယူသွားဘဲ ထွက်ပြေးသွားကြတယ်လို့ သိရပါတယ်။ ရွှေငွေများကိုတော့ ပိုင်ရှင် ထံ ပေးအပ်ပြီးပြီလို့ သိရပါတယ်။