နာမည်ကြီး တောင်ကိုရီယားယောကျာ်းလေးများ အဆိုတော် အဖွဲ့ Bigbang ရဲ့ အဖွဲ့ဝင် တစ်ယောက်ဖြစ်တဲ့ T.O.P ဟာဆိုရင် အဖွဲ့ထဲကနေ အချိန်ခဏတာ အနားယူတော့မယ့်အကြောင့်ကို ဖွင့်ဟပြောဆိုလာခဲ့ပါတယ်။ အခုလို ခဏ အနားယူရတဲ့ အကြောင်းအရင်းက အခြားသူတစ်ဦးတစ်ယောက်ရဲ့ ပရောဂ မပါဘဲ သူကိုယ်တိုင် စိတ်အခြေအနေကို အနားယူချင်တာကြောင့်လို့ T.O.P ကဆိုပါတယ်။

Google

အဖွဲ့ထဲကနေ ခဏအနားယူရတဲ့အကြောင်းအရင်းကို အင်တာဗျူးထဲမှာ T.O.P က အခုလို ပြောလာခဲ့ပါတယ်။

Google

“ဟိုး အစကတည်းက ကျွန်တော် အမြဲပြောဖူးပါတယ်။ ကျွန်တော်က Bigbang အဖွဲ့က T.O.P ဖြစ်ရတာ အမြဲဂုဏ်ယူပါတယ်လို့လေ .. ဒါပေမယ့် ပြီးခဲ့တဲ့ နှစ်တွေမှာတော့ ကျွန်တော် Bigbang ရဲ့ T.O.P အဖြစ်ကနေ ခဏ အနားယူရမယ်လို့ တွေးခဲ့မိပြီးသားပါ .. Bigbang က နာမည်ကြီး အိုင်ဒေါလ်အဖွဲ့ဖြစ်ပါတယ်။ ဒါပေမယ့် ကျွန်တော်က အရမ်းအိုနေပြီ .. အခြားအဖွဲ့ဝင်တွေလည်း အိုနေပြီလေ .. ကျွန်တော့်ပရိတ်သတ်တွေကို ရိုးသားစွာပြောရရင် ကျွန်တော် အဆုံးသတ် ဆိုတဲ့ စကားလုံးကို မသုံးချင်ပါတယ်။ ကျွန်တော် T.O.P အဖြစ် Bigbang အဖွဲ့ မှာ ရှိနေခဲ့တာလည်း အချိန်တော်တော်ကြာပါပြီ။ အချိန်ကာလ ၅ နှစ်ကြာ အနားယူခဲ့ပြီးနောက်မှာ ကျွန်တော့်တို့ သီချင်းတွေနဲ့ လှုပ်ရှားမှု ပုံစံတွေက တော်တော်လေး ကွဲပြားသွားပါပြီ ။ အခု Bigbang ရဲ့ သီချင်းနဲ့ ကျွန်တော့်ရဲ့ တစ်ကိုယ်တော် သီချင်းတွေတောင် တော်တော်ကွာခြားသွားပါပြီ ။ ကျွန်တော်အခုရောက်ရှိနေတဲ့ အသက်အရွယ်က စိန်ခေါ်မှု အသစ်တွေနဲ့ နိုးထရမယ့် အချိန်ကို ရောက်နေပြီလေ။ ကျွန်တော့်အတွေးကိုပြောရမယ်ဆိုရင်အနာဂတ်မှာ Bigbang အဖွဲ့ ပြန်စုစည်းချင်ပါတယ်။ ကျွန်တော်က Bigbang ကိုရော ကျွန်တော့် အဖွဲ့ဝင်တွေကိုပါချစ်တယ်။”

Google

ဒါ့အပြင် T.O.P က အခုထွက်ရှိလာမယ့် Bigbang အဖွဲ့ရဲ့ comeback သီချင်းမှာ ပရိသတ်တွေကိုပေးချင်တဲ့ message လေးတစ်ခုပါဝင်လာမှာဖြစ်ပြီး သူဘာလို့ Bigbang အဖွဲ့ကနေ ခဏတာ အနားယူရတာလဲဆိုတဲ့ အကြောင်းကိုပါ ထည့်သွင်းပေးထားတယ်လို့သိရပါတယ်။

Google

ပြီးခဲ့တဲ့ ဖေဖော်ဝါရီလမှာလည်း T.O.P က သူ့ရဲ့ အချိန်အကြာပြီး လက်တွဲလာတဲ့ YG အင်တာတိန်းမန့်နဲ့ လက်တွဲဖြုတ်တော့မယ့်အကြောင်းပြောထားခဲ့ဖူးပါတယ်။ ဒါပေမယ့်လည်း သူချစ်ရတဲ့ အဖွဲ့ဝင်တွေနဲ့ အတူတူ ဖန်တီးထားတဲ့ သီချင်းအသစ်လေးကိုတော့ မကြာခင် ထုတ်လွှင့်ပေးသွားမှာဖြစ်တယ်လို့ T.O.P က ဆိုပါတယ်။

သတင်းအရင်းမြစ်: SBS

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။