လွယ်မလိုလိုနဲ့ ဆော့ရတာခက်တဲ့ Mini Metro မိုဘိုင်းဂိမ်း

ရုပ်ထွက်တွေဘာတွေအရေးမကြီးပဲ ဂိမ်းတစ်ခုကို ဆော့ရတဲ့အပိုင်းကိုပဲ အာရုံစိုက်သူတွေအတွက် ဂိမ်းဆော့ရတာပျော်ဖို့ကောင်းပြီး တဖြည်းဖြည်းအရှိန်တက်လာစေမဲ့ ဂိမ်းလေးတစ်ခုနဲ့မိတ်ဆက်ပေးချင်ပါတယ်။ဂိမ်းကဆော့နေရင်းနဲ့ တဖြည်းဖြည်းအရှိန်တက်လာမှာဖြစ်ပြီး စိန်ခေါ်မူလည်းပိုများလာမဲ့ဂိမ်းပါ။Mini Metro လို့အမည်ရတဲ့ဂိမ်းလေးတစ်ခုဖြစ်ပါတယ်။

ဒီဂိမ်းက အခမဲ့ဆော့နိုင်တဲ့ဂိမ်းမဟုတ်ပဲ မြန်မာငွေ ၂၀၀၀ ကျော်လောက်တော့ပေးဝယ်ရမဲ့ဂိမ်းဖြစ်ပါတယ်။ဒါပေမဲ့ပေးဝယ်ရတဲ့ပိုက်ဆံနဲ့ တကယ်တန်တဲ့ဂိမ်းပါ။ဂိမ်းကိုစဆော့ဆော့ချင်းမှာ ရထားဘူတာလေးသုံးခုနဲ့ ရထားလမ်းကြောင်းသုံးခုကိုတွေ့ရမှာပါ။လမ်းကြောင်းသုံးခုကတစ်ခုနဲ့တစ်ခုအရောင်မတူသလို ဘူတာတွေကလည်း လေးထောင့်ပုံစံ၊တြိဂံပုံစံနဲ့ အဝိုင်းပုံစံတွေရှိပြီး တစ်ခုနဲ့တစ်ခုမတူပါဘူး။ခရီးသည်တွေထဲမှာလည်း လေးထောင့်စီသွားချင်တဲ့သူ၊အဝိုင်းဆီသွားချင်သူ၊တြိဂံဆီသွားချင်သူဆိုပြီးရှိပါတယ်။အတတ်နိုင်ဆုံးလမ်းကြောင်းတစ်ခုပေါ်မှာ ဘူတာပုံစံတွေစုံအောင် ထားပေးရမှာပါ။ဒါမှဘူတာတစ်ခုတည်းမှာ ခရီးသည်တွေထပ်နေမှာကို ကာကွယ်နိုင်မှာဖြစ်ပါတယ်။

စချင်းလမ်းကြောင်းတစ်ခုဆီပေါ်မှာ ရထားတစ်တွဲစီမောင်းနှင်နေမှာပါ။နောက်ပိုင်းတဖြည်းဖြည်း ဘူတာတွေများလာမှာကြောင့် အဆင်ပြေတဲ့လမ်းကြောင်းနဲ့ ချိတ်ဆက်ပေးရမှာဖြစ်ပါတယ်။လမ်းကြောင်းတစ်ခုကို ဘူတာအကန့်အသတ်မရှိချိတ်ဆက်နိုင်ပေမဲ့ ရေမြောင်းကိုဖောက်ရတဲ့ တံတားလေးတွေမရှိရင်တော့ ရေမြောင်းပေါ်ကျော်ပြီးဆက်နိုင်မှာမဟုတ်ပါဘူး။ရထားတွဲခေါင်းအသစ်တွေ၊လမ်းကြောင်းအသစ်တွေ၊ရထားတွဲအသစ်တွေကိုပါ တဖြည်းဖြည်းရရှိမှာမလို့ နောက်ပိုင်းလမ်းကြောင်းတစ်ခုတည်းမှာ ဘူတာတွေအရမ်းများလာရင် တခြားစက်ခေါင်းတွေ၊ရထား‌တွဲတွေထပ်ချပေးထားရမှာဖြစ်ပါတယ်။တကယ်လို့ဘူတာတစ်ခုပေါ်မှာ ခရီးသည်တွေအရမ်းများသွားတဲ့အချိန်ကျရင် Countdown တစ်ခုစတင်မှာဖြစ်ပြီး အဲ့ Countdown အချိန်ပြည့်သွားရင်တော့ ဂိမ်းရှုံးသွားပြီမလို့ အစကပြန်ဆော့ကစားရမှာဖြစ်ပါတယ်။

ဒီဂိမ်းဟာ ဇာတ်လမ်းတွေ၊ရုပ်ထွက်တွေ၊animation အလန်းစားတွေ ဘာဆိုဘာမှမပါပဲ ဆော့ရတဲ့ဂိမ်းပုံစံသီးသန့်ကိုပဲ လူကြိုက်များကြတာဖြစ်ပါတယ်။လွယ်သလိုလိုနဲ့ တော်တော်လေးခက်ပြီး တော်တော်လေးစဉ်းစားရတဲ့ဂိမ်းပါ။Streagy Puzzle ဂိမ်းအမျိုးအစားဖြစ်တာကြောင့် အ‌စကောင်းမှအနှောင်းသေချာနိုင်မဲ့ဂိမ်းဖြစ်ပါတယ်။Play Store ပေါ်မှာရော၊iOS ပေါ်မှာရော Review ကောင်းတွေအများကြီးရရှိထားပြီး ဆော့ရတာ စိတ်ဝင်စားစရာကောင်းတဲ့အပြင် စိန်ခေါ်မူတော်တော်များတဲ့ဂိမ်းဖြစ်တာကြောင့်စမ်းဆော့ကြည့်သင့်ပါတယ်။မြန်မာငွေ ၂၀၀၀ နဲ့လည်းပေးရတာလုံးဝတန်တာမလို့ အားလုံးစမ်းဆော့ကြည့်သင့်ကြတဲ့ဂိမ်းလေးတစ်ခုပါ။