မကြာသေးမီက တောင်ကိုရီယား ဝါရင့် သရုပ်ဆောင် မင်းသမီးကြီး Seo Yi Sook သေပြီဆိုတဲ့ သတင်းတွေ ထွက်ရှိလာခဲ့ပါတယ်။ သတင်းက ဧပြီလ ၂၈ ရက်နေ့မှာ ထွက်ရှိလာခဲ့တာဖြစ်ပြီး သတင်းကို စတင်လွှင့်ခဲ့တဲ့ သူက A လို့ အမည်ရတဲ့ အသက် ၂၀ အရွယ် အမျိုးသား ဖြစ်ပါတယ်။
![](https://s9.kh1.co/07/0779e5bcd2fc76b7a65cdf406bf2d7c764ee5179.jpg)
အဆိုပါ အမျိုးသားဟာ ပြီးခဲ့တဲ့ ၂၀၂၁ ခုနှစ် ဇူလိုင်လနဲ့ စက်တင်ဘာလတုန်းက တောင်ကိုရီးယား မင်းသမီးကြီး Seo Yi Sook နှလုံးရောဂါနဲ့ သေဆုံးသွားခဲ့ပြီဆိုတဲ့ သတင်းတွေ ထုတ်လွှင့်ခဲ့တာဖြစ်ပါတယ်။ သေဆုံးပြီဆိုတဲ့သတင်းနဲ့အတူ မဟုတ်မမှန်ဓာတ်ပုံတွေကိုပါ အတူတွဲတင်ခဲ့တာကြောင့် အင်တာနက် အသုံးပြုသူတွေက Seo Yi Sook သေပြီဆိုတာကို ယုံကြည်ပြီး ဝိုင်းဝန်း ဆုတောင်းပေးခဲ့ကြပါတယ်။
![](https://s9.kh1.co/86/861f45b69685e412c10e2e29234b64981a48f99a.jpg)
![](https://s9.kh1.co/79/79f0e344c4135528cf6851f27537ee3dd9ae48ee.png)
Seo Yi Sook သေဆုံးပြီဆိုတဲ့ သတင်းကို မဟုတ်မမှန်သတင်းထုတ်လွှင့်ခဲ့တဲ့ A ဆိုတဲ့ အမျိုးသားရဲ့ လိပ်စာကို Mapo ရဲဌာနက လိုက်လံရှာဖွေဖော်ထုတ်ခဲ့ ပါတယ်။
![](https://s9.kh1.co/e3/e30b4b12ad33c66d9449e67214ff9884eaa71165.jpg)
ရဲဌာန ရဲ့ အဆိုအရ အပြစ်ရှိသူ A က လက်ရှိမှာ စစ်မှုထမ်းဆောင်နေတယ်လို့ သိရပါတယ်။ တရားခံကိုတော့ စစ်မှုထမ်းဆောင်တဲ့ ကာလပြီးဆုံးသွားမှ ဖမ်းဆီးသွားမယ်လို့ သိရပါတယ်။
Source - Allkpop
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။