မောင်လေးပိုင်တံခွန်ရဲ့ ဓာတ်ပုံလှလှလေးတွေ ရိုက်နည်းလျို့ဝှက်ချက်ကို ပြောပြလာတဲ့ အစ်မမေချစ်သွေး

ပိုင်တံခွန်လို့ ပြောလိုက်တာနဲ့ အရပ်ရှည်ရှည်လေးနဲ့ ကောင်လေးချောချောလေးကို သေချာပေါက်ပြေး မြင်ကြမှာပါနော် ။ ပိုင်တံခွန်က ရုပ်ရည်ချောမောသလို ဓာတ်ပုံရိုက်ရင်လည်း အရမ်း စမတ်ကျတဲ့ သူလေး ဖြစ်ပါတယ်။

ပိုင်တံခွန် ဓာတ်ပုံ ခပ်မိုက်မိုက်လေးရဖို့အတွက် နောက်ကွယ်က ကြိုးစားပေးနေတဲ့ သူလေးတစ်ယောက်လည်း ရှိပါတယ်။ သူကတော့ ပိုင်တံခွန်ရဲ့ အစ်မ မေချစ်သွေးပဲ ဖြစ်ပါတယ်။ 

ကောင်လေး တစ်ယောက်လိုမျိုး ခန့်ခန့်ညားညားနဲ့ ချစ်ဖို့ကောင်းတဲ့ ပိုင်တံခွန်ရဲ့ အစ်မ မေချစ်သွေးက ပိုင်တံခွန်ရဲ့ပုံလှလှလေးတွေကို အမြဲရိုက်ပေးနေတဲ့သူလေး ဖြစ်ပါတယ်။ 

ဓာတ်ပုံကောင်း တစ်ပုံဖြစ်လာဖို့ကလည်း အရမ်းကြီးလွယ်ကူနေတာမျိုးတော့ မဟုတ်ပါဘူး။ မောင်လေး ပိုင်တံခွန် ဓာတ်ပုံကောင်းတစ်ပုံရဖို့အတွက် မေချစ်သွေးကသစ်ပင်ပေါ်တတ်ကာ အရဲစွန့်ပြီး ကြိုးစားခဲ့ရတာဖြစ်ပါတယ်။

သစ်ပင်မြင့်ပေါ်မှာ ဒူးတွေ တုန်တဲ့အထိ ကြိုးစားကာ ဓာတ်ပုံရိုက်ပေးခဲ့ရတဲ့ အစ်မတော် မေချစ်သွေးရဲ့ ပုံရိပ်လေးတွေကို ကြည်နူးစရာအတွေ့အကြုံကောင်းလေးအဖြစ် ဝေမျှပေးလိုက်ပါတယ်။