Season 6 မှာကာတွန်းပုံစံရုပ်ထွက်နဲ့ရောက်ရှိလာမဲ့ Rocket League

Rocket League ဆိုတဲ့ဂိမ်းကိုတော့အားလုံးနီးပါးမဆော့ဖူးတောင်ကြားဖူးကြမှာပါ။ဘောလုံးကွင်းကျယ်ကြီးတစ်ခုထဲမှာ ကားတစ်စီးနဲ့ ဘောလုံးကြီးကိုတိုက်ပြီးဂိုးဝင်အောင်သွင်းရမဲ့ ဂိမ်းဖြစ်ပါတယ်။PC ပေါ်မှာကစားနိုင်တဲ့ဂိမ်းတစ်ခုဖြစ်ပြီး မိုဘိုင်းဖုန်းအတွက်လည်း Rocket League:Side Swipe ဆိုပြီးမိုဘိုင်းဗားရှင်းတစ်ခုရှိပါသေးတယ်။Rocket League ဟာခုဆို Season 6 ထိရှိနေပြီးဒီ Season ရဲ့ Rocket Pass မှာရုပ်ထွက်အရမ်းမိုက်တာတစ်ခုပါဝင်လာပါတယ်။

Rocket League ရဲ့ Developer ဖြစ်သူ Psyonix က Season 6 မှာပါဝင်လာမှာတွေနဲ့ပတ်သက်လို့ ထုတ်ပြန်ချက်တစ်ခုကို မတ်လ ၇ ရက်နေ့ကထုတ်ပြန်ခဲ့ပါတယ်။အခု Season မှာကာတွန်းပုံစံရုပ်ထွက်နဲ့ Rocket Pass စတင်ပါဝင်လာမှာဖြစ်ပြီး Nomad ဗန်ကားအသစ်၊Neo Tokyo (Comic) Varient Arena တို့အသစ်ပါဝင်လာမဲ့အပြင် ဘီးအသစ်တွေ၊Goal Explosion အသစ်တွေကိုလည်းမြင်ရမှာဖြစ်ပါတယ်။Rocket Pass နဲ့လာတာဖြစ်တဲ့အတွက် ကာတွန်းရုပ်ထွက်နဲ့ဆော့ချင်ရင်တော့ Pass ဝယ်ရမှာပါ။Rocket Pass ကအမေရိကန်ဒေါ်လာ ၉.၉၉ လောက်တန်ဖိုးရှိတာမလို့ မြန်မာငွေ ၂၀၀၀၀ ဝန်းကျင်လောက်ကျသင့်မှာဖြစ်ပါတယ်။

Season 6 အတွက် Cinematic Trailer ကိုလည်းထုတ်ပေးထားပါတယ်။Trailer ထဲမှာကာတွန်းပုံရုပ်ထွက်ကို အသေးစိတ်မြင်ရမှာပါ။အရောင်စိုစိုနဲ့ 2D ပုံစံရုပ်ထွက်ကို လှလှပပလေးမြင်ရပါတယ်။လက်ရှိကစားနေသူတွေကိုသာမက တခြားကစားသမားအသစ်တွေကိုပါ ဆွဲဆောင်နိုင်မဲ့ရုပ်ထွက်လေးဖြစ်လာမှာပါ။

Rocket League ကိုကစားချင်တယ်ဆိုရင်တော့ Epic Store ပေါ်ကနေ အခမဲ့ဒေါင်းလုပ်ရယူကစားနိုင်ပါတယ်။Steam ပေါ်ကနေတော့ဒေါင်းလုပ်ရယူနိုင်မှာမဟုတ်တော့ပါဘူး။စကတည်းက Gameplay အရမ်းမိုက်လို့နာမည်ကြီးနေတဲ့ဂိမ်းကို ရုပ်ထွက်အလန်းစားတွေပါ ထပ်ထည့်လိုက်ချိန်မှာတော့ ဒီဂိမ်းဆီကစားသူအသစ်တွေ အများကြီးရောက်ရှိလာမှာအသေအချာပါပဲ။ချစ်စရာကောင်းတဲ့ရုပ်ထွက်နဲ့ Season 6 Cinematic Trailer ကိုလည်း‌အောက်မှာဖော်ပြပေးလိုက်ပါတယ်။