သေးသေးသွယ်သွယ်ခန္ဓာကိုယ်လေးရရှိဖို့ သူမ စားနေတဲ့အစားအသောက်ပုံးလေးတွေကို ဝေမျှပေးလိုက်တဲ့ တောင်ကိုရီယားမင်းသမီး Go Min Si

တောင်ကိုရီးယားမင်းသမီး Go Min Si ဟာဆိုရင် သေးသေးသွယ်သွယ် ခန္ဓာကိုယ်လေးရရှိဖို့ လက်ရှိလုပ်ဖြစ်နေတဲ့ အလေ့အကျင့်လေးတစ်ခုအကြောင်းကို သူမရဲ့ လူမှုကွန်ရက်အင်စတာဂရမ် စာမျက်နှာကနေ ဝေမျှပေးလိုက်ပါတယ်။

ဒီအကြောင်းအရာလေးကို Go Min Si က ဘာစာသားမှ မရေးဘဲ ပုံလေးတွေချည်းတင်ပေးပြီး သူမရဲ့ အင်စတာဂရမ် စာမျက်နှာပေါ်ကနေ ဝေမျှပေးလိုက်တာဖြစ်ပါတယ်။ ဓာတ်ပုံလေးထဲမှာ Go Min Si က ဘဲလေးအက စတူဒီယိုက ကြမ်းပြင်မှာထိုင်ပြီး အကြောလျော့လေ့ကျင့်ခန်းလုပ်နေတာဖြစ်ပါတယ်။ ပရိသတ်တွေကို သူမ ဘဲလေးအကကဖြစ်နေတဲ့အကြောင်း ပြောချင်တဲ့ပုံရပါတယ်။

ဘဲလေးအကကနေတဲ့အကြောင်းလေးနဲ့အတူ Go Min Si ထပ်ပြီးဝေမျှပေးလာတာက သူမရဲ့ စားသောက်မှုပုံစံလေးပဲဖြစ်ပါတယ်။ သူမစားတဲ့ထမင်းဘူးလေးထဲမှာ ကန်စွန်းဥ ၊ ငှက်ပျောသီး ၊ ကြက်ဥပြုတ် နဲ့ စတော်ဘယ်ရီပဲ ပါဝင်ပါတယ်။

ပရိသတ်တွေကတော့ Go Min Si ရဲ့ ခန္ဓာကိုယ်ထိန်းသိမ်းတဲ့ အလေ့အကျင့်လေးကို ချီးကျူးနေပြီး သူမရဲ့ စားသောက်မှုပုံစံကိုလည်း အထင်ကြီးအံ့သြနေကြပါတယ်။

Go Min Si က လက်ရှိမှာ ဒါရိုက်တာ Ryu Seung Wan ရဲ့ မှုခင်း ဇာတ်လမ်းအသစ်မှာ ပါဝင်သရုပ်ဆောင် ရိုက်ကူးနေပါတယ်။