လူမှုကွန်ရက်စာမျက်နှာပေါ်မှာ ပျံနှံ့လာခဲ့တဲ့ Tangmo နဲ့ သူမအဖေရဲ့ ဓာတ်ပုံလေးများ

မကြာသေးမီက ကွယ်လွန်သွားတဲ့ ထိုင်းမင်းသမီးလေး Tangmo ရဲ့ စိတ်မကောင်းစရာ အဖြစ်အပျက်ဟာ သိရှိရသူတွေအဖို့ စိတ်တုန်လှုပ်ခြောက်ခြားစရာကိစ္စကြီး ဖြစ်သွားစေပါတယ်။ Tangmo ဟာ သူငယ်ချင်း ၅ ယောက်နဲ့အတူ စက်လှေစီးပြီး လှေပေါ်ကနေ မတော်တဆ ပြုတ်ကျသေဆုံးသွားရတဲ့သူဖြစ်ပါတယ်။

သမီးဖြစ်သူရဲ့ အမှုက သွေးရိုးသားရိုးမဟုတ်ပေမယ့် လျော်ကြေးငွေ ဘတ် သန်း ၃၀ နဲ့ ကြေအေးပေးမယ်ဆိုတဲ့ Tangmo ရဲ့ မိခင်ကြောင့်လည်း ပရိသတ်တွေက ပိုပြီး အံ့အားသင့်ခဲ့ရပါတယ်။ အဲဒီသတင်းနဲ့ တစ်ပြိုင်နက်တည်း နာမည်ကြီးလာတာက Tangmo ရဲ့ ကွယ်လွန်သွားရှာပြီဖြစ်တဲ့ ဖခင်ကိစ္စပဲဖြစ်ပါတယ်။ Tangmo ရဲ့ မိဘတွေက Tangmo ကလေးဘဝ ၃ နှစ်အရွယ်ကတည်းက ကွယ်လွန်သွားခဲ့တာဖြစ်ပါတယ်။ Tangmo က ဖခင်ဖြစ်သူ Sophon Parcharawirapong နဲ့ အတူနေထိုင်ခဲ့ပြီး သူ့မိခင်နဲ့ အတူပြန်နေတာ နှစ်အနည်းငယ်လောက်ပဲရှိသေးတယ်လို့ သိရပါတယ်။

Tangmo က ဖခင်ကြီးကို အရမ်းချစ်ပြီး ဖခင်ကြီးနဲ့အတူပျော်ရွှင်နေတဲ့ ပုံလေးတွေကို အမြဲမှတ်တမ်းတင်ထားလေ့ရှိပါတယ်။ သူမ မကွယ်လွန်ခင်က ဖခင်ကြီးနဲ့ ပတ်သတ်ပြီးပြောခဲ့တာလေး ရှိပါတယ်။ အဲဒါလေးကိုအောက်မှာ ဖော်ပြပေးထားပါတယ်။

“ဘဝမှာတစ်ယောက်တည်းရှင်သန်ရမှာ .. အဖေသာမရှိတော့ရင် ကျွန်မမှာ ဘယ်သူမှမရှိတော့ဘူး”

Tangmo ရဲ့ စာလေးကတိုပေမယ့် ပရိသတ်တွေရင်ထဲမှာ နက်ရှိုင်းစွာခံစားသွားရစေပါတယ်။ ဒါကြောင့်လည်း ပရိသတ်တွေက Tangmo နဲ့ သူမရဲ့ ဖခင်ကြီး အတူ ပျော်ရွှင်နေတဲ့ပုံရိပ်လေးတွေကို လိုက်ရှာပြီး လူမှုကွန်ရက်စာမျက်နှာပေါ်မှာ တင်ခဲ့ပါတယ်။

ဓာတ်ပုံလေးတွေကို အားလုံးပဲ ကြည့်လို့ရအောင် ဝေမျှပေးလိုက်ပါတယ်နော်။ စိတ်မကောင်းစရာက ချစ်စရာသားအဖလေးနှစ်ယောက်က အခုဆိုရင်တော့ လူ့လောကကြီးထဲမှာ မရှိကြတော့ပါဘူး။