မိဘနဲ့ပတ်သတ်ပြီး ရင်ထဲခံစားရတဲ့ ခံစားချက်လေးတွေ ဝေမျှလာတဲ့ သရုပ်ဆောင်ဟိန်းထက်

ပြည်သူချစ် သရုပ်ဆောင်ဟိန်းထက်ဟာဆိုရင် မိဘတွေနဲ့ခွဲပြီး လွတ်မြောက်နယ်မြေတစ်ခုမှာရောက်ရှိနေတာဖြစ်ပါတယ်။ ဟိန်းထက်ဟာသူချစ်တဲ့ အနုပညာအလုပ်တွေကို စွန့်လွှတ်ပြီး မိဘတွေနဲ့ဝေးရာမှာနေထိုင်နေရတဲ့ သူဖြစ်ပါတယ်။ 

သရုပ်ဆောင်ဟိန်းထက်က သူ့ရဲ့တစ်နေ့တာ လှုပ်ရှားမှုပုံရိပ်လေးတွေကို လူမှုကွန်ရက်စာမျက်နှာပေါ်မှာ အမြဲတင်ပေးလေ့ရှိပြီး အခုတစ်ခေါက်မှာလည်း မိဘနဲ့ ပတ်သတ်တဲ့ ရင်တွင်းခံစားချက်လေးတွေကို တင်ပေးလာတာဖြစ်ပါတယ်။

“မိဘစကားအမြဲမှန်လား။ မိဘစကားနား​ထောင်ရင်ကြီးပွားတိုးတက်တယ်ဆိုတာတကယ်လား။

-အမြဲမမှန်နိုင်ပါဘူးခင်ဗျာ။ ဘာလို့လည်းဆိုရင် မိဘတိုင်းက အရိယာပုဂ္ဂိုလ်​တွေမဟုတ်လို့ပါ။

-ကျ​နော်တို့​မွေးဖွားလာတဲ့အခါ ​ကိုယ်ကျင့်တရား​​ကောင်းမွန်တဲ့မိဘ​တွေရှိသလို့ ကိုယ်ကျင့်တရားနည်းတဲ့မိဘ​တွေလည်းရှိပါတယ်။

-​ကိုယ်ကျင့်တရား​ကောင်းမွန်တဲ့မိဘဆီ​ရောက်တဲ့က​လေးဟာ လက်ဦးဆရာမိဘရဲ့ဆိုဆုံးမမှု​​ကြောင့်​ကိုယ်ကျင့်တရား​ကောင်းမွန်ပါတယ်။

-သို့​သော် ကိုယ်ကျင့်တရားမ​ကောင်းတဲ့ မ​ကောင်းမှု ဒုစရိုက်လုပ်ကိုင်တဲ့ မိဘဆီ​ရောက်လာတဲ့ က​လေးက​တော့ ​ကောင်းဖို့အင်မတန်ခက်ပါတယ်။ ဘာလို့လည်းဆို မိဘကိုယ်တိုင်က အယူမှား မ​ကောင်းမှုလုပ်​နေတဲ့အတွက် သူဆုံးမတဲ့စကား​တွေကလည်း ​ကောင်းမွန်မှန်ကန်မှာမဟုတ်လို့ပါ။သို့​ပေမယ့် ဒီက​လေးဟာမ​ကောင်းလာနိုင်ဘူးလားဆို​တော့ ​ကောင်းဖို့အခွင့်အ​ရေးရှိပါတယ်။ ဒါက​တော့ ​ကောင်းမွန်တဲ့ပတ်ဝန်းကျင်၊ ​ကောင်းမွန်ပြီး ကိုယ်ကျင့်သီလရှိတဲ့သူဆီမှာ ဆည်းကပ်သင်ယူ​နေထိုင်ခြင်းပါ။

-ဒါ​ကြောင့် ကျ​နော်တို့ဟာ စဥ်းစား​တွေ​ခေါ်မှုအားနည်းတဲ့အချိန်​တော့ မိဘစကားကို နား​ထောင်ရပါလိမ့်မယ်။ဘာ​ကြောင့်လည်းဆို မိဘဆိုတာက သားသမီးကို ဒုက္ခ​ရောက်​အောင် ထိခိုက်​အောင်လုပ်မှာမဟုတ်လို့ပါ။

-ဒါ​ပေမယ့် အသိတရားရလာတဲ့အချိန် စဥ်းစား​တွေး​ခေါ်နိုင်စွမ်းရှိတဲ့အရွယ်​ရောက်ရင်​တော့ ​​အကောင်းနဲ့အဆိုးကိုခွဲခြားပြီး လိုက်နာကျင့်ကြံရပါမယ်။ ဒါမှသာ အမှန်တကယ်ကြီးပွားတိုးတက်​စေမှာပါ။

-ကျ​နော် ကိုယ်ကျင့်သီလကောင်းမွန်တဲ့မိဘဆီမှာ လူဖြစ်ခွင့်ရတဲ့အတွက် ကျ​နော်ဂုဏ်ယူမိပါတယ်။အ​​ဖေနဲ့အ​မေကိုလည်း ဒီ​နေရာက​နေ ​ကျေးဇူးတင်​ကြောင်း​ပြောရင်း ရှစ်ခိုးကန်​တော့လိုက်ပါတယ်။

#အဓမ္မကိုဓမ္မနဲ့တွန်းလှန်မယ်”

ပြည်သူ့မင်းသားလေး ဟိန်းထက်က မကြာသေးမီကလည်းမိဘတွေရဲ့ လူသိရှင်ကြား အမွေပျက် စွန့်လွှတ်ခြင်းကိုခံခဲ့ရတဲ့သူဖြစ်ပါတယ်။ သို့ပေမယ့် ဟိန်းထက်ကတော့ မိဘတွေကျေးဇူးကို အမြဲအောက်မေ့ပြီး ကျေးဇူးတင်နေတုန်းပါပဲ။ မိဘကျေးဇူးကိုသိတတ်ပြီး လိမ္မာတဲ့သားလိမ္မာလေး ဟိန်းထက်တစ်ယောက် ဘေးကင်းလုံခြုံပြီး ဖြစ်ချင်တဲ့ လိုအင်ဆန္ဒလေးတွေ ပြည့်ဝဖို့ ဆုတောင်းပေးလိုက်ပါတယ်။