ဒီကနေ့မှာအသက် ၄၅ နှစ်ပြည့်သွားပြီဖြစ်တဲ့ ပြည်သူ့မင်းသမီးလေးအိန္ဒြာကျော်ဇင်

မအူဝဲလို့ လူသိများတဲ့ သရုပ်ဆောင် အိန္ဒြာကျော်ဇင်ဟာဆိုရင် ဒီကနေ့ ဧပြီလ ၂၄ ရက်နေ့မှာ အသက် ၄၅ နှစ်ပြည့်သွားပြီပဲဖြစ်ပါတယ်။ သရုပ်ဆောင်အိန္ဒြာကျော်ဇင်ကို ၁၉၇၇ ခုနှစ် ဧပြီလ ၂၄ ရက်နေ့မှာ မွေးဖွားခဲ့တာဖြစ်ပါတယ်။ မအူဝဲဟာ သူမချစ်ရတဲ့သူ သရုပ်ဆောင် ပြေတီဦးနဲ့ လူသိရှင်ကြား လက်ထပ်ခဲ့ပြီး ချစ်စရာ သမီးလေးတစ်ယောက် ၊ သားလေးတစ်ယောက် မွေးဖွားခဲ့ပါတယ်။ 

အရင်နှစ် ၄၄ နှစ်ပြည့်မွေးနေ့လေးမှာတော့ ပြည်သူချစ်မင်းသမီးလေး အိန္ဒြာကျော်ဇင် က အကျဉ်းထောင်ထဲမှာ ဖြတ်သန်းခဲ့ရတာဖြစ်ပါတယ်။အခု ၄၅ နှစ်ပြည့် မွေးနေ့လေးမှာတော့ လွတ်မြောက်သွားပြီဖြစ်လို့ များစွာ ဝမ်းသာရပါတယ်။ 

နာမည်ကြီး အနုပညာရှင်တစ်ယောက်ဖြစ်ပေမယ့်လည်း ပြေတီဦးနဲ့ အိန္ဒြာကျော်ဇင်တို့ ဇနီးမောင်နှံကအကျဉ်းထောင်ထဲကနေ လွတ်လာကြတဲ့အချိန်ကနေ အခုအချိန်အထိ ပရိသတ်မြင်ကွင်းရှေ့ကို ထွက်ရှိလာခြင်းမရှိသေးပါဘူး။ 

ပရိသတ်တွေကတော့ ရင်နှင့်အမျှ ချစ်ပြီး အားပေးရတဲ့ သရုပ်ဆောင် အိန္ဒြာကျော်ဇင်ရဲ့ ၄၅ နှစ်ပြည့်မွေးနေ့လေး အတွက် ဝိုင်းဝန်း ဂုဏ်ပြုပေးထားကြပါတယ်။

 ပျော်ရွှင်သောမွေးနေ့လေး ဖြစ်ပါစေနော် မအူဝဲရေ ❤️