စွန့်ပစ်သွားတဲ့ ၃ ရက်သားအရွယ် လူမမယ် ကလေးလေးကို လက်ခံမွေးစားခဲ့တဲ့ ခိုင်နှင်းဝေ

ပရဟိတ မင်းသမီး ခိုင်နှင်းဝေဟာဆိုရင် အနယ်နယ်ရပ်ရပ်က အစွန့်ပစ်ခံ ကလေးလေးတွေ ကျွေးမွေး ပြုစုစောင့်ရှောက်ပေးနေတဲ့ သူဖြစ်ပါတယ်။ အခုတစ်ခေါက်မှာ  လည်း လာရောက်စွန့်ပစ်သွားတဲ့ ၃ ရက်သားအရွယ် လူမမယ်ကလေးလေးကို ခိုင်နှင်းဝေမှ တာဝန်ယူစောင့်ရှောက်ပေးမယ်လို့ သိရပါတယ်။ ကလေးငယ်လေးက ၃ ရက်သားလေး ဖြစ်တာကြောင့် မျက်လုံးတောင်မပွင့်သေးဘူးလို့ သိရပါတယ် ။ 

စွန့်ပစ်သွားတဲ့ ကလေးငယ်လေးကို ရပ်ကွက်သူ ရပ်ကွက်သားများက အချိန်မီ တွေ့ရှိခဲ့တာဖြစ်ပြီး ခိုင်နှင်းဝေကသွားရောက်ကူညီပေးခဲ့တာလို့ သိရပါတယ်။ ပရဟိတမင်းသမီး ခိုင်နှင်းဝေမှ ၃ ရက်သား ကလေးငယ်လေးကိုသွားရောက်ခေါ်ယူဖြစ်ခဲ့ပုံလေးကို အခုလို ဝေမျှပေးထားပါတယ်။ 

“(၃)ရက်သား အရွယ် စွန့်ပစ် သမီးငယ်လေး တစ်ဦးကို ထပ်မံ မွေးစားစောင့်ရှောက်ဖြစ်ပါတယ်ရှင်..တာဝန်ရှိသူများနှင့် ရပ်ကွက်မှ အချိန်မှီတွေ့ရှိခဲ့ပါသဖြင့် ကိုယ်လက် အင်္ဂါစုံလင်ပြီး ကျန်းမာ ကံကောင်းတဲ့ ကလေးလေးပါ...အားလုံးပဲ ချစ်ပေးကြဘို့ သမီးလေး တစ်ယောက် ထပ်မံ တိုးလာပါပီရှင်..❤️”

ကလေးလေးက ကျန်းမာပြီး ကိုယ်လက်အင်္ဂါလေးတွေ အားလုံး စုံစုံလင်လင်ရှိတယ်လို့ သိရပါတယ်။ မေမေခိုင်နှင်းဝေတော့ ကလေးလေးတစ်ယောက်ကို ထပ်ပြီး ရရှိပိုင်ဆိုင်ပြန်ပါပြီနော်။