သားဖြစ်သူနဲ့ ချစ်ကြည်နူးနေတဲ့ ပုံရိပ်လေးကို ဝေမျှပေးလာတဲ့ တောင်ကိုရီးယားမင်းသား Ryu Jin

သရုပ်ဆောင် Ryu Jin ဟာဆိုရင် အသက် ၅၀ နှစ်အရွယ်ရှိပြီဖြစ်တဲ့ တောင်ကိုရီးယား ဝါရင့် သရုပ်ဆောင်တစ်ယောက်ဖြစ်ပါတယ်။ တောင်ကိုရီးယား သရုပ်ဆောင် Ryu Jin မှာ သားလေး ၂ ယောက်ရှိပြီး သားလေး နှစ်ယောက်ကလည်း ရုပ်ရည်ချောမောပြီး ချစ်ဖို့ကောင်းလွန်းတာကြောင့် ပရိသတ်တွေရဲ့ ချစ်ခင်မှုကို အပြည့်အဝ ရရှိထားတာဖြစ်ပါတယ်။

တောင်ကိုရီးယား သရုပ်ဆောင် မင်းသား Ryu Jin က သူ့ရဲ့ SNS  စာမျက်နှာပေါ်မှာ သားလေး နှစ်ယောက်ရဲ့ ပုံလေးတွေ အမြဲလိုလို တင်ပေးလေ့ရှိတဲ့သူဖြစ်ပြီး အခုတစ်ခေါက်မှာလည်း ဒုတိယ သားလေးရဲ့ ပုံလေးတွေကို တွဲပြီး တင်ပေးလာတာဖြစ်ပါတယ်။

ဓာတ်ပုံလေးတွေထဲမှာ Ryu Jin က သူ့ရဲ့ ဒုတိယသားဖြစ်သူ Chanho နဲ့ ခရီးသွားနေတဲ့ ဓာတ်ပုံလေးတွေ တင်ပေးလာတာဖြစ်ပါတယ်။ Ryu Jin ရဲ့ ဒုတိယသားလေးက တောင်ကိုရီးယားနာမည်ကျော် ယောကျာ်းလေးများ အဆိုတော်အဖွဲ့ BTS အဖွဲ့ထဲက V နဲ့ တူတယ်ဆိုပြီး နာမည်ကြီးနေတဲ့ ကလေးလေးဖြစ်ပါတယ်။

ဓာတ်ပုံလေးတွေထဲမှာ Ryu Jin က သားဖြစ်သူရဲ့ ခေါင်းကို ကိုင်ထားပြီး စနောက်နေတဲ့ ပုံစံ အခွီလေးတွေ ပြုလုပ်နေတာပါ။ သားအဖနှစ်ယောက်ရဲ့ ဓာတ်ပုံလေးတွေက ချစ်ဖို့ကောင်းလွန်းတာကြောင့် လူမှုကွန်ရက် စာမျက်နှာပေါ်မှာ နာမည်ကြီးနေပါတယ်။

Ryu Jin က ၂၀၀၆ ခုနှစ်မှာ ချစ်ရသူလေးနဲ့ လက်ထပ်ခဲ့တာဖြစ်ပြီး Chan-hyeong နဲ့ Chan-ho ဆိုတဲ့ သားလေး နှစ်ယောက် ကို ပိုင်ဆိုင်ထားတာဖြစ်ပါတယ်။