ချစ်သူကောင်မလေးရဲ့ ဈာပနအခန်းအနားမှာ မပေးဖြစ်လိုက်ရတဲ့ လက်ထပ်လက်စွပ်လေး လာရောက်ပေးသွားခဲ့တဲ့ Tangmo ရဲ့ ချစ်သူ

Tangmo ရဲ့ ချစ်သူကောင်လေးဟာ Tangmo အခြားတစ်ယောက်ကို ရွေးချယ်ပြီး လက်ထပ်ခဲ့ချိန် မတိုင်ခင် ကတည်းက Tangmo ကို တစ်ဖက်သတ် သဘောကျခဲ့ရသူဖြစ်ပါတယ်။ အရင်သဘောကျခဲ့ရတဲ့သူဖြစ်ပေမယ့်လည်း Tangmo ရွေးချယ်ခဲ့သူကတော့ သူမဟုတ်ခဲ့ပါဘူး။  Tangmo ကွာရှင်းခဲ့ချိန်မှာလည်း ချစ်ခြင်းမေတ္တာတွေ မလျော့ဘဲ Tangmo ဆီ ပြန်သွားခဲ့ပါတယ်။

Tangmo စက်လှေနစ်မြုပ်သွားတယ်ဆိုတဲ့ သတင်း ကြားကြားချင်းမှာလည်း အပြေးအလွှားနဲ့ တစ်ညလုံး Tangmo ရဲ့ ကယ်ဆယ်ရှာဖွေရေးမှာ ရှိနေခဲ့တာပါ။ Tangmo အလောင်းကိုသာ ပြန်ရှာတွေ့တဲ့အချိန်မှာလည်း ကမ္ဘာကြီးတစ်ခုလုံး ပြိုလဲသွားသလို ယူကြုံးမရဖြစ်ခဲ့ပါတယ်။

Tangmo ရဲ့ ဈာပနအခန်းအနားကို မတ်လ ၁၁ ရက်နေ့က ထိုင်းနိုင်ငံ၊ ဘန်ကောက်မြို့ Liberty Church မှာ လှပစွာပြင်ဆင်ကျင်းပ ပြုလုပ်ခဲ့ပါတယ်။ Tangmo ရဲ့ ဈာပနာ အခန်းအနားကိုလည်း ချစ်သူကောင်လေးက တတ်ရောက်ခဲ့ပြီး Tangmo အသက် ရှိစဉ်အခါက မပေးဖြစ်လိုက်တဲ့ လက်ထပ် လက်စွပ် ဘူးလေးကိုပါ သယ်လာခဲ့ပါတယ်။

လက်ထပ်လက်စွပ်လေးကို အသက်မဲ့သွားတဲ့ ချစ်သူရဲ့ လက်မှာ စွပ်ပေးဖို့အတွက် ယူလာခဲ့တာလို့ သိရပါတယ်။ ဒါ့အပြင် မျက်ရည်များနဲ့ ကြိတ်ငိုနေတဲ့ Tangmo ရဲ့ ချစ်သူကောင်လေးရဲ့ ပုံရိပ်တွေဟာ လူမှုကွန်ရက်စာမျက်နှာပေါ်မှာ ပျံ့နှံ့လာခဲ့ပါတယ်။

Tangmo ရဲ့ ကောင်လေးက လက်ထပ်လက်စွပ်လေး စွပ်ပေးလိုက်ပြီဖြစ်တာကြောင့် သူတို့နှစ်ဦး လက်ထပ်ပြီးသွားပြီဖြစ်တယ်လို့ သူငယ်ချင်းကို အသိပေးခဲ့တယ်လို့လည်း သိရပါတယ်။

အသက်ရှင်စဉ်မှာ မပေးလိုက်ရတဲ့ လက်ထပ်လက်စွပ်လေးကို ကွယ်လွန်သွားချိန်မှာ ပေးလိုက်ပြီး လက်ထပ်ကတိ ပြုခဲ့ကြတဲ့ ချစ်သူနှစ်ဦးရဲ့ ဖြစ်ရပ်လေးဟာ တွေ့မြင်ရတဲ့သူတွေကိုပါ ယူကြုံးမရ ဖြစ်စေခဲ့ပါတယ်။

နောက်ဘဝတွေရှိသေးရင် Tangmo တို့ ချစ်သူနှစ်ဦး သေကွဲမကွဲရဘဲ လက်ထပ်နိုင် ဖို့ ဆုတောင်းပေးလိုက်ပါတယ်နော် ။