နှစ်ပေါင်း ၃၀ ကြာပြီးနောက်မှာ မိုးခေါင်မှုကြောင့် ပြန်လည်ပေါ်ထွက်လာခဲ့တဲ့ တစ္ဆေရွာ

မိုးခေါင်မှုကြောင့် ဥရောပနယ်နိမိတ်နှစ်ခုရှိ ရေမြုပ်နေတဲ့ 'တစ္ဆေ' ရွာတစ်ရွာဟာ နှစ် ၃၀ ကြာပြီးနောက် ပေါ်ထွက်လာခဲ့ပါတယ်။ စပိန်နိုင်ငံ Galicia ဒေသတွင် တွေ့ရှိခဲ့တဲ့ Aceredo ရွာဟာ ရေလှောင်ကန်တစ်ခု ပျက်စီးမှုကြောင့် 1992 ခုနှစ်တွင် ရေမြုပ်ခဲ့ပါတယ်။ လက်ရှိတွင် ရေတွေဟာ စုစုပေါင်း အဲ့တုန်းကထက် 15% ခန့်သာရှိတာကြောင့် ရွာကိုယခုမြင်နေရပြီဖြစ်ပါတယ်။ လျှို့ဝှက်ဆန်းကြယ် မီးခိုးရောင် အပျက်အစီးများနှင့် ကြောက်မက်ဖွယ်ကောင်းတဲ့ အဆောက်အဦများဟာ ရေကြီးပြီးနောက် ဆယ်စုနှစ် သုံးခုအတွင်း ရွာသို့ လာရောက်ကြသော ခရီးသွားများနှင့် ဒေသခံများရဲ့အလည်လာရောက်ခြင်းကို ခံခဲ့ရပါတယ်။

သံချေးတက်နေတဲ့ ကားဟောင်းများနှင့် အခြားအရာဝတ္တုများကြား ရွာငယ်လေးတွင် တည်ဆောက်ထားတဲ့ အပျက်အစီးများဟာ ရေနည်းပါးမှုကြောင့် အံ့ဩဖွယ်ကောင်းလောက်အောင် ပြန်လည်ပေါ်လာခဲ့ပါတယ်။ ကြောက်မက်ဖွယ်ကောင်းတဲ့နေရာကို လည်ပတ်ပြီးနောက်၊ ဆိုက်ကိုလာရောက်လည်ပတ်သူ တစ်ဦးက သူတို့ရဲ့ အတွေ့အကြုံကို ဖွင့်ဟခဲ့ပါတယ်။ ဧည့်သည် Maximino Pérez Romero က "ဒါက ရုပ်ရှင်ကြည့်နေသလိုပဲ။ ဝမ်းနည်းမှုတစ်ခု ခံစားရတယ် ကျွန်‌ေတာ့်ရဲ့ ခံစားချက်ကတော့ မိုးခေါင်ရေရှားမှုတွေနဲ့ ရာသီဥတုဖောက်ပြန်မှုတွေကြောင့် နှစ်တွေကြာလာတာနဲ့အမျှ ဒါက ဖြစ်ပျက်လာမယ့်အရာတွေပါ။ "

ရွာမှာအလုပ်လုပ်တဲ့ José Álvarez က "ဒါကကြောက်စရာကောင်းတယ်၊ ဒါပေမယ့်အဲဒါကအဲ့ဒါပါပဲ။ ဒါဟာဘ၀ပဲ။ တချို့ကသေတယ်၊ ​​တချို့ကအသက်ရှင်တယ်" လို့ပြောကြားခဲ့ပါတယ်။ ဒေသကောင်စီရဲ့ မြို့တော်ဝန် María del Carmen Yañez က မိုးခေါင်ရေရှားမှုဟာ မိုးရွာသွန်းမှု မရှိခြင်းကြောင့်ဟု ပြောကြားခဲ့ပါတယ်။ ယခုလအစောပိုင်းတွင် ပေါ်တူဂီနိုင်ငံဟာ မိုးခေါင်မှုကြောင့် လျှပ်စစ်ထုတ်လုပ်ရေးနှင့် ဆည်မြောင်းအတွက် အသုံးပြုတဲ့ ရေအားလုံးကို ရပ်ဆိုင်းထားရန် ဆည်ခြောက်ခုကို ညွှန်ကြားခဲ့ပါတယ်။

စွန့်ပစ်ခြင်း ခံထားရတဲ့ရွာရဲ့ ကျက်သရေရှိမှုဟာ မေ့နေတဲ့ဒေသကို တစေ့တစောင်းကြည့်ရှုလိုတဲ့ ခရီးသွားအများအပြားကို ဆွဲဆောင်ခဲ့ပါတယ်။ ဒေသခံတစ်ဦးဖြစ်တဲ့ Francisco Villalonga က "ဒါက တခြားနေရာက ဧည့်သည်တွေအတွက် စိတ်ဝင်စားစရာလို့ မြင်ပါတယ်။ ဒါပေမယ့် အဲဒီနေရာမှာ အမြစ်တွယ်နေတဲ့ သူတွေအတွက်တော့ ဒီလိုမျိုး မြင်ဖို့ ခက်ပါတယ်။ သူတို့ မွေးဖွားကြီးပြင်းတဲ့ အိမ်တွေကို မြင်လိုက်ရတော့ လူတွေက အတိတ်ကို လွမ်းဆွတ် ကုန်ကြတယ်။ အဲဒါက သိပ်ကို ဂါလီစီယံ ကိစ္စပါပဲ။"

သတင်းအရင်းမြစ်: Daily Star