အိမ်နီးနားချင်းများကို ထိတ်လန့်‌ေကြာက်ရွံ့‌ေနစေခဲ့တဲ့ မြို့ထဲက နတ်ဆိုးအိမ်

ဘိုလီးဗီးယား သတ္တုတွင်းလုပ်သားတစ်ဦးဟာ နိုင်ငံရဲ့ ကိုလိုနီခေတ်အတိတ်ကို အပျော်သဘောဆောင်ရန် ရည်ရွယ်ကာ ချိုရှည်နတ်ဆိုးများနှင့် အခြားကြောက်စရာရုပ်တုများဖြင့် သူ့အိမ်ကို ဖုံးအုပ်ထား‌ေပမယ့်လည်း မှော်အတတ်ဓလေ့ထုံးတမ်းများကို ကြောက်ရွံ့တဲ့ အိမ်နီးချင်းအချို့ကို ထိတ်လန့်စေခဲ့ပါတယ်။ El Alto မြို့ရှိ adobe အုတ်အိမ်ဟာ David Choque မှပိုင်ဆိုင်တဲ့ အိမ်တစ်လုံးဖြစ်ပါတယ်။ သူဟာ ဘိလပ်မြေနှင့် သစ်သားမှ နတ်ဆိုးများရဲ့ အရိုးစုများကို ဖန်တီးရန် အနုပညာရှင်တစ်ဦးကို ငှားရမ်းကာ သူ့ရဲ့အိမ်ခေါင်မိုး၊ တံခါးများနှင့် နံရံများတွင် တပ်ဆင်ခဲ့ပါတယ်။

Choque ရဲ့အရှေ့ဘက်တံခါးတွင် အနက်ရောင်ဦးခေါင်းခွံတစ်ခုနှင့် ပြတင်းပေါက်ဘောင်တစ်ဝိုက်တွင် ကြီးမားတဲ့ သွားများပြုလုပ်ထားပြီး သွားများပေါ်တွင် အနုစိတ်ထွင်းထုထားတဲ့ နဂါးတစ်ကောင် ပုန်းအောင်းနေပါတယ်။ တစ္ဆေခြောက်တဲ့အိမ်ဟာ ဒေသတွင်းခရီးသွားလုပ်ငန်းကို လှုံ့ဆော်ပေးနိုင်မည်ဟု မျှော်လင့်ကြောင်း Choque က Reuters သို့ ပြောကြားခဲ့ပါတယ်။ "စိတ်သဘောထားကြီးတဲ့လူတွေက ဒါဟာ သဘာဝလွန်အရာတစ်ခုလို့ ထင်ကြလိမ့်မယ်၊ ဒါပေမယ့် လူတွေက သူတို့ရဲ့စိတ်တွေကို ပွင့်ပွင့်လင်းလင်းမြင်ပြီး ခရီးသွားဆွဲဆောင်မှုတစ်ခုအနေနဲ့ ဒီဧရိယာကို မြှင့်တင်ပေးနိုင်တဲ့ အရာတစ်ခုအဖြစ် မြင်ကြရမယ်" လို့ မိုင်းတွင်းမိသားစုမှ ပေါက်ဖွားလာတဲ့ Choque က ပြောကြားခဲ့ပါတယ်။ "အဆိုး‌ေတွမဟုတ်ပါဘူး၊ အကောင်းတွေ ဆောင်လာပါလိမ့်မယ်။"

စပိန်ကိုလိုနီအုပ်ချုပ်မှုအတွင်း ဒေသခံဌာနေတိုင်းရင်းသားများ ထိတ်လန့်ပြီး ငွေတူးရန် အတင်းအကြပ် ဖိအားပေးခံရကာ လွန်ခဲ့တဲ့ ရာစုနှစ်များက ဘိုလီးဗီးယားမိုင်းတွင်းရှိ ပန်းပုများဟာ အသက်ဝင်စေသည်ဟု Choque က ပြောကြားခဲ့ပါတယ်။ ကိုလိုနီခေတ် သခင်များဟာ မိုင်းတွင်းလုပ်သားများရဲ့ ရုပ်ပုံများကို ပြသပြီး အလုပ်မလုပ်ပါက ဝိညာဉ်များရဲ့ ဖမ်းဆီးခေါ်ဆောင်သွားခြင်း ခံရမည်ဖြစ်ကြောင်း သတိပေးခံရလေ့ရှိပါတယ်။ ရာစုနှစ်သုံးစုကျော် စပိန်လွှမ်းမိုးချုပ်ကိုင်ခဲ့တဲ့ မက္ကဆီကိုကဲ့သို့ ဘိုလီးဗီးယားဟာ ကမ္ဘာ့ပထမဆုံးသော အဓိကကုန်စည်ရောင်းဝယ်မှုတစ်ခုဖြစ်တဲ့ ကြွေထည်နှင့် ပိုးထည်ကဲ့သို့သော ကုန်ပစ္စည်းများနှင့် လဲလှယ်ကာ အာရှသို့ တင်ပို့တဲ့ အဓိကငွေရင်းမြစ်ဖြစ်ခဲ့ပါတယ်။

အချို့အိမ်နီးချင်းများဟာ Choque ရဲ့အိမ်တွင် နတ်ဆိုးများကိုမြင်ရပြီး အများစုဟာ စာတန်နစ်ကိုကိုးကွယ်သူများအား အချက်ပြတဲ့ အနေဖြင့် ပါးစပ်ဟကာ ပြုံးစိစိဖြင့် နတ်ဆိုးများကိုမြင်ကြပြီး Choque ဟာ အခြေအမြစ်မရှိတဲ့ကောလာဟလများကို တိုက်ဖျက်နေသည်ဟု ညည်းတွားကြပါတယ်။ မြို့ခံတစ်ဦးဖြစ်တဲ့ Maria Laurel က အိမ်ထဲမှာ ကိုယ်လုံးတီး ထုံးတမ်းစဉ်လာတွေ ပြောနေတာကို ကြားခဲ့ရတယ်လို့ ဆိုပါတယ်။ “ဒီနားက အိမ်နီးချင်းတွေက ကြောက်တယ်” သူမဟာ သူမကားကို မှီပြီး "အမှန်တရားက ငါ့ကို ကြောက်စေပါတယ်။" လို့ပြောခဲ့ပါတယ်။ Choque ဟာ ထိုကဲ့သို့သော ထုံးတမ်းဓလေ့များကို ငြင်းဆိုခဲ့ပြီး အလုပ်သမားများဟာ ကိုကာရွက်နှင့် အရက်အပါအဝင် ပူဇော်သက္ကာများကို မကြာခဏစွန့်လေ့ရှိတဲ့ မိုင်းဝင်ပေါက်များတွင် နတ်ဆိုးများရဲ့အလားတူ သရုပ်ဖော်ပုံများကို မှတ်သားထားကာ ဒီရုပ်ပုံတွေဟာ မိုင်းတွင်းများတွင် သူတို့ကို ကာကွယ်နိုင်မည်ဟု ယုံကြည်ကြပါတယ်။

သတင်းအရင်းမြစ်: Reuters